Veðrið - 01.04.1975, Qupperneq 3

VEÐRIÐ
TÍMARIT HANDA ALÞYÐU UM VEÐURFRÆÐI
KEMUR ÚT TVISVAR Á ÁRI - VERÐ ÁRG. KR. 700,00
1. HEFTI 1975 19. ÁRG.
RITNEFND: FLOSI H. SIGURÐSSON
PÁLL BERGÞÓRSSON
MARKÚS Á. EINARSSON
AFGREIÐSLUSTJÓRI:
GEIR ÓLAFSSON
DRÁPUHLÍÐ 27 - SÍMI 15131
Úr ýmsum áttum
Frájall tveggja veðurfreeðinga
Fámennur hópur íslenskra veðurfræðinga hefur orðið fyrir þungu áfalli. Með
skyndilegum hætti hafa tveir úr hópnum fallið frá á miðjum starfsdegi og langt
um aldur fram. Ólafur Einar Ólafsson veðurfræðingur lést hinn 16. september
1974 og Jónas Jakobsson deildarstjóri veðurspádeildar Veðurstofunnar varð
bráðkvaddur þrem mánuðum síðar 18. desember 1974. Er þeirra beggja minnst
á öðrum stað í þessu hefti. Hér skal þess því aðeins getið, að báðir áttu þeir
hlut að því, að hafin var útgáfa tímaritsins Veðursins árið 1956 og rituðu í það
margar greinar, en auk þess átti Jónas lengi sæti í ritnefnd þess. Hann var elstur
starfandi veðurfræðinga Veðurstofunnar og höfðu því flestir starfsfélagar hans
þegið góð ráð og leiðbeiningar hjá lionum. Skal þeim Ólafi Einari og Jónasi
hér vottuð sérstök þökk og virðing aðstandenda ritsins.
Skortur á veðurfræðingum.
Áður hefur verið á þessum stað rætt um skort á íslenskum veðurfræðingum,
en um árabil hefur ekki verið unnt að ráða í allar fastar stöður veðurfræðinga
við Veðurstofuna. Sagði þá m.a.:
„Alvara þessa máls kemur best í ljós, þegar annars vegar er haft í Imga, hve
fáir nýir veðurfræðingar hafa bæst í hópinn síðustu 10—12 árin og hve langt
námið er, og liins vegar, að meiri liluti íslenskra veðurfræðinga er nú korninn
um eða yfir miðjan starfsaldur. Er sýnilegt, að mjög lítið má út af bera, svo að
ekki komi til lireinna vandræða."
Þvi miður hefur nú svo farið, að veðurfræðingum Veðurstofunnar hefur á
skömmum tíma fækkað um fjóra. Tveir veðurfræðingar hafa fallið l'rá eins og
greint er frá hér að framan, og tveir aðrir hafa nýlega horfið að öðrum störfum.
Reynt hefur verið að mæta þessum vanda með skipulagsbreytingu og fækkun
sérfræðinga, en ekki hefur þó tekist að skipa í allar stöður. hað varpar ljósi á
þennan vanda, að 11 veðurfræðingar eru starfandi á Veðurstofunni, þegar þetta
er ritað, en fastar stöður veðurfræðinga voru 16 fyrir nokkrum árum.
VEÐRIÐ -- 3