Vikan - 23.10.1958, Qupperneq 16

„Hús er vél til að búa i“ er haft
eftir hinum þekkta arkitekt, Le Cor-
busier. — Margir hafa orðað skil-
greiningar sínar á húsum á annan
veg, en hvað sem þvi líður hyggzt
VIKAN kynna lesendum sínum fram-
vegis nokkrar hliðar húsagerðarlist-
arinnar — einkum hvað ibúðarhús og
hýbýli snertir.
Vera má, að sumt af því sem hér
er sýnt eigi ekki við íslenzkar að-
stæður að öllu leyti — og hafa verð-
ur í huga, að hýbýli manna mótast
fyrst og fremst af lifnaðarháttum,
hugsunarhætti, menningarstigi og
síðast en ekki sízt ytri aðstæðum
svo sem landslagi, gróðri, veðurfari
o. s. frv. — En jafnvel þótt að
ekkert af þessu eigi við á okkar kæra
Islandi, eru þó aðalatriðin eftir. Það
sem gefur húsinu fyrst og fremst
gildi, ei' hvernig það hefur verið hugs-
að og byggt til að þjóna sem bezt
hlutverki sínu, hverjar svo sem að-
stæður eru fyrir hendi að öðru leyti.
AMERÍSKT VERDLAUNAHÚS
Hér gefur að líta einbýlishús, sem
samrýmist fullkomlega framansögðu
hús til að lifa í.
Eigandi og höfundur þessa húss
er Ulrich Franzen ungur amerískur
arkitekt, frá Harvard.
Ásamt konu sinni eyddi hann mörg-
um mánuðum i að finna sem heppi-
legast rými og ákvarða stærðir her-
borgja fyrir f jölskylduna sem saman-
stendur af þeim hjónum og þremur
bornum (einni stúlku og tveimur
drengjum) auk þess eiga þau hund
og kött.
Hugmynd þeirra var, að skapa
.varanlegan ramma utan um fjöl-
skyldulíf sitt en ekki, eins og Ulrich
Franzen tekur fram, „hugmynda-
snauðan stað, sem brátt reynizt
gamaldags og þreytandi — og hvílir
að lokum á íbúunum eins og mar-
tröð.“
Húsið stendur í þriggja km fjar-
lægð frá borginni Rye, sem er ein
af útborgum New York — og völdu
hjónin staðinn eftir nákvæma yfir-
vegun og ótal ökuferðir um ná-
grennið.
Myndskýringar.
1. Grind hússins er gerð úr
mjóum stálbútum, og tók nákvæm-
lega einn dag að reisa. Loft er allt
klætt trjáviði með einangrunarefni.
Þakið stendur þvi alveg sjálf-
stætt og húsinu er skipt niður að
innan með lágum og þunnum skil-
veggjum. Útveggir eru ekki berandi
og eru því að mestu leyti úr gleri
eða léttum efnum.
Gólfin eru úr eik.
2. Grunnmynd af húsinu.
B.R. — svefnherbergi,
D.R. — borðkrókur,
L.R. — Dagstofa, með köldum svöl-
um til beggja handa.
Eldhús, snyrtiherbergi, arinn og
skápar mynda miðkjarna hússins.
(Mælikvarði er í fetum.)
Eldhúsið er vel staðsett í miðju
húsinu, það er samt sem áður vel
lýst af dagsbirtu, sökum lágra skil-
veggja og loftlýsingar. — Hægt er
að loka því af með hreyfanlegum
glerveggjum. Þaðan er mjög auðvelt
að fylgjast með öllu sem gerizt bæði
á svölunum og í barnaherbergjun-
um.
Húsmóðirin er því ekki einangruð
frá fjölskyldunni meðan hún er að
starfi.
3. Séð yfir svalirnar öðrum megin
við dagstofuna. Gert er ráð fyrir að
hægt sé að sameina þær stofunni í
góðu veðri með því að skjóta gler-
veggjum til hliðar. — Þakið uppi
yfir gefur skugga þegar sól er hæzt
á lofti en bæði kvöld- og morgun-
sól skína inn i dagstofuna.
4. Dagstofan er mjög stór eða
9x6 m að flatarmáli og því hægt að
halda fjölmennar móttökur.
Hinir lóðréttu skilveggir (lengst
t. v.) gegna tvíþættu hlutverki: —
hægt er að hengja á þá listaverk —
þeir skipta stofunni niður i hæfileg
svæði svo að stofan, þrátt fyrir stærð
sína, virkar ekki tómleg þótt fáir
séu þar samankomnir.
4
16
VIKAN