Tímarit iðnaðarmanna - 01.10.1992, Blaðsíða 8
o
utanríkisverslunar sinnar á einu ári, bíða eftirvænt-
ingarfullir eftir því að komast í Evrópubandalagið
til þess að geta aukið viðskipti sín til annarra EB-
landa. Hver er okkar sérstaða? Hlýtur ekki sú þjóð,
sem lifað hefur af 1100 ára baráttu við römmustu
náttúruöfl, að búa yfir eftirsóknarverðri sérþekk-
ingu? Hér er kastað fram stórum spurningum sem
hver og einn Islendingur verður að svara.
Glöggt er gests augað, segir máltækið. Oft er
það að við komum illa auga á möguleika okkar.
Það er ekki fyrr en erlendur gestur dásamar kosti
lands og þjóðar að við veltum vöngum yfir forrétt-
indum okkar. Við eigum ógrynni óbeislaðrar orku,
jafnt vatnsfallsorku sem gufuorku. Flest bendir til
þess að íslensk orka verði eftirsóttari á næstu árum
en hingað til. Astæðan er sú að innlendir orku-
gjafar eru undantekningarlaust umhverfisvænir -
og umhverfisvernd verður æ gildari þáttur í arð-
semisútreikningum iðnaðar.
Loftið er tært, vatnið er hreint og landið er vítt.
Ef skynsemin fær að ráða mun hafið áfram verða
gjöfult, ef frumkvæði fyrirtækja fær að njóta sín
mun okkur lærast að nýta betur gögn og gæði
landsins — og ef menntastofnanir næra áfram frjálsa
og skapandi hugsun ungs fólks þá mun þessari
þjóð ekki standa nein ógn af sívaxandi erlendri
samkeppni á öllum sviðum.
úrar hrynja og landamæri falla. A þessum
tíma leggjum við enga hringbraut utan um
Island, ekki í neinum skilningi. Engin vernd-
arstefna mun varðveita íslenskan iðnað, tækni,
menningu og tungu — aðeins sú ögrun sem felst í
nánari samskiptum þjóða mun hjálpa okkur til að
lifa af í síbreytilegum heimi. Við verðum að átta
oltkur á því að hvert og eitt okkar hefur hlutverki
að gegna í þeirri framtíð sem við viljum sjá; hlut-
verk, sem ég vil kalla þjóðarvitund. Við getum ekki
vænst þess að vinna umtalsverða sigra á erlendum
mörkuðum ef við vanmetum okkar eigin heima-
markað. Höfum hugfast að meira viðskiptafrelsi
kallar á meiri viðskiptaábyrgð. Með því að taka er-
lenda framleiðslu fram yfir innlenda erum við í
raun að taka erlent vinnuafl fram yfir íslenskt. Við
verðum því öll sem einstaklingar og þjóð að endur-
meta afstöðuna til verslunarhátta okkar.
Landssamband iðnaðarmanna vill á þessum
tímamótum í sögu sinni hvetja til viðhorfsbreyt-
inga til íslensks iðnaðar. Iðnaðarmenn taka hönd-
um saman við alla þá sem vilja hefja nýja sókn -
nýja iðnbyltingu. Aðeins með því að standa saman
um að efla íslenskt framtak getum við vænst árang-
urs úti í hinum stóra heimi. Slík samstaða mun
færa okkur nýja möguleika til frekari átaka.
í því þokumistri sem nú umvefur íslenskt
athafnalíf leiftra vitar. Þangað stefnum við því að
Island þarfnast iðnaðar.
B ETRA L 0 F T
Þessi rör köllum viö loftræstistokka. Þessir stokkar
eru hluti af loftræstikerfum frá Bllkk & Stál. Blikk &
Stál framleiðir loftræstikerfi i ýmsum stæröum og
gerðum, sem henta hvaða húsnæði sem er. Ekki þarf
að fjölyrða um þörfina fyrir gott loft á vinnustað.
Rannsóknir hafa sýnt að bein tengsl eru milli
vinnugleði og afkasta starfsfólks og loftræstingar
(fjölda loftskipta) á vinnustað.
Hafðu samband við sölu- og tæknideildina.
Ráðgjöf - hönnun - áætlanir - tilboð