Vikan - 28.03.1963, Blaðsíða 20

„SVALA“
SNIÐAÞJÖNUSTA
VIKUNNAR
—
Þessi kjóll er mjög hentugur
við öll möguleg tækifæri og hann
er alveg samkvæmt nýjustu tízku,
pilsið útsniðið og hann er aðeins
laus frá mitti og svo má
auðvitað hafa við hann belti,
ef vill. Framstykkið er eitt
en klofið upp í pilsið til að fá
skemmtilegri vídd og á blússunni
í hálsmál er skásniðinn listi
með tungu. Afturstykkin eru 2
og svo eru litlar ermar.
Sniðaþjónusta Vikunnar sníður
hann fyrir þig og merkir fyrir
saumum og föllum, sendir
til þín í póstkröfu ásamt
saumatilsögn. Efnið er krumpu-
frítt rifs. Litir 1. dökkgrænt,
2.mosagrænt, svart, hvítt. 2.
milliblátt, brúnt, svart, hvítt. No.
40, 42, 44 og kostar kr. 294,50.
Kr. 29,00 fyrir rennilás og
tvinna auka.
Útfylltu pöntunarseðilinn með
upplýsingum um stærð og lit
og sendu til Sniðaþjónustu
Vikunnar, Skipholti 33,
Reykjavík, ásamt kr. 100,00.
Efnissýnishorn færðu send gegn
frímerktu umslagi með nafninu
þínu á.
Allar nánari upplýsingar eru
veittar í síma 37503 á þriðjudögum
og föstudögum frá 2-5.
Pöntunarseðillinn er á bls. 51.
Andlitssnyrting að
morgni, á miðjum
degi og um kvöld
Sama snyrting á ekki við á öllum tím-
um dags. Flestar snyrta andlit sitt í byrj-
un hvers vinnudags og svo aftur, ef farið
er út á kvöldin. Litir verða að fara nokkuð
eftir því, hvort sumar er eða vetur og
hvort húðin er sólbrún eða föl. I rafmagns-
ljósi þarf aðra snyrtingu og aðra liti en
í sólarbirtu. Það, sem hér fer á eftir, er
ætlað konum, sem komnar eru yfir tvítugt
og rúmlega það, því að kornungar stúlkur
eiga helzt ekki að nota annað en augn-
málningu o. e. t. v. fölan varalit. Það er
nógur tíminn fyrir þær, þegar þær þurfa
að fara að hylja hrukkótta og skorpna húð,
að nota „make up“ og púður.
Morgunn: Þá á að byrja á því að bera
á sig vökvakrem og púðra létt fyrir. Sjálf-
sagt er að byrja strax á því að lita augn-
hárin og ef augabrúnirnar eru mjög ljósar
og þunnar, verður líka að lita þær
svolítið. En augnskugga á ekki að nota
á morgnana, en gott er að bera í þess stað
svolítið vaselín á augnlokin. Varalitur
verður að fara dálítið eftir fötunum og
naglalakki, ef það er notað, en á morgn-
anna verður varaliturinn að vera mjög
ljós, hvaða litur sem notaður er, jafnvel
þótt naglalakkið sé dekkra. Það er ekki
í tízku að nota rauðan kinnalit, nema til
þess að reyna með því að breyta andlits-
laginu, en það er hættuspil í miskunnar-
lausri morgunbirtunni. Þá er betra að nota
dökkt fljótandi „make up“, ef á þarf að
halda.
Síðdeg-is: Vökvakrem er ekki síður
nauðsynlegt þótt notað sé fljótandi púð-
urundirlag, ekki sízt fyrir þurra húð. Þá
á að nota laust púður og ef til vill má
nota svolítinn rauðan kinnalit, þar sem
það þykir æskilegt að breyta andlitslagi.
Augnskugginn á að vera ljós, og augna-
háralit og brúnalit er sjálfsagt að nota
á þessum tíma dags, en þær, sem venju-
lega nota svartan lit, ættu að athuga hvort
t. d. dökkgrátt er ekki jafnfallegt eða fal-
legra í dagsljósi. Brúnn augnháralitur er
venjulega ekki fallegur, nema hann sé
mjög dökkur, næstum svartur. Ljós vara-
litur er heppilegur á þessum tíma dags,
og má hann gjarnan vera gulleitur, en
Framhald á bls. 49.
20
VIKAN 13. tbl.