Tímarit íslenzkra samvinnufélaga - 01.08.1922, Qupperneq 50

96 Tímarit íslenskra samvinnufélaga.
Þetta ár var gert við timburskúr félagsins, sem bygð-
ur var árið 1906, og þar útbúin sölubúð fyrir söludeildina
og varð formaður félagsins, Jónatan J. Líndal einnig sölu-
stjóri. Þessi aðgerð á skúrnum kostaði 400 krónur.
A þessu ári var stofnað sérstakt sláturfélag og nefnt
„Sláturfélag Austur-Húnvetninga“, undir sömu stjórn og
Kaupfélag Húnvetninga, en með algerlega aðskildum reikn-
ingum, og hafði stofnun þess staðið til í 2 ár. Ymsir menn
sem stóðu utan við kaupfélagið höfðu haft þetta slátur-
félagsmál til meðferðar, en treystust ekki að lokum að
koma því í framkvæmd. Tók þá Kaupfélagið málið að
sér. En til þess að fá sem flesta í þann félagsskap, var
það ráð tekið, að liafa það sérstakt félag, því að á þeim
tíma voru margir bændur á félagssvæðinu, sem voru frá-
hverfir kaupfélaginu, og mundu alls ekki hafa skift við
það með sláturfé sitt, þó að það hefði rekið slika starf-
semi. En til þess að spara sem mest tilkostnað, og til
þess að Kaupfélagið gæti haft sem fullkomnust umráð
yfir afurðunum, var sama stjórn sett yfir bæði félögin.
Sem sjálfsögð afleiðing af stofnun Sláturfélagsins var
það, að síðan hefir Kaupfélagið ekki flutt út sláturfjár-
afurðir, en félagsmenn borgað úttekt sína við Kaupfé-
lagið með ávísunum á Sláturfélagið, að svo miklu leyti,
sem þeir ekki hafa haft annan gjaldeyri.
Þetta ár, þegar Sláturfélagið var stofnað, og sölu-
deildin tók fyrst verulega til starfa, sáu kaupmenn greini-
lega hvert stefndi. Þeir gjörðu því ítrustu tilraun til þess
að eyðileggja þær stofnanir strax í byrjun, og buðu óvana-
lega góð verslunarkjör. Seldu útlendu vörurnar með mjög
vægu verði, og keyptu sláturfé með svo liáu verði, sem
frekast var hægt að hugsa sér að þeir yrðu skaðlausir af,
eða jafnvel hærra.
Þrátt fyrir þetta urðu þó viðskiftin við félögin þetta
ár nokkuð betri en við kaupmenn, og þegar þetta ár var
liðið munu kaupmenn ekki hafa treyst sér til að halda
þeirri stefnu áfram, eða að minsta kosti urðu viðskiftin