Fréttablaðið - 20.05.2009, Page 49

MIÐVIKUDAGUR 20. maí 2009
UMRÆÐAN
Friðrik Haraldsson skrifar um
leiðsögumenn
Félag leiðsögumanna var stofn-að 1972. Það varð fagfélag með
beina aðild að ASÍ til að greiða fyrir
samningum við vinnuveitendur.
Þeim tókst að rýra kjörin strax í
fyrstu atrennu vegna tengsla félags-
ins við ASÍ.
Margt ávannst
í samningum í
áranna rás án
afskipta ASÍ.
Fyrstu tvo og
hálfan áratuginn
réði metnaður
för. Tvö verkföll
urðu á ferlinum,
hið síðara 1987,
þegar umtalsverð kjarabót fékkst.
Síðan hefur margt sem ávannst
glutrast úr höndum félagsins, sem
vinnuveitendur hafa vafið um fing-
ur sér. Aukin afskipti ASÍ áttu sinn
þátt í því afhroði.
Sumum stjórnum félagsins varð
mikið á og tjón varð gífurlegt.
Verulegum fjölda atvinnuleiðsögu-
manna blöskraði og þeir hættu
öllum afskiptum af félaginu. Flest-
ir hurfu úr því og greiða gjöld til
annarra félaga. Alls hafa á tólfta
hundrað útskrifast úr Leiðsögu-
skóla Íslands. Eftir standa rúm-
lega 500 félagsmenn, helmingur
óvirkur og afgangurinn á villigöt-
um eða metnaðarlaus. Starfsheitið
er haft í flimtingum og er athlægi
innan ferðaþjónustunnar. Radd-
ir, sem hrópa á réttlæti og endur-
heimt virðingar og skynsemi, eru
gerðar tortryggilegar. Meðan slík-
ur málflutningur nýtur stuðnings
er ekki bjart framundan. Ágrein-
ingur innan félagsins vex stöðugt.
Eldsneytið á ófriðarbálið kemur
reglulega frá stjórn þess. Nokkrir
félagsmanna reyna að vera á verði
og benda jafnóðum á mistökin. Það
er erfitt, m.a. vegna þess, að stjórn
félagsins hefur, þar til nýlega, hunz-
að lög þess, sem kveða á um birt-
ingu allra fundargerða í netblaði.
Umbótasinnar berjast gegn hættu-
legri þróun fyrir alla ferðaþjónust-
una. Æ fleira undirmálsfólk starfar
með blessun félagsins, sem kemur
þannig óorði á alla með metnað.
Vægi ferðaþjónustunnar vex. Því
er þörf á eflingu menntunar, vönd-
uðum vinnubrögðum og áþreifan-
legri viðurkenningu yfirvalda á
mikilvægi velmenntaðra leiðsögu-
manna. Starf þeirra á að löggilda
tafarlaust.
Bent skal á rökstuðning ofan-
greinds og nánari umfjöllun um end-
urreisn þessa fyrrum ágæta félags.
Slóðin er: http://www.icelandonline.
is/Guides/zgrein1_050506.htm.
Nú þegar er skráð Fagfélag leið-
sögumanna, sem atvinnuleiðsögu-
menn geta gert að vígi sínu og leyft
gamla félaginu að halda áfram að
visna og deyja, sýnist þeim svo.
Höfundur er leiðsögumaður.
Afglapa-
króníka
FRIÐRIK
HARALDSSON