Vikan - 22.01.1970, Síða 4

Betra er brotið hús en byggt
með ósamþykki.
íslenzkur málsháttur.
SIÐAN
SÍÐAST
fólk í fréttunum
Örstutt er síðan við kynntum Dustin Hoff-
man í þessum dálkum og gátum þess að
hann hefði leikið á móti Miu Farrow í
myndinni John and Mary. I þeirri mynd
eru nokkrar nektarsenur og hafa banda-
rísk blöð ekki legið á liði sínu við að aug-
lýsa það. En þá lýsti Mia því opinberlega
yfir að hún hefði ekki komið nálægt því
og því síður Dustin.
Kvaðst Mia hafa krafizt þess áður en
taka myndarinnar hófst að hún yrði ekki
látin leika í neinum nektarsenum og var
því lofað. En hún var ekki fyrr búin að
sækja kaupið sitt í síðasta sinn, að lokinni töku, að par var fengið
og látið sprella svolítið í rúmi; var þeim senum svo bætt inn í
myndina. Mia hefur brugðizt hin versta við þessu og lýsti því yfir
að héðan í frá ætlaði hún að hafa það skjalfest að engum senum
yrði bætt inn í myndir sem hún hefur leikið í eftir að henni hefur
verið þakkað fyrir komuna.
Umtalaðasti blaðamaður Bandaríkjanna
um þessar mundir er náungi að nafni
Nicholas Von Hoffman. Ferill hans hófst
á nokkuð sérstæðan hátt: Hann hringdi á
skrifstofuna hjá Washington Post og
kvaðst vilja verða frægur. Fyrst var hleg-
ið að honum en svo fór Hoffman að senda
inn greinar og nú er svo komið að hann
hefur fengið passa frá Post og fer og kem-
ur hvar sem honum sýnist. Sögur hans
þykja góðar — flestar — og er hann
óvæginn. Hann segir að sér komi allt við
og kallar Nixon aldrei með nafni, heldur
„Hvað hann aftur heitir“, „Hann þarna“, eða „the Great Kiwani".
— Hann skrifaði mikla sögu um ránið á bandaríska sendiherran-
um í Brazilíu og sagði að það hefði verið „... einstakt tækifæri
fyrir diplómat til að komast út úr sendiráðssúpunni og spjalla við
fólkið; menningartengsl nokkurs konar....“ Og nú er Hoffman
orðinn frægur og segir sjálfan sig bezta blaðamann í heimi!
Nýlega lézt í Madrid á Spáni Rafael Trujillo, glaumgosi og al-
nafni föður síns, sem var síðasti einræðisherrann í Dóminikanska
lýðveldinu. Fyrir tæpum mánuði lenti Trujillo yngri í bílslysi og
lézt skömmu síðar af völdum þess.
Hann fæddist utan hjónabands fyrir 40 árum og var nákvæm
eftirlíking föður síns; fór með ríkisfé eins og Matador-peninga, lét
myrða andstæðinga sína eins og honum datt i hug og lét þegna
sína sæta illri meðferð. Þriggja ára gamall var hann gerður
að höfuðsmanni í hernum og hershöfðingja 9 ára. Lengi var hann
æðsti maður hersins en hrökklaðist úr sessi eftir að faðir hans hafði
verið myrtur árið 1961. Þá reyndi hann að taka völdin í sínar hend-
ur en mistókst og flýði til Evrópu. Yfirvöld í Dóminikanska lýð-
veldinu reyndu hvað eftir annað að fá hann framseldan en tókst
ekki og árið 1965 dæmdu þau hann til dauða fyrir morð á níu manns.
ísraelsk-arabíska
þrætan vatn á myllu
SuSur-Afríku
Manhattan í ísnum.
Frá því í sexdagastríðinu f júní
1967 hefur Súesskurðurinn verið
lokaður fyrir skipaferðum og er síð-
an aðeins landamæralína milli Isra-
els’ og Egyptalands. Varla hefur
þetta orðið eínahag síðarnefnda
ríkisins heilsusamlegt, því að fyrir
nefnt stríð var skurðurinn þess
helzta tekjulind.
Annað ríki hefur hinsvegar stór-
grætt á lokun skurðarins, og er
það Suður-Afríka. Nú sigla á hverj-
um mánuði yfir þúsund skip fyrir
Góðrarvonarhöfða, eða tvöfalt fleiri
en fyrir sexdagastríðið, og flest
þeirra koma í höfn í Suður-Afríku
að taka kost og brennsluefni. Með-
al skipanna eru fjölmörg olíuskip,
og þótt svo Súss-skurðurirn opnist
einhverntíma, sem varla verður í
bráð, þá breytir það varla miklu
varðandi olíuflutninginn. Skurður-
inn er nefnilega orðinn gamall f
hettunni og mörg nýju risatank-
skipanna eru svo mikil um sig að
þau kæmust alls ekki inn í hann.
☆
STUTT
OG
LAG-
GOTT
Þjóðflokkur nokkur í
Afríku er býsna skynsam-
ur. Hann álítur höfðingja
sinn gáðasta, menntaðasta
og fulkomnasta mann í
allri Afriku. Samt hefur
enginn séð framan í hann,
því að hann hefur alltaf
blœju fyrir andlitinu.
„Manhattan“ fór
NorSvesturleiðina
Á landafundatímunum reyndu
menn mikið til að komast sjóleiðis
svokallaða Norðvesturleið, það er
að segja norður fyrir meginland
Ameríku til Austur-Asíu. Þetta
reyndist útilokað fyrir sakir ísa og
týndu margir vaskir menn lífi við
tilraunir þessar. En nú er þessi
sama leið allt í einu komin á dag-
skrá aftur vegna olíunnar, sem
fannst í Alaska.
Nýlega kom risaolíuskipið Man-
hattan, sem er ísbrjótur jafnframt,
til New York úr fyrstu ferð sinni
eftir þessari leið. Manhattan fór
norður fyrir frá Atlantshafi og síð-
an suður Kyrrahaf til Panamaskurð-
ar. Öll siglíngaleiðin er sextán
þúsund kílómetrar og túrinn tók
nærri þrjá mánuði.
Ekki er nema von þótt lítið yrði
úr seglskipunum gömlu í heim-
skautaísnum, fyrst tröllið Manhatt-
an komst ekki óskaddað úr fang-
brögðum v:ð hann. Einhver jakinn
hjó þannig gat á stjórnborðshlið
skipsins, nógu stórt til að hægt
væri að aka vörubíl ! gegn. Þetta
högg var það mikið að flest skip
hefðu ekki þurft fleiri, en Man-
hattan, sem er hundrað tuttugu og
fimm þúsund tonn, var engu síður
sjófært eftir en áður.
Að sögn var Manhattan fagnað
meira í New York-höfn en nokkru
öðru skipi, sem þangað hefur kom-
ið. En engu að síður kváðu mörg
vandamál enn óleyst áður en hægt
sé að taka upp reglulegar ferðir
olíuskipa eftir Norðvesturleiðinni.
☆
4 VIKAN 4 tb]