Samvinnan - 01.02.1949, Blaðsíða 4

Forstjóri SÍS, Vilhjálmur Þór, á skrifstofu sitmi.
ast við — segir sig sjálft. í herbergjum,
sem eðlilegt var að í ynnu einn eða
tveir, var jafnvel um tíma raðað 3—4,
og háði þetta að sjálfsögðu vinnuaf-
köstum tilfinnanlega. Nokkurt hús-
næði var þó leigt af Grænmetisverzlun
ríkisins, sem er hinum megin við göt-
una, en það hrökk skammt til úrbóta.
Með tilliti til þessarar lýsingar, sem
engan veginn er of dökk, var því ekki
að undra, þótt forráðamenn SÍS hefðu
áhyggjur af húsnæðivandræðunum og
hæfust lianda til heppilegrar úrlausnar
miðað við kringumstæður.
Strax á umræddu ári var rishæð
Sambandshússins svift af og byggð í
hennar stað fullkomin hæð. Hún er
nýtízkuleg útlits, bæði hvað glugga o.
fl. snertir, og breytti hún mjóg svip og
yfirbragði hússins í heild. Þarna fékk
nú Samvinnuskólinn nýtt og allgott
húsnæði eftir fulls aldarfjórðungs að-
setur á næstu hæð fyrir neðan, og í
nánu sambýli við heimili skólastjórans,
þar til 1941, að sérstök íbúð honum til
handa var byggð úti í bæ.
Um áramótin 1946—’47 var svo hafin
mikil nýbygging á austurhluta lóðar-
eignar SÍS, landi, er raunar ekki hafði
staðið til að leyft yrði að byggja á, með
tilliti til skipulagsuppdráttar borgar-
innar. En hér — eins og stundum vill
verða — sannaðist hið foinkveðna,
að „nauðsyn brýtur lög“, ekki sízt,
þegar nauðsyn löggjafans sjálfs, svo að
segja, kemur til sögunnar. Það voru
sem sé fleiri en SÍS í húsnæðishraki.
Sjálft ríkið hafði orðið að gera stóra
viðbótarbyggingu við Arnarhvál, m. a.
álmu eina mikla í norður frá bygging-
unni við Lindargötu. Bar austurhlið
hennar við austurgafl Sambandshúss-
ins. Þótti því bera vel í veiði fyrir SÍS
að fara fram á það að mega byggja al-
veg í skarðið milli nýbyggingar ríkis-
ins og Sambandshússins, enda sú lóð
líka á eignarmörkum bæði í suður og
austur. Var þetta leyft af viðkomandi
I) y gg i n gar y ti r v ö 1 d u m.
Var nú ekki til setunnar boðið, held-
ur byggingarframkvæmdir hafnar, svo
sem fyrr segir. Hófst undirbúningur
verksins haustið 1946, en því mátti
teljast lokið í ágúst sl. Fyrstu innflytj-
endur í húsið komu þó í marz f. á. —
Þessi nýja bygging er stórhýsi mikið;
grunnflöturinn 11,80x25,75 m. —
fjórar hæðir auk kjallara, og er allt hið
nýja húsrými nálega tvisvar sinnum
stærra en gamla húsið, sem svo glæsi-
legt Jiótti á sinni tíð.
Oskar Sveinsson arkitekt á Teikni-
stofu húsameistara ríkisins gerði teikn-
ingu að nýbyggingunni, þar eð slík
stofnun Sambandsins sjálfs var þá ekki
tekin til starfa. Teiknistofa SÍS — en
forstöðumaður hennar er Helgi Bergs
verkfræðingur — annaðist hins vegar
útreikning á burðarþoli, teiknaði hita-
lögn og innréttingu að nokkru leyti,
og hafði yfirumsjón með byggingunni.
Yfirsmiður var Magnús Vigfússon
húsasm íðameistar i.
Þar sem margir þeir, er liafa komið
í núverandi húsakynni SÍS — meira að
segja margoft — vita hvergi nærri
gjörla um húsaskipan og hvað fram fer
í þjónustu samvinnusamtakanna á
hverjum stað í Iiúsinu, hvað þá hinir
/ Sambatidshúsinu eru 80 innanhússimar. Dag-
lega eru afgreidd hundruð simtala um
shiptistöðina.
4