Fálkinn - 14.12.1964, Page 62

SPRAUTUKÖKUR (nál. 50 stk.).
25 g sætar möndlur 150 g sykur
3 bitrar möndlur 1 lítið egg
300 g hveiti 200 g smjörlíki.
Möndlurnar afhýddar og malaðar fínt. Blandað saman
hveiti, sykri og möndlum á borð. Setjið eggið í holu í miðjuna
einnig smjörlíkið, sem mulið er í deigið með hníf. Deigið
hnoðað mjög léttilega.
Sprautið ess eða hringi, sem bakaðir eru við 225°, þar til
þeir eru gulbrúnir.
FRANSKAR PIPARKÖKUR (nál. 150).
SMÁKÖKUR
1 tsk. pottaska
1 msk. koníak
250 g smjörlíki
2 dl sykur
200 g síróp
2 tsk. kanell
2 tsk. negull
(100 g möndlur
1—1*4 1 hveiti
Pottaskan leyst upp í koníaki. Smjörlíkið hrært með sykri,
sírópi, kryddi og pottösku. Möndlunum (afhýddum og flög-
uðum) og hveiti hnoðað upp í. Deigið mótað í um 3 cm breið-
ar rúllur, sem flattar eru dálítið út með lófanum. Rúllurnar
geymdar á köldum stað yfir nótt, skornar í þunnar sneiðar,
látnar á smurða plötu. Bakað við 225°. Kökurnar látnar
kólna að mestu á plötunum. áður en þær eru teknar af.
ÞURRAR KRINGLUR (nál. 25 stk.).
150 g smjörlíki 200 g hveiti
4 msk. þunnur rjómi perlusykur.
Smjörlíkið hrært lint, rjóma og hveiti blandað saman við.
Rúllið deigið í fingurþykkar lengjur, sem skornar eru í hæfi-
lega bita, mótaðar kringlur. Kringlunum dyfið í perlusykur
(eða mulinn molasykur). Bakað við 250°
í krukkunni eru kringlur, en í körfunni liafrakökur, möndlu-
kökur, sprautukökur og franskar piparkökur.
MÖNDLUKÖKUR (25—30 stk.).
150 g sætar möndlur 2 eggjahvítur
6 bitrar möndlur Rautt aldinmauk.
6 msk. sykur
Möndlurnar afhýddar og malaðar í möndlukvörn, merjið
þær með sykrinum bezt að gera það í „mortéli". Hvíturn-
ar stífþeyttar blandað saman við. Sett með teskeið á vel-
smurða og hveitistráða plötu. í miðju hverrar hrúgu er gerð
dæld með fingri og þar í er sett aldinmauk eða hlaup. Kök-
urnar bakaðar við vægan hita 160° þar til þær eru fallega
Ijósbrúnar. Þessar kökur eru beztar nýbakaðar. Eigi að geyma
þær er bezt að gera það í sama íláti og mótköku.
NAPOLEONSHATTAR.
250 g hveiti
150 g smjörlíki
80 g flórsykur
1 egg
100 g flysj. malað-
ar möndlur
100 g flórsykur
1 msk. vatn.
Hveiti sáldrað á borð, smjörlíkið mulið saman við, sykri
og eggi blandað í. Deigið hnoðað, kælt. Deigið flatt út frekar
þykkt, stungnar út kringlóttar kökur, kúla úr möndludeigi,
látin á hverja köku. Deigið brotið upp á möndlukúlunni á
3 vegu. Bakað við 175° í um 15 mínútur.
Möndludeigið má ýmist kaupa tilbúið eða blanda saman
mörðum möluðum möndlum, flórsykri og vatni.
62
FALKINN