Vikan - 19.10.1961, Blaðsíða 2

Rjóð í vöngum...
Kæra Vika!
Ég er mtð óvenjulega rauða húð
á andlitinu, sem er alveg hræðilega
Ijótt. Ég hef notað allskonar krem
við þessu, en ekkert dugir. Mér hef-
ur verið sagt að leita til læknis. Get-
ur þú sagt mér hvaða læknis ég
ætti helzt að fara til eða gefið mér
eitthvert annað ráð? Með kæru
þakklæti fyrir,
Guliý.
— — — Pósturinn treystir sér
ekki til að gera upp á milli þeirra
lækna,. sem. hafa. húðsjúkdóma
sem sérgrein — þeir eru vafa-
laust allir góðir — en ef þeir
kunna að bregðast, er ég hrædd-
ur um, að lítið tjói að leita til
Vikunnar.
Ástleitinn fyllikall . . .
Kæra Vika.
Ég er alveg viss um, að þú getur
gefið mér ráð, sem dugir. Ég hitti
stundum á höllum og svoieiðis strák,
sem ég er dálítið hrifin af, og ég
held, að hann sé líka hrifinn af mér.
Ég sé hann bara svo sjaldan, nema
þegar hann er með víni — og þá
flangsar hann alltaf utan í már og
segist elska mig og svoleiðis. Vin-
konur mfnar segja, að það sé ekkert
aðl marka karlmenn, sem segjast
elska mann, þegar þeir eru fullir.
Heldurðu að það geti bara ekki ver-
ið að hann þori ekki að segja það
við mig nema fullur? Ég sé hann
næstum aldrei ófullan. Finnst þér
ég ætti að hringja í hann, eða á ég
bara að biða róleg? Ég þoli ekki
þessa óvissu lengur. Svaraðu mér
helzt fljótt,
Prinsessan.
--------Það er nokkuð til í því,
sem þessar vinkonur þínar segja.
En gerir þú þér grein fyrir þvf,
að þú þelckir ekki „prinsinn“
þinn nema fullan? Ef þú getur
haldið honum mátulega kenndum
það sem eftir er ævinnar, ætti
þetta að geta blessazt, en þú mátt
sem sagt vera við hinu versta
búin, ef skyldi fara að renna af
honum. Þú skalt ekki hringja í
hann, heldur bíða róleg.
Svindl . . .
Kæra Vika.
Ég fór á Hótel Borg fyrra kvöldið,
sem norrænu fegurðardisunum var
stillt upp til sýnis, borgað mínar 45
krónur og varð að kúldrast við borð
úti í horni. Ég get svo sem sætt mig
við það. En þegar líða tók á kvöldið,
var sýnt, að ógerlegt myndi að fylla
húsið, svo að það ráð var tekið að
hleypa mönnum inn endurgjalds-
laust. Er þetta leyfilegt?
Ég hef ennfremur rekið mig á
þann leiða sið á veitingahúsum hér
í bæ, að menn sem beinlínis stunda
ekki veitingastaðina, eru alltaf út-
undan. Ég hringdi í ágætt veitinga-
hús hér í bænuin fyrir skemmstu,
til þess að reyna að fá borð fyrir
okkur hjónin. Mér var sagt, að borð
væru tekin frá klukkan níu. Allt i
lagi — klukkan á slaginu niu fer ég
beint til yfirþjónsins á staðnum, til
þess að panta horð. Nei, þvi miður,
allt upppantað — og salurinn var
hálffullur enn. Ég var ekki fastur
kúnni, svo að ég varð að sætta mig
við orðinn hlut. En ég á dálitið bágt
með að sætta mig við svona þjón-
ustu. — Það er kannski litið við
þessu að gera, en mér finnst rétt,
að því sé komið á framfæri.
Með þökk fyrir birtinguna,
Reykvíkingur.
--------Þetta er líklega allt sam-
an leyfilegt, að lítið við þessu að
gera, eins og þú segir, en það
skilja allir hvert þú ert að fara,
FRJÁLST VAL!
Loksins hefuz bílainnflufningurinn
verið gefinn frjáls.
Nú er vandinn sá að velja rétta bílinn.
En það er alltaf jafn VANDALAUST
AÐ VELJA RÉTTA TRYGGINGA-
FÉLAGIÐ.
Borgartúni 7. — Símar: 18602 - 18603 — 11700.
Forsiðan
Snillingurinn er nýkominn heim
frá París og hefur efnt til málverka’-
sýningar í því tilefni. Þetta er við
opnunina og sýningargestir dást á-
kaft að snillingnum. Hann er hins
vegar hafinn þó nokkuð hátt yfir
þetta „dót“, sem í hans augum eru
nánast nytsamir sakleysingjar og
hann hefur boðið þeim til þess eins
að þeir keyptu eitthvað af þessum
upphöfnu verkum hans. Snillingur-
inn getur að sjálfsögðu leyft sér að
ganga eins og útburður til fara og
hann gerir sig gáfulegan á svipinn
þegar hann talar við „snobbið“ um
nýjustu listastefnur í París, hverra
ávextir sjást á veggjunum að baki.
Blessað fólkið veit að sjálfsögðu
ekkert, hvaða skoðun það á að hafa
á þessum hlutum. Það vill ekki
koma upp um sig — af því þetta er
nú einu sinni fínt fólk ____ 0g þess-
vegna er bezt að látast vera dálítið
hrifinn, jafnvel bregða fyrir sig ó-
ræðum slagoröum, sem notuð eru
um þessa hluti. Og síðast en ekki
sízt: það er kona listmálarans, sem
er næst til hægri. Hann náði í hana
í París. Halldór Pétursson teiknaði
myndina. jl.
2 VIKAN