Fréttablaðið - 25.06.2009, Page 10

10 25. júní 2009 FIMMTUDAGUR
FRUMSÝNING Breski leikarinn Sacha
Baron Cohen klæddist í gervi Brunos
á frumsýningu myndar um Bruno í
London á miðvikudag. FRÉTTABLAÐIÐ/AP
E
N
N
E
M
M
/
S
ÍA
/
N
M
3
8
3
8
2
*Sumaráskrift að Tónlist.is stendur viðskiptavinum í Mínu Frelsi til boða án aukagjalds. Nánari skilmálar á www.tonlist.is.
**60 mín/SMS á dag. Áfylling fyrir að lágmarki þúsund krónur virkjar tilboðið. Tilboðið gildir innan GSM kerfis Símans til 1. október 2009.
Uppáhaldslög allra
Íslendinga fyrir
0kr. í allt sumar*
ÍRAN Lögregla og sérsveitir börðu
niður mótmæli í Teheran í Íran í
gær. Hundruð mótmælenda höfðu
komið saman þrátt fyrir bann og
hótanir íranskra yfirvalda.
Mótmælendur voru lamdir með
kylfum og táragasi var úðað á þá,
samkvæmt vitnum. Að sögn börð-
ust sumir mótmælendur á móti
lögreglu en aðrir flúðu. Fjölmarg-
ir mótmælendur hefðu verið illa
særðir og jafnvel látnir vegna
ofbeldisins. Öryggisverðir eru
sagðir hafa lamið konur sérstak-
lega, en konur hafa verið áberandi
í mótmælum síðustu daga. Þúsund-
ir öryggisvarða og lögreglumanna
voru á götum úti í allan gærdag til
þess að reyna að koma í veg fyrir
mannsöfnuð.
Eiginkona stjórnarandstöðu-
leiðtogans Mir Hossein Mousavi,
Zahra Rahnavard, sagði í gær
að mótmælendur hefðu stjórnar-
skrárbundinn rétt til mótmæla og
ríkisstjórnin ætti ekki að bregðast
við þeim líkt og herlög hefðu verið
sett. Hún kallaði eftir því að öllum
þeim sem hefðu verið handteknir
í mótmælunum yrði sleppt. Annar
frambjóðandi til forseta, Mohsen
Rezaie, dró í gær til baka kvartan-
ir sínar um kosningasvindl. Hann
sagði það gert með hag landsins
fyrir brjósti.
Sendiherra Írans í Bretlandi
hefur verið kallaður heim tíma-
bundið og verið er að skoða hvort
hægt sé að minnka opinber tengsl
á milli landanna. Íranska stjórn-
in hefur sakað Breta um að senda
njósnara til landsins til að stuðla
að mótmælunum.
Fjórir leikmenn íranska lands-
liðsins í knattspyrnu voru í gær
settir í ævilangt bann vegna þess
að þeir höfðu græn úlnliðsbönd til
stuðnings Mousavi í leik landsins
við Suður-Kóreu í síðustu viku.
Græni liturinn hefur mikið verið
notaður í kosningabaráttu Mousa-
vis og í mótmælum eftir kosning-
ar. Þá voru vegabréf þeirra tekin
af þeim. thorunn@frettabladid.is
Átök milli mótmæl-
enda og lögreglu
Blóðug átök urðu meðal mótmælenda og lögreglu í Teheran í Íran í gær. Þá hef-
ur sendiherra Írans verið kallaður heim frá Bretlandi. Landsliðsmenn í knatt-
spyrnu sem sýndu mótmælum stuðning hafa verið settir í lífstíðarkeppnisbann.
STOKKHÓLMUR Dagleg mótmæli hafa verið í höfuðborg Svíþjóðar síðan kosning-
arnar fóru fram. Í Íran hefur fréttamönnum og ljósmyndurum verið gert erfitt fyrir og
þeim bannað að starfa á götum úti. NORDICPHOTOS/AFP
NEYTENDUR VR hefur undanfarið
boðið upp á ýmis námskeið fyrir
atvinnuleitandi félagsmenn en nú
verða fjölskyldurnar líka styrktar.
Félagsmenn geta boðið börnum
sínum upp á frí leikjanámskeið
og sumbarbúðir hjá KFUM og
KFUK. Takmarkað pláss er í boði
og mikilvægt að panta sem fyrst.
Þá er einnig hægt að fá veiði- og
útilegukortið frítt og hestaferð-
ir með Íshestum. „Við erum að
reyna að lífga upp á tilveruna
hjá ungviðinu með foreldrunum
þannig að fjölskyldan geti notið
þess að vera saman, þótt það sé
lítið um peninga,“ segir Jóhanna
Elísabet Vilhelmsdóttir, verkefna-
stjóri VR. „Fólk er alveg óskap-
lega þakklátt.“
Um 2.500 félagsmenn VR eru
án vinnu. Hægt er að nálgast
umsóknir og upplýsingar á heima-
síðu VR www.vr.is. - hds
Frítt á leikjanámskeið:
VR styrkir
fjölskyldufólk
STJÓRNMÁL Í nýrri ályktun Ungra
vinstri grænna (UVG) fagna
þau að Varnarmálastofnun hafi
verið lögð niður. Leggja þau
jafnframt til að heræfingar,
loftrýmiseftirlit og önnur hern-
aðarleg starfsemi verði lögð
niður.
Í staðinn vill UVG nýta féð
sem sparast í velferðarkerfið,
til dæmis í LÍN. Segja þau jafn-
framt að það spari tugi milljóna
að segja sig úr NATO.
„Það eru ekki aðeins hags-
munir ungs fólks, heldur allra
Íslendinga að íslenska ríkið
fjárfesti í menntun, mannviti og
öflugu velferðarkerfi, en hendi
ekki peningum í tilgangslaust
hernaðarbrask,“ segir í lok
ályktunarinnar. - vsp
UVG vilja úr NATO:
Eyðum ekki í
tilgangslaust
hernaðarbrask
DÓMSTÓLAR Karlmaður á þrítugs-
aldri hefur verið dæmdur í sex
mánaða fangelsi, þar af þrjá á
skilorði, fyrir kynferðisbrot gegn
stúlku. Hann var einnig dæmdur
til að greiða henni hálfa milljón
króna í skaðabætur.
Í ákæru var manninum gefið
að sök að hafa farið óboðinn inn í
svefnherbergi þar sem stúlkan lá
í fastasvefni og áreitt hana kyn-
ferðislega. Dómurinn taldi fram-
burð stúlkunnar trúverðugan er
hún kvaðst hafa vaknað við að
fáklæddur karlmaður hafi staðið
nærri rúmi hennar og síðan kysst
hana á hálsinn og káfað á henni
utanklæða. - jss
Dæmdur fyrir kynferðisbrot:
Óboðinn áreitti
sofandi stúlku