Vikan - 29.07.1971, Blaðsíða 24

BlaöamaSur og Ijósmyndari Vikunnar lögðu
land undir fót fyrr í sumar og heimsóttu sum-
arbúðir og orlofsheimili hér og þar á Suður-
og Vesturlandi. Við segjum frá þessu ferðalagi
í fjórum blöðum og verður frásögnin prýdd
mörgum myndum, bæði í svart/hvítu og lit.
Fyrsti staðurinn sem við heimsóttum var sum-
ardvalarheimili Rauða krossins í Laugarási í
Biskupstungum.
MYNDIR: EGILL SIGURÐSSON
TEXTI: ÓMAR VALDIMARSSON
Það voru einstaklega fjörlegir og athafnasamir krakkar sem við |
hittum í Laugarási.
í Laugarási rekur Rauði kross fslands sumardvalaheimili fyrir
börn. Þegar við komum niður á hlaðið þar gerðum við okkur
ljóst, að börn eru alltaf jafn skemmtileg, jafnvel þegar þau eru
101 saman á aldrinum 6—8 ára, eins og í Laugarási.
Við knúðum dyra og hittum forstöðukonuna, Guðrúnu Ingvars-
dóttur, en auk hennar eru í Laugarási 27 stúlkur aðrar, fóstrur,
starfsstúlkur í eldhúsi og fleira. Eftir að hafa spjallað við Guð-
rúnu og þegar hún hafði sýnt okkur húsnæðið, gengum við út
og fylgdumst með börnunum að leik skamma stund, tókum mynd-
ir og spjölluðum við þau.
Uti á túni voru nokkrir krakkar að elta tvo kálfa — í kúreka-
leik og ef það verða ekki taugaveiklaðar beljur með tíman-
um, skulum við hætta að álíta manninn æðstu skepnu jarðar-
innar. Náttúruauðæfin eru í hávegum höfð í Laugarási, því að
auk kálfanna eru þar nokkur lömb og eitt helzta sportið þar
eystra er að tína brúnklukkur og geyma þær í skálum, krukkum
og krúsum í svefnsölunum. Fiðriídasöfnun er einnig vinsæl.
Á afgirtu svæði voru nokkrar starfsstúlknanna að hlúa að græn-
metisrækt, og Guðrún sagði okkur, að þau barnanna sem hefðu
áhuga fengju að rækta sínar eigin radísur, rófur og næpur til
að fara með heim. Um það bil helmingur barnanna er í Laugar-
ási í hálfan annan mánuð, og þegar sá hópur fer, kemur annar,
en hinn helmingurinn er þarna í heila þrjá mánuði.
Stór hópur barna fylgdi okkur um allt svæðið og einn patti
sagði okkur, að hann ætti að fá bæði gotterí og bíó í kvöld, af
því að hann hefði verið svo stilltur í dag. Svo leit hann á Guð-
rúnu, eins og til að fá samþykki hennar fyrir fullyrðingu sinni.
— Já, alveg rétt, svaraði hún og brosti. — Við setjum náttúr-
lega reglur hér, sagði hún svo og sneri sér að okkur, — og þau
sem haga sér samkvæmt þeim fá bíó og sælgætismola á kvöldin.
Framhald. á bls. 44.
Þessa þrjá ungu og búsældarlegu menn fyrirhittum við á leið okkar
um svæðið og stóðumst ekki mátið.
Sumardvalarheimili Rauða krossins í Laugarási.
Þessar þrjár fóru niður í skurð . . . til að tína brúnklukkur-
24 VIKAN 30. TBL.