Fréttablaðið - 12.11.2009, Page 72

56 12. nóvember 2009 FIMMTUDAGUR
ÍS
LE
N
SK
H
Ö
N
N
U
N
O
G
F
R
A
M
LE
IÐ
SL
A
Í
7
4
Á
R
w w w . a x i s . i s
FATASKÁPADAGAR
HELGINA 12.- 15. nóvember
Smiðjuvegi 9
200 Kópavogi
Sími: 535-4300
Fax: 535-4301
Netfang: axis@axis.is
Opið:
fimmtudag: 9:00-18:00
föstudag: 9:00-18:00
laugardag: 10:00-16:00
sunnudag: 11:00 - 14:00
Axis býður glæsilega fataskápa í mörgum gerðum.
Hefðbundnar hurðir eða rennihurðir. Miklir möguleikar
í uppröðun, viðartegundum, forstykkjum, skúffum og
ýmsum auka- og fylgihlutum. Boðið verður m.a. upp á
útlitsgallaða fataskápa með miklum afslætti.
Stuttur afgreiðslutími.
12-70% afsláttur !!
NÝTT KORTATÍMABIL
HJÁ AXIS
FÓTBOLTI Markvörðurinn Robert
Enke fyrirfór sér á þriðjudags-
kvöldið er hann kastaði sér fyrir
lest skammt frá heimili sínu rétt
utan við Hannover í Þýskalandi.
Enke var 32 ára gamall og lék
með Hannover 96 í þýsku úrvals-
deildinni. Hann var einnig aðal-
markvörður þýska landsliðsins
en meiðsli og erfið sýking í maga
gerðu það að verkum að hann
hafði ekki getað spilað með liðinu
í haust.
Enke lætur eftir sig eiginkonu
og átta mánaða gamla dóttur,
Leilu, sem hjónin ættleiddu síð-
astliðið vor.
Fljótlega eftir að fregnir bárust
af fráfalli Enke var staðfest að um
sjálfsvíg hefði verið að ræða. Lög-
reglan í Þýskalandi hefur einnig
staðfest að hann hafi skilið eftir
sig kveðjubréf. Þá sagði lögreglan
að rannsókn málsins yrði senni-
lega lokið innan örfárra daga.
Samkvæmt því sem fram kom í
þýskum fjölmiðlum lagði Enke bíl
sínum um tíu metrum frá brautar-
teinunum og skildi veski sitt eftir
í farþegasætinu á ólæstum bílnum.
Því næst mun hann hafa gengið á
brautarteinunum í nokkur hundr-
uð metra áður en hann varð fyrir
lestinni. Hún var á leið frá Brem-
en til Hannover og var á 160 kíló-
metra hraða á klukkustund.
Enke og eiginkona hans, Teresa,
misstu tveggja ára gamla dóttur
sína, Löru, fyrir þremur árum.
Hún þjáðist af alvarlegum hjarta-
galla og lést í miðri aðgerð hinn 17.
september 2006.
Teresa sagði á blaðamannafundi
í Hannover að Enke hefði þjáðst af
miklu þunglyndi. Það hafði aldrei
áður verið opinberað.
„Það voru mjög erfiðir tímar
þegar hann gekk í gegnum sín
þunglyndisköst. Hann skorti allan
vilja og von,“ sagði hún.
Fyrir örfáum árum neydd-
ist landsliðsmaðurinn Sebastian
Deisler, leikmaður Bayern
München, til að leggja skóna á hill-
una vegna þunglyndis. Enke vildi
hins vegar ekki að barátta hans við
sjúkdóminn yrði opinberuð og ótt-
aðist afleiðingar þess mjög.
„Hann vildi einnig gera allt til
að forðast að þetta yrði dregið
fram í sviðsljósið. Hann óttaðist
að hann myndi missa allt. Hann
óttaðist að missa Leilu. Eftir á að
hyggja var það algjört brjálæði,“
sagði Teresa.
Enke gekk í gegnum erfitt tíma-
bil á sínum knattspyrnuferli er
hann var samningsbundinn Bar-
celona og lánaður þaðan til Fener-
bahce í Tyrklandi árið 2002.
„Við höfum gengið í gegnum
svo margt saman,“ sagði Teresa.
„Tíminn eftir Istanbúl og Barce-
lona var erfiður. Eftir það héldum
við að við gætum komist yfir allar
raunir. Svo dó Lara en dauði henn-
ar gerði okkur enn nánari. Þá héld-
um við að með ástinni gætum við
yfirstigið allar hindranir. En það
tókst okkur ekki.“
Hún reyndi ýmislegt til að
hjálpa honum. „Ég reyndi að segja
honum að lífið snerist um meira en
fótbolta og að það væri margt fal-
legt í lífinu. Við áttum Löru og við
eigum Leilu. Ég vildi gera allt sem
ég gat til að koma honum í gegnum
sínar raunir.“
Enke gekk fyrst til sálfræðings
vegna þunglyndis og þar sem hann
óttaðist að ferillinn væri á niður-
leið eftir dvöl hans í Barcelona og
Istanbúl.
„Ástand hans var betra eftir að
honum gekk betur á Spáni vorið
2004 og kom svo til Hannover þar
sem honum leið vel, bæði hjá félag-
inu og í einkalífinu,“ sagði sálfræð-
ingurinn Valentin Markser. „Svo
hitti ég hann aftur í byrjun októb-
er. Hann hringdi í mig vegna þess
að hann var að sökkva í þunglyndi
í tengslum við magasýkingu sína,“
bætti hann við.
Hann greindi einnig frá því hvað
hefði staðið í kveðjubréfi Enke, að
hluta til. „Hann baðst afsökunar á
því að hafa staðið í þessum blekk-
ingarleik.“ eirikur@365.is
Þunglyndi varð Robert Enke að falli
Robert Enke, markvörður Hannover 96 og þýska landsliðsins, fyrirfór sér á þriðjudagskvöldið er hann kast-
aði sér fyrir lest. Fréttirnar komu knattspyrnuheiminum í opna skjöldu og ríkir mikil sorg í Þýskalandi.
AFLÝSTU LANDSLEIK Þjóðverjar aflýstu í
gær landsleik við Chile sem átti að vera
um helgina. Hér eru þjálfararnir Oliver
Bierhoff og Joachim Löw ásamt fyrirlið-
anum Michael Ballack við minningarat-
höfn í gær. NORDIC PHOTOS/BONGARTS
EKKJAN Teresa Enke ræddi við fjölmiðla
í gær sem reyndist henni vitaskuld erfitt.
Í UPPÁHALDI Robert Enke var fyrirliði þýska úrvalsdeildarfélagsins Hannover 96 og í miklu uppáhaldi hjá stuðningsmönnum
þess. NORDIC PHOTOS/BONGARTS
ENKE SYRGDUR Fjölmargir lögðu leið
sína að heimavelli Hannover 96 til að
votta Enke virðingu en viðbrögðin við
dauða hans hafa verið mikil. Leikmenn
allra liða í efstu tveimur deildum Þýska-
lands munu leika með sorgarbönd í
næstu umferð. NORDIC PHOTOS/BONGARTS