Fálkinn - 07.11.1962, Síða 15

Camp Corbett í Nauthólsvík, og þar
á meðal var aðstoðarflugmaður á
Northrop flugvél en jafnframt vél-
byssuskytta og flugleiðsögumaður, ís-
lendingurinn Njörður Snæhólm.
Fæddur er Njörður Snæhólm að Sneis
í Laxárdal í Húnavatnssýslu 4. júlí 1917
sonur hjónanna Elínar Guðmundsdóttur
ættaðri úr Önundarfirði og Halldórs
Halldórssonar Snæhólm. Þau bjuggu
nokkur ár að Sneis en hættu búskap
þar og fluttu til Blönduóss. Nokkrum
árum síðar fluttu þau til Akureyrar og
bjuggu í Glerárþorpinu og þar ólst
Njörður upp til sextán ára aldurs, er
hann lagði land undir fót og fór suður.
Hann hafði þá þegar verið til sjós, eina
vertíð í Hrísey og tvær á Grenivík.
Þegar suður kom fór Njörður á vertíð
í Vestmannaeyjum. Hann hafði snemma
áhuga fyrir flugi, gerist félagi í Svif-
flugfélaginu og lærði undirstöðuatriði
fluglistarinnar undir stjórn Agnars
Kofoed Hansen, sem þá var nýkominn
frá flugnámi ytra. Þetta voru allt ungir
og áhugasamir menn, og þeir æfðu flug-
ið og lögðu hart að sér. Tæki voru
af skornum skammti en áhugi og dugn-
aður því meiri og þeir fóru upp á Sand-
skeið eða upp að Kjóavöllum hverja
stund sem gafst, og snemma árs 1937
tóku Njörður og fimm félagar hans A-
próf í svifflugi, þeir fyrstu hér á landi
Um þessar mundir var loðdýrarækt
álitin mikill gróðavegur hér á landi,
enda minkar nýlega fluttir til landsins
og silfurrefabú stofnsett víðs vegar og
hugðu margir gott til. Fátt var hér hins
vegar sérfróðra manna um þessa hluti
og norskir refahirðar hér í hávegum
hafðir og eftirsóttir. Njörður ákvað að
fara til Noregs og læra loðdýrarækt.
Hann hélt utan síðsumars 1937 og réðst
til vistar hjá íslenzkum stórbónda í
Noregi, Eðvald Bóassyni, sem rak stór-
bú í Nittedal, skammt frá Osló. Þarna
skyldi pilturinn vera eitt ár, kynnast
norskum landbúnaði og landsháttum og
læra málið. Ekki var flugáhuginn samt
þar með úr sögunni og næsta sumar
fór Njörður enn í svifflugið og nú í
Frederikstað, þar sem hann lauk B-próf-
inu.
Framh. á bls. 34
„Það hafði orðið að ráði, að eiginkonan og sonurinn yrðu eftir i' No-
egi, en kæmu með næstu ferð til íslands og þá yrði Njörður búinn
að útvega húsnæði í Reykjavík. En margt fer öðruvísi en ætlað er,
og sex löng ár liðu, unz þessi ungkonan og sonurinn yrðu eftir í Nor-
anna á ný . . . . “
FÁLKINN ræðir við Njörð Snæhólm