Fréttablaðið - 13.06.2009, Side 30

30 13. júní 2009 LAUGARDAGUR
Þ
etta voru sautj-
án kafarar, nokkr-
ir Íslendingar, svo
Bandaríkjamenn og
Þjóðverjar,“ segir
Andri Ómarsson kaf-
ari. Hann fór ásamt sextán öðrum
köfurum í ferð þar sem takmarkið
var að kafa við heimskautsbaug-
inn, sem liggur þvert yfir Gríms-
ey.
Kafararnir byrjuðu í Eyjafirði.
„Við köfuðum á stað sem heitir
Strýturnar. Þar er svo allt öðru-
vísi að kafa en annars staðar á
Íslandi þar sem heitar uppsprett-
ur eru um allt,“ segir Andri og
bætir því við að hægt hafi verið
að taka af sér hanska og ylja sér
við heita vatnið. „Við köfuðum svo
við Grímsey daginn eftir. Það var
óvænt köfun og stendur svolít-
ið upp úr. Hluti af hópnum, þar á
meðal ég, lenti í því að þegar við
vorum nýkomnir í sjóinn sáum
við fuglager koma niður og kafa.
Það voru langvíur, sem eru frekar
litlir fuglar sem eru vanir að kafa
eftir æti. Þeir voru svo forvitnir,
fyrst kom einn en í lokin voru um
tíu til fimmtán fuglar. Þeir voru
svo forvitnir og komu svo nálægt
að maður hefði getað teygt sig
eftir þeim.“
Síðasta köfunardaginn var ferð-
inni heitið í Kolbeinsey. Andri
segir þá hafa viljað nýta tækifær-
ið þar sem ekki sé mjög langt í að
eyjan hverfi. „Hún er orðin það
lítil að það er komin gjá í gegn-
um hana á sama stað og þyrlupall-
urinn var á sínum tíma. Einn af
köfurunum sá einmitt steypuleif-
ar í gjánni eftir pallinn.“
Sjónvarpsþáttur verður gerður
um köfunarferðina því með hópn-
um var sjónvarpsteymi frá Þýska-
landi sem myndaði alla ferðina.
Þátturinn verður sýndur í Þýska-
landi í desember.
Kafað umhverfis hverfandi Kolbeinsey
Hópur af íslenskum, þýskum og bandarískum köfurum fór í köfunarferð við heimskautsbauginn nyrðri á dögunum. Kafararnir
sáu ýmislegt forvitnilegt bæði neðansjávar og ofansjávar. Þeir köfuðu í Strýtum í Eyjafirði, í kringum Grímsey og Kolbeinsey,
sem fer ört minnkandi. Andri Ómarsson sagði Þórunni Elísabetu Bogadóttur frá ferðinni.
Á HEIMSKAUTSBAUGNUM Andri Ómarsson kafari á heimskautsbaug í Grímsey.
KOLBEINSEY Kafararnir Andri og Helgi stigu fæti á Kolbeinsey, sem fer ört minnkandi.
KOLBEINSEY Eyjan minnkar hratt og hefur nú myndast gjá í hana miðja eins og sjá má á myndinni.
KOLBEINSEY Hluti Kolbeinseyjar á um það bil sjö metra dýpi.
LANGVÍUR Þegar kafað var við Grímsey fékk hópurinn óvæntan félagsskap. Hópur af
langvíum stakk sér til sunds og forvitnaðist um kafarana.
STEINBÍTUR Mikið var um steinbít við Kolbeinsey, en að sögn
Andra Ómarssonar voru þeir um sextíu á sundi við eyjuna.