Fálkinn - 07.11.1962, Blaðsíða 35

sonur væru heil á húfi og hann skrif-
aði einnig, en seint gekk að koma bréf-
um til og frá hinu hernumda landi. Frá
Kanada voru bréfin send til Bretlands
með skipum en þaðan síðan flugleiðis
til Svíþjóðar. í Svíþjóð var skipt um
umslög, bréfunum smyglað inn í Noreg
og þau póstuð þar svo lítið bar á. Um-
slagaskiptin fóru fram til þess að Þjóð-
verjar ættu óhægara með að átta sig
á hvaðan bréfin kæmu.
Njörður tók nú til óspilltra málanna
og eftir sex vikna þjálfun í meðferð
skotvopna, handsprengja, og æfinga í
skotgrafahernaði fékk hann að velja um
að ganga í land- eða sjóflugherinn.
Njörður valdi þann síðarnefnda, því
eins og segir í riti um „Litla Noreg“
hver einasti vildi verða flugmaður því
á þann hátt var líklegast að þeir kæm-
ust fyrst til Berlínar til þess að þakka
þýzkum fyrir heimsóknina.
Um þetta leyti var verið að ganga
frá stofnun Þrjú hudruð og þrítugustu
flugsveitarinnar. Þessi flugsveit átti að
hafa þriggja sæta Northrop sjóflugvél-
ar til umráða og var reyndar eina flug-
sveitin í síðari heimsstyrjöldinni sem
notaði þá tegund flugvéla. En áður en
þjálfun lauk, voru Njörður og félagar
hans sendir norður til Huntsville sem
er um 130 km. fyrir norðan Toronto.
Að því loknu skiptist sveitin. Sjálfir
flugmennirnir fóru til Vancouver í
Brezku Columbíu en þeir sem önnuðust
sprengjukast, flugleiðsögu og voru að-
stoðarflugmenn (einn og sami maður-
inn annaðist þessi störf á Northrop)
svo og loftskeytamenn, fóru til Moss-
bank í Saskatchewan til þess að hljóta
þjálfun í fyrrgreindum atriðum. Tæki
til sprengjumiðunar voru um þetta
leyti ekki eins fullkomin og síðar varð.
Helmingi tímans var varið við bókleg
fræði því það að hæfa flugvél á flugi
frá annarri flugvél, að hæfa ákveðin
merki á jörðu niðri svo og sprengju-
kast, krefst mikils og nákvæms útreikn-
ings, sem menn verða að kunna á fingr-
um sér áður en í bardagann er komið.
í Mossbank voru Njörður og félagar
hans sex vikur. Þarna var góður félags-
skapur og menn af ýmsu þjóðerni
við nám og kennslu, m. a. einn íslenzk-
ur kennari.
Þegar Njörður kom aftur til Toronto,
var búið að ákveða að Þrjú hundruð
og þrítugasta flugdeildin færi til Is-
lands.
Eins og áður er getið var mjög góður
félagsandi ríkjandi í „Litla Noregi“ og
á öðrum æfingastöðvum. Allir voru
þessir menn komnir að um langan veg
til þess að vinna að einu sameiginlegu
markmiði, frelsun Noregs undan oki
nazismans, og þótt agi væri strangur
var gagnkvæmur skilningur og vinátta
ríkjandi milli yfirmanna og undir-
manna.
Flugsveitin var fullskipuð um þrjú
hundruð manns og hélt til Halifax þar
sem beðið var eftir skipsferð, ásamt
fleiri fullþjálfuðum hermönnum, sem
Framhald á bls. 38.
ALFRED HITCHCOCK'S
NORTH BYíNORTHWEST
GAMLA BÍÓ sýnir á
næstunni bandarísku stór-
myndina „NORTH BY
NORTHWEST“, sem hinn
frægi leikstjóri Alfred
Hitchcock hefur gert fyrir
M G M kvikmyndafélagið.
Mynd þessi segir frá
manni, sem veit að setið
er um líf hans, en hann
hefur ekki hugmynd um
hverjir það eru. Hann
flýr borg úr borg en getur
ekki hrist þessa ókunnu
fjendur af sér, og það er
sífellt verið að gera til-
raunir til þess að myrða
hann. En margt er öðru-
vísi en það virðist vera í
fyrstu, eins og alltaf í
myndum Hitchcock er
spennan og stígandin
mikil, og ekki er ósenni-
legt að sumir áhorfendur
hafi fengið gæsahúð í
lokin.
Með aðalhlutverk í
myndinni fara þau: Gary
Grant, Eva Marie Saint
og James Mason.
Gary Grant leikur
Roger Thornhill, manninn
sem er ofsóttur. Gary
hefur lengi verið í
fremstu röð Hollywood-
leikara. Hann byrjaði að
leika í Hollywood 1931
eftir að hafa leikið í söng-
leikjum á Broadway.
Hann er nú 58 ára gamall.
Eva Marie Saint leikur
Eve Kendall, glysgjarna
stúlku sem blandast inn
í mál Rogers. Eva Saint
er fædd í Newark í
Bandaríkjunum þann 4.
júlí. Hún á fremur stuttan
en þeim mun glæsilegri
feril að baki. Hún hlaut
Oscarsverðlaun fyrir hlut-
verk sitt í „On the
Waterfront“.
James Mason leikur
Phillip Vandamm, njósn-
ara sem er að eltast við
Roger, en hann hefur
heldur betur farið manna-
vilt. Mason er 53 ára,
fæddur í Huddersfield á
Englandi. Hann varð
heimsfrægur þegar hann
lék í myndinni „Seventh
Veil“ 1945.
Alfred Hitchcock leik-
stjóri er löngu orðinn
heimsfrægur fyrir mynd-
ir sínar. Tvær af eldri
myndum hans, „Kona
hverfur“ og „Fréttaritar-
inn“ báðar frá því fýrir
stríð, voru sýndar í
Filmía í hitteðfyrra. Af
nýrri myndum hans sem
hér hafa verið sýndar má
minna á: „Vertigo", „Ég
játa“ og „Glugginn á bak-
hliðinni“.
Gary Grant leikur aðal-
hlutverkið í „North By
Northwest“.
Eva Marie Saint leikur
aðal kvenhlutverkið.
FALKINN 35