Vikan - 06.05.1970, Page 8

Winther bríhiíl
fást í þrem stærðum.
Einnig reiShjól í öllum stærSum.
örflim
Spítalastíg 8 - Sími 14161 — Pósthólf 671
MUNIÐ
NIÐURSUÐUVÖRUR
MERKIÐ TRYGGIR GÆÐIN
★
AÐEINS VALIN HRÁEFNI
★
ORA VÖRUR í HVERRI BÚÐ
★
ORA VÖRUR Á HVERT BORÐ
Niðursuðuverksmiðjan ORA hf.
Símar: 41995 - 41996
á
REYMI i
Fiskur og kennarar
Kæri draumráðandi!
Þetta er í fyrsta sinn, sem mig
dreymir nokkuð, svo að sam-
hengi sé í.
Draumurinn var á þessa leið:
Mér fannst ég og bekkurinn,
sem ég er í vera á báti úti á
rúmsjó með einum af kennurum
okkar. Við skulum kalla hann A.
Hann dregur fisk um borð og
gerir sér lítið fyrir og fer inn í
hann með hendinni og finnur þá
leifar af líkum tveggja kennara,
sem eru hjón. Við skulum kalla
þau X og Z. A hefur orð á því,
að frúin hafi verið að borða
ávaxtasúpu áður en hún dó!
Svo vorum við allt í einu kom-
in í skólann og var skólastjór-
inn að kenna okkur, þegar dótt-
ir X og Z (hún er í sama bekk
og ég) fer að gráta og segir, að
foreldrar hennar séu dánir. Fóru
þá allir að gráta. Draumurinn
endaði á því, að skólastjórinn
gekk til stúlkunnar og reyndi að
hugga hana.
Ég vil taka fram, að X og
skólastjórinn eru mínir eftirlæt-
is kennarar og ég hef heldur
ekki nema gott eitt að segja um
A. Z þekki ég alls ekki og dótt-
urina aðeins í sjón.
Ef þetta er eini draumurinn
þinn, sem samhengi er í, hvern-
ig hafa þá hinir verið? En það
er einmitt skemmtilegast við
drauma, hvað þeir geta verið
furðulegir. Það getur svo sannar-
lega allt gerzt í draumi. Við ráð-
um draum þinn þannig, að hann
sé fyrir árangri þinum á kom-
andi prófum. Grátur er fyrir
gleði, svo að áreiðanlega gengur
þér vel í prófunum. En líklega
stendur þú'þig bezt í fögum, sem
þú telur þig ekki sterka í og svo
aftur á móti verður þú fyrir
vonhrigðum með árangurinn í
þínum eftirlætis greinum.
Nakin á gulu fjalli
Kæri draumráðandi!
Mig dreymdi draum í október
síðastliðnum. Hann var mjög
skýr og hef ég því ekki getað
gleymt honum. Eg vonast til að
fá hann ráðinn, ef mögulegt er.
Mér fannst ég vera stödd á al-
veg yndisfögrum stað, ég held á
ítaliu, og var ég þar á gangi.
Mér fannst ég bera þrjár inn-
kaupatöskur, tvær í annarri
hendi, en eina úr kálfskinni í
hinni. Mér var mest annt um
hana.
Úti var sólskin, allt var svo
einstaklega fallegt og mér leið
svo vel. Ég geng aðeins lengra
og kem þá að ofurlitlum læk. Ég
geng út í hann og er að verða
komin yfir, þegar mjög laglegur
piltur, sem stendur þarna á
bakkanum, gefur mér bendingu
um, að hann skuli taka kálf-
skinnstöskuna og halda á henni
fyrir mig, svo að ég eigi hægara
með að komast upp úr læknum.
Ég verð afar glöð yfir þessari
greiðasemi og rétti honum tösk-
una. Hann tekur við henni og
horfir á mig með háðsglotti og
fleygir töskunni síðan ofan í
geysidjúpan, fagurbláan hyl, sem
lækurinn rann út í.
Án þess að hugsa mig um
tvisvar, fleygi ég frá mér hin-
um töskunum tveimur og sting
mér á eftir kálfskinnstöskunni.
Mér finnst ég stingast dýpra og
dýpra ofan í hylinn og hugsaði
með mér, að þetta væri mitt síð-
asta. Mér fannst ég ekki geta
andað og var að köfnun komin.
Loks náði ég botni og þar gat
ég fengið svolítið súrefni. Ég
skima um eftir töskunni og sé
hana langt í burtu þarna á botn-
inum. Eg vissi, að ekki þýddi að
ná í hana.
Sit ég nú þarna á botninum og
bíð dauða míns og hugsa um
þetta allt saman. Finn ég þá titr-
ing mikinn. Allt í einu hendist
ég upp með ógnarkrafti — beint
strik í gegnum allt vatnið, upp í
loftið og áfram og stöðvast loks
á klettasyllu á miðju snarbröttu
fjalli, sem stóð við hylinn.
Fjallið var gult og sólbakað.
Krafturinn var svo mikill, þeg-
ar ég komst upp úr vatninu, að
fötin rifnuðu utan af mér. Stóð
ég þarna á syllunni allsnakin og
komst hvorki upp né niður.
Eg vissi, að ef ég hoppaði nið-
ur, myndi ég lendi í hylnum og
drukkna. Og upp kæmist ég
aldrei, því að fjallið var alveg
sérstaklega hátt og bratt.
Eg hugsaði og hugsaði, og var
ekki búin að finna neitt ráð, þeg-
ar ég vaknaði.
B. A.
Þetta er myndrænn draumur og
skýr og því vonlegt, að hann líði
þér ekki úr minni. Við ráðum
hann á þann hátt, að þú munir
eiga völ á þremur mönnum, en
þér lítist bezt á þann sem sízt
skyldi. Hann mun reynast þér
illa og vaUla þér vonbrigðum og
erfiðleikum. En þó er sannarlega
ekki ástæða til að örvænta. Það
er bjart yfir þessum draumi öðr-
um þræði, mikið sólskin og vel-
líðan. Þú munt þess vegna njóta
lífsins ríkulega, þótt ekki fari
allt eins vel og þú gerðir þér
vonir um.
8 VIKAN
19. tbl.