Fálkinn - 07.11.1962, Síða 21

SIGURÐUR HAFLIÐASON
Bjartsýnni nú en
1939
Við fórum næst inn í
Áhaldahús Vegagerðanna í
Borgartúni og hittum þar
Sigurð Hafliðason verkfæra-
vörð.
— Hvernig leið þér í gær-
kveldi, Sigurður?
— Ég tók þessu ákaflega
rólega. Ég vissi eiginlega
ekkert um þessa ræðu fyrr en
útvarpið framlengdi dag-
skrána og var þá eiginlega að
fara í háttinn.
—- Þú hefur ekki búist við,
að styrjöld væri að skella á?
— Nei það held ég ekki.
Ég er bjartsýnn á tilveruna
og held að þetta verði lagað
með samningum. Það hefur
svo oft munað ákaflega mjóu
en allt hefur þetta blessast.
Það var tæpt í Kóreu um árið,
en það blessaðist nú allt og
hvernig var ástandið 1956
þegar Ungverjalandsmálið og
Súez voru á dagskrá? Nei ég
held það verði ekki styrjöld,
þótt alltaf geti það komið
fyrir, en ég er bjartsýnni en
1939, þegar Þjóðverjar réðust
inn í Pólland.
MÓSES AÐALSTEINSSON
Leið bölvanlega um
nöttina
Almenna Byggingarfélagið
er með skrifstofur fyrir innan
Vegagerðina í Borgartúninu
og þangað fórum við næst. Við
hittum þar fyrir Móses Aðal-
steinsson verkfræðing, en
hann var reyndar í símanum
að tala um mótatimbur og
þessháttar.
— Hvernig varð þér við
í gærkveldi, Móses?
— Mér varð nú ekki þægi-
lega við þessu. Ég var mjög
spenntur því ég bjóst hálf-
partinn við að innrás væri
hafin á Kúbu. Svo kom efni
ræðunnar og mér létti að vísu
nokkuð en ég hafði stríð alveg
á tilfinningunni, þegar ég fór
að sofa og leið böivanlega.
— Hafðir þú í hyggju að
aðhafast nokkuð þótt stríð
skylli á?
— Hvað er hægt að aðhaf-
ast? Það er skollin á styrjöld
og maður getur ekkert gert.
Annars er ég miklu bjart-
sýnni í dag og geri mér vonir
um að þetta verði útkljáð
með samningum.

f ||||| J|||||
I
ÍSLEIFUR GISSURARSON
BKatt ekki í hug að
grafa sér byrgi
í Vegagerðinni hittum við
líka ísleif Gissurarson bifvéla-
virkja. Hann lá reyndar undir
einum af Benzbílunum og
mátti lítið vera að tala við
okkur. Hann mátti varla vera
að, að koma undan til að láta
taka af sér mynd.
— Hvernig varð þér við í
gærkveldi?
— Mér varð nú engan-
veginn við, því ég mátti
ekkert vera að því að hlusta,
hafði alveg nóg að gera.
— En hvað finnst þér um
þetta?
— Ég hef nú, ef satt skal
segja ákaflega lítið hugsað
út í þetta mál. Maður hefur
haft svo mikið að gera og þá
er maður ekki að liggja í
blöðunum.
— Býztu við styrjöld?
— Nei, það geri ég ekki.
Að minnsta kosti hefur mér
ekki dottið í hug að gera
neinar ráðstafanir þar að lút-
andi, svo sem eins og að fara
að grafa neðanjarðarbyrgi. Ég
held þetta verði útkljáð með
samningum.
GÍSLI ÍSLEIFSSON
Asnalegt af hálfu
Bandaríkjamanna
Rétt í því við vorum að
kveðja Móses kom inn í her-
bergið Gísli ísleifsson skrif-
stofumaður og skákstjóri.
— Hvernig varð þér við í
gærkveldi Gísli?
— Ég tók þessu ákaflega
rólega og svaf vel í nótt. Ég
fór í bíó í gærkveldi og skrapp
svo á Hressó á eftir og heyrði
að dagskráin var framlengd í
útvarpinu svo ég bjóst við
miklu meiri tíðindum, eigin-
lega að innrás á Kúbu væri
hafin en sem betur fer var
það ekki.
— Þér hefur ekki komið
stríð í hug.
— Nei eiginlega ekki. Ég
held að það sé ekki svo mikil
hætta á því. Þetta verður
sjálfsagt lagað með samning-
um eða málamiðlun einhvern
veginn.
— Ég hef ekki mikla þekk-
ingu á þessum málum. Annars
finnst mér þetta nokkuð asna-'
legt af hálfu Bandaríkjanna;
og frekleg íhlutun í málefni
Kúbu. En ég er ekki trúaður
á styrjöld.
FALKINN
21