Samvinnan - 01.12.1975, Qupperneq 39

Efnahagsmál
Dr. Jóhannes Nordal Seðlabankastjóri kom á fundinn og flutti erindi um efna-
hagsmál. Rakti hann þróun í efnahagsmálum þjóðarinnar síðustu árin, gerði grein
fyrir núverandi ástandi í heild og rakti þær aðgerðir, sem fyrirsjáanlega yrði að
gera til að bæta stöðu okkar. M. a. taldi hann, að með því samkomulagi, sem gert
var fyrr á þessu ári um útlán bankanna, hefði náðst sá árangur, sem stefnt hefði
verið að, og væri óhjákvæmilegt að halda því áfram næsta ár. Það hefði þó í för
með sér takmörkun á útlánum til rekstrar atvinnuveganna, sem nauðsynlegt væri
að bæta þeim upp með einhverjum aðgerðum. Jafnframt væri nauðsynlegt að
þjóðin einbeitti sér að eflingu og uppbyggingu þeirra atvinnuvega, sem mest gætu
stuðlað að því að auka framleiðsluna og bæta þannig ástandið.
Atvinnulýðræði
Axel Gíslason frkvstj. Skipulags- og fræðsludeildar flutti erindi á fundinum um
atvinnulýðræði. Gerði hann m. a. grein fyrir því, hvernig aðild starfsmanna að
stjórn samvinnufyrirtækja væri háttað annars staðar á Norðurlöndum, og sömu-
leiðis skýrði hann frá því, hvaða leiðir kæmu til greina til að koma á hliðstæðu
skipulagi hér á landi miðað við þau ákvæði í lögum og samþykktum, sem taka
þyrfti tillit til. Taldi hann til dæmis framkvæmanlegt, að starfsmenn ættu full-
trúa í stjórn Sambandsins, sem sætu þar með málfrelsi og tillögurétti. Auk þess
skýrði hann frá því, að atvinnulýðræði yrði sérstakt umræðuefni á næsta aðalfundi
Sambandsins, og mætti því gera ráð fyrir, að þessi mál skýrðust verulega að hon-
um loknum, eftir að þau hefðu verið rædd innan kaupfélaganna fyrir fundinn.
Birgðastöðvar
Meðal þeirra mála, sem fram
komu frá landsfjórðungafund-
um kaupfélagsstjóra, voru ósk-
ir frá kaupfélagsstjórum á
Norðurlandi um að vísir að sér-
stakri birgðastöð yrði settur
upp á Akureyri á fyrri hluta
næsta árs, og þá fyrst og
fremst með þær vörutegundir,
sem dýrastar væru í flutningi.
Lika kom fram ósk frá kaup-
félagsstjórum á Austurlandi
um það, að sett yrði á stofn
birgðastöð fyrir Austurland á
Reyðarfirði. Auk þess komu
fram á fundinum hugmyndir
um það, að kaupfélögum í ná-
grenni Reykjavíkur yrði veitt
rekstraraðild að fyrirhuguðum
stórmarkaði KRON við Sunda-
höfn, með hliðsjón af því að
slík verzlun myndi draga til sin
viðskipti af félagssvæðum ná-
grannakaupfélaganna. Engar
ákvarðanir voru teknar á fund-
inum um þessi mál, en þeim
vísað til framkvæmdastjórnar
Sambandsins.
„Tilboð vikunnar“
Þá samþykkti fundurinn til-
lögu frá Markaðsráði, sem fól í
sér breytta tilhögun á söluher-
ferðum Innflutningsdeildar og
kaupfélaganna. Gerði tillagan
ráð fyrir, að á næsta ári hefðu
þessir aðilar með sér samstarf
um að bjóða með reglulegu
millibili sérstök tilboðsverð á
tilteknum vöruflokkum í viku
i einu, og yrðu samtals 15 slík-
ar tilboðsherferðir á næsta ári
með um 60 vörutegundir. Kaus
fundurinn sérstaka nefnd til
að annast framkvæmd þessa
máls. □
Á myndinni til vinstri: Sigfús Sig-
urðsson, Kaupfélagi Stykkishólms;
Steinþór Þorsteinsson, Kaupfélagi
Hvammsfjarðar, Búðardal; Gísli
Theodórsson, Innflutningsdeild,
Ármann Þórðarson, Ólafsfirði og
Ólafur Ólafsson, Hvolsvelli. Á
myndinni hér að neðan eru (talið
frá hægri): Guðröður Jónsson,
Kaupfélaginu Fram, Norðfirði;
Helgi Rafn Traustason, Kaupfélagi
Skagfirðinga, Sauðárkróki; Georg
Hermannsson, Kaupfélagi Vest-
mannaeyja, — og Ólafur Sverris-
son, Kaupfélagi Borgfirðinga í
Borgamesi.