Veðrið - 01.04.1960, Blaðsíða 34

allt skaplega, en svo mátti heita að drægi fyrir sóln með ágústmánuði og gengi
í norðanátt með kulda og þokusúld, en ekki miklum rigningum. I ágúst voru
víst fimm þurrkdagar, en hey skemmdust lítið í þeim mánuði, vegna þess hve
alltaf var kalt, og svo blés nokkuð úr því, sem náðist upp. En við höfuðdag
hlýnaði og gekk í stiiðugar rigningar, svo varla kom úrkomulaus sólarhringur
þann mánuð, en þó sjaldan stórrigningar. Hey skemmdust miklu meira í sept.
en í ágúst, þótt það næðist inn að mestu seint í mánuðinum. Það, sem ég sló
síðast, urn 100 hesta, gat ég ekki fengið nema grasþurrt og tók því það ráð
að bera það upp úti, í holhey, svo að það gæti þornað innan frá, ef vindur
væri, — hef á því nokkurs konar úti-súgþurrkun, og held ég að það hafi lánazt
eftir vonum.
Háarspretta var lítil vegna kulda í ágúst. Sama var með garðávexti, en allt
spratt í september og fram í miðjan október.
Haustið var gott og í einu sagt allt frani til þessa, þó úrkomur mjög stöðugar,
en ekki að jafnaði stórfelldar. Jörð hefur nú urn tíma verið alhvít, en það er
mjög snjólétt í byggð, mest dálítið klammalag, sem er yfir allt, en þó er sæmi-
leg jörð hjá fé.
Dilkar voru lijá mér mjög svipaðir og í fyrra, þó með allra jafnasta móti og
mjög vel feitir, hafa áreiðanlega fengið bata í september, enda hornahlaup á
hrútlömbum, sem síðast var slátrað. — Já, þegar ég fór í Lónið að mæla jökul-
inn (25. okt.), þá var alls staðar þar innfrá nýgræðingur í aurum og söndum
og alveg inn við jökul.
Enn þá fækkar rjúpunni. í haust, þegar við vorum að leita og smala og fór-
um um alla landareignina, þá var í mesta lagi, að sæjust þrjár rjúpur á mann.
Hér fyrir utan Selá lief ég fregnað, að ein rjúpa hafi sézt með unga í sumar.
Svo gerir tófan sitt til að halda rjúpunni niðri, j)ví að henni fækkar víst ekki
hér um slóðir. Þó að töluvert sé drepið, þá kemur áreiðanlega í það skarð
norðan að.
En hagamúsum hefur fjölgað á þessu ári. Þær eru í stórhópum og hrein plága
í haust og eru enn þá að koma heim að bæjum. — Ber þroskuðust ekki í sumar
að lieitið gæti. Að vísu leit nijög vel út með ber í vor og voru víða komin sætu-
koppar og vísar fyrir hretið, en hafa víst ekki þolað snjóinn og kuldann. í júlí-
lok var komið nokkuð af bláberjagrænjöxlum, en |>eir stóðu í stað í ágúst, og
varð ekki meira úr þeim.
34 --- VEÐRIÐ