Fálkinn - 07.11.1962, Qupperneq 27

1
HremppAkrrftir
Fyrsta mynd:
Gott smjörkrem er hægt að nota til
margs. Reynið t. d. að nota þetta smjör-
krem næst þegar þér ætlið að leggja
saman tertu; IV2 dl. mjólk, V2 tsk.
vanillu, 1 tsk. hveiti, full 100 g. smjör
50 g. sykur, 2 eggjarauður. Hitið
1 dl. af mjólkinni, búið til hveiti-
jafning úr V2 dl. af mjólk'og hveitinu.
Hellt út í sjóðandi mjólkina, hrært vel
í á meðan, soðið 2—3 mínútur. Jafn-
ingurinn kældur. Smjörið hrært lint
með sykrinum og eggjarauðunni. Hrær-
ið kælda jafninginn út í, teskeið í einu.
Hrært vel í á milli. Smjörkrem þannig
búið til er ekki of feitt né sætt. Ef vill
2
má bragðbæta það með kakao eða öðru
bragði.
Önnur mynd:
Vanillukrem sem þetta er ágætt að
nota í tertu, linsur eða t. d. kossa.
2 eggjarauður, 25 g. sykur, 1 tsk. hveiti,
full, 21/2 dl. mjólk, V2 vanillustöng.
Eggjarauðurnar hrærðar með sykrinum
þar til hættir að snarka í því. 2 dl. af
mjólk hituð m. vanillunni, hveitijafning-
ur búinn til úr afganginum og hveitinu.
Hrært út í sjóðandi mjólkina, soðið í
1—2 mínútur. Hellið sjóðandi jafningn-
um út í eggjarauðurnar, þeytið vel í
á meðan. Hellt í pottinn á ný. Suðan
látin koma upp á ný. Ekki má sleppa
hendi af kreminu á meðan. Hellt í skál,
kælt fyrir notkun. Athugið að hræra
3
í við og við svo ekki myndist skán. í
staðinn fyrir hveiti má nota maisena,
einnig vanilludropa í stað vanillu-
stangar.
Þriðja mynd:
Hrákrem er ljúffengt að bera með
mörgum ábætisréttum í staðinn fyrir
þeyttan rjóma. En það þarf að vera
nýtilbúið, ef það stendur þynnist það.
Hlutföllin milli rjóma og eggja þurfa
líka að vera rétt: 2 eggjarauður, 3 msk.
sykur, innan úr % vanillustöng, 2y2
dl. þeyttur rjómi. Eggjarauður, sykur
og vanilla hrært létt og ljóst, stífþeytt-
um rjómanum blandað varlega saman
við eggjahræruna. Hrákremið á að vera
létt og loftmikið. Munið að bera það
fram strax.
Útbúið buffkökur úr nýsöxuðu nautakjöti, stráið pipar á, en ekki salti;
það á fyrst að gera, þegar buffkökurnar eru gegnumsteiktar, annars dregur
saltið kjötsafann úr buffinu.
Steikið buffkökurnar í smjöri við bráðan hita, þær eiga að vera fallega
brúnaðar en rauðar og safamiklar þegar skorið er í þær. Stráið salti á og
berið buffið fram á heitu fati. Skreytt með:
1. Sítrónusneið og smjörsteiktri steinselju. Steinseljan þvegin, þerruð
og steikt í smjöri, öll feiti látin renna af steinseljunni á pappír, svo
að hún verði stökk.
2. Smjörbita, sem kryddaður er með piparrót.
3. Laukhringjum, steiktum í smjöri, krydduðum með dálítilli chilisósu,
rifnum osti stráð yfir.
Berið með þessu franskar kartöflur eða soðnar og svo fulla skál af
grænu salati.
FÁLKINN 27