Vikan - 06.01.1977, Page 9

1
— Ég vildi gjarna bjóða yður
drykk, en konan mín hefur auga
meö vínskápnum.
★ ★ ★
Eiginmaðurinn hafði lagt leið sina
frá kjallara upp á hanabjálka á flótta
undan herskárri konunni, sem hafði
sóp að vopni. Að lokum leitaði hann
hælis undir rúminu í svefnherberg-,
inu. Meðan konan otaði í hann
sópskaftinu, kallaði hún æstum
rómi:
„Vilhjálmur Pétursson, komdu
strax undan rúminu."
En Vilhjálmur reyndi eftir bestu
getu að verjast atlögunni og bar
fyrir sig hendurnar til að forða
rifbeinunum, og sagði mjög svo
ákveðinni röddu: ,,Ég kem ekki,
María. Ég er húsbóndi á mínum
heimili."
— Er þetta það eina sem þú
getur sagt? Aö það sé mikiö af
þeim.
★ ★ ★
Sú Ijóshærða og dökkhærða
hittust viku eftir að sú Ijóshærða
kom heim úr brúðkaupsferðinni.
,,Var það ekki hroðalega áhættu-
samt fyrir þig að segja manninum
þinum frá öllum fyrri ævintýrum
þinum, daginn, sem þið giftuð
ykkur?" spurði sú dökkhærða."
„Jú, svo sannarlega," viður-
kenndisú Ijósa. „Þaðlávið, að það
rynni af honum við sum þeirra."
★ ★ ★
V . J
I NÆSTII VIKU
KRISTIN LILLIENDAHL
Allir þekkja lagið „Ég skal mála allan heiminn elsku
mamma”, sem hefur átt miklum vinsældum að fagna
nú í næstum ár. Kristín Lilliendahl gerði það frægt, og
nú hefur hún bætt við 12 laga plötu, sem var rétt að
koma á markaðinn, þegar blaðamaður Vikunnar
heimsótti Kristínu og mann hennar upp í Mosfellssveit,
Viðtalið birtist í næsta blaði, og það ber yfirskriftina
„Fáránlegt þegar skemmtikraftar spila alfjör fífl”.
EITT RIF
ÚR MANNSINS SÍÐU
„Herbergið var í geimstíl. Fallega nælonblússan
hennar vinkonu minnar hafði auðsjáanlega skriðið upp
á borðið í húmi næturinnar og tyllt sér þar á gamlan
teiknilampa án minnstu blygðunar. Brjóstahöldin
hennar ríghéldu sér í hurðarhúninn, dauðhrædd við
blússuna. Skómir okkar lágu í faðmlögum á gólfinu,
forugir og blautir eftir tunglskinsgönguna”. Þetta er
tilvitnun í smásögu eftir Friðgeir Axfjörð, sem birtist í
næsta blaði og nefnist „Eitt rif úr mannsins síðu'*
LIFIÐ HEIL l
Lasse Hessel heitir danskur læknir, sem er manna
ötulastur ' á Norðurlöndunum við að auka þekkingu
almennings á hollum lifnaðarháttum. Hann skrifar
þætti um þessi mál í mörg blöð og gefur ásamt öðrum
sérfræðingum út blaðið Lewel, sem fjallar um þessi
efni. Vikan hefur fengið einkarétt á öllu efni úr Lewel
og mun framvegis birta öðru hverju greinar úr því undir
yfirskriftinni Lifið heil! Við kynnum Lasse Hessel í
næsta blaði.
VERÖLD SEM VAR
Laugavegur 21 er i hjarta borgarinnar, sem tekur
sífelldum breytingum. I þessu húsi stendur tíminn í
stað, og uppi á lofti er aldamótastemmning. Ibúamir
eru horfnir til feðra sinna, en samt er eins og þeir hafi
aðeins skroppið út i búð og komi aftur á hverri stundu.
I þessu húsi hefur Þorlákur Haldorsen m.a. vinnustofu
sína, og hann sýndi blaðamanni innviði hússins, sem
vekur upp spumingar um veröld sem var. Sjá næstu
Viku.
VIKAN Útgefandi: Hilmir hf. Ritstjóri: Kristin Halldórsdóttir. Blaðamenn: Aðalsteinn Asb. Sigurðsson,
Guðmundur Karlsson, Sigurjón Jóhannsson, Þórdis Arnadóttir. Útlitsteiknari: Þorbergur Kristinsson.
Ljósmyndari: Jim Smart. Auglýsingastjóri: Ingvar Sveinsson. Ritstjóm, auglýsingar, afgreiðsla og dreifing
i Siðumúla 12. Simar 35320 — 35323. Pósthólf 533. Verð i lausasölu kr. 350. Áskriftarverð kr. 3.900 fyrir 13 .
tölublöð ársfjórðungslega, kr. 7.370 fyrir 26 tölublöð hálfsárslega eða kr. 13.650 i ársáskrift. Askriftarverð
greiðist fyrirfram. Gjalddagar: Nóvember, febrúar. mai, ágúst.
1. TBL. VIKAN9