Vikan - 31.03.1977, Blaðsíða 6

Rómantískur
eldhúsgluggi
,,Café"-gluggatjöldin í þessu eld-
húsi eru aldrei dregin fyrir. Þess í
stað eru þykku messingstangirnar
notaðar til að hengja ýmis
eldhúsáhöld á. Til þess eru notaðir
S-laga krókar, sem fljótlegt er að
taka niður og hengja upp aftur,
færa til o.s.frv.
Að sjálfsögðu mætti hafa neðri
gluggatjöldin dregin fyrir, en
hengja áhöldin í efri stöngina. Það
er líka mjög skemmtileg hug-
mynd.
Notað áfram
Það getur oft borgað sig að
athuga vel gömul húsgögn, áður
en þeim er komið í geymslu eða
jafnvel hent á haugana. T.d. eru
skúffur upplagðar sem hillur, eins
og sjá má á þessari mynd.
6VIKAN 13. TBL.
Páskahátíð
,,Því að svo elskaði Guð heiminn,
að hann gaf son sinn eingetinn, til
þess að hver, sem á hann trúir,
glatist ekki, heldur hafi eilíft líf".
í tilefni þess, að senn rennur
páskahátíðin upp, sýni ég ykkur
mynd af frábæru listaverki eftir
Michelangelo. Það ber nafnið:
Kristur tekinn af krossinum, og er
höggvið í marmara á árunum
1550-1555.
Listamaðurinn var orðinn gamall
maður og gat ekki lengur málað,
og þessi hópmynd varð til;
„vegna þess að andi hans og
hæfileikar gátu ekki lengi verið
aðgerðarlausir og hann hélt líkama
sínum hraustum með því að
handleika meitilinn," eins og hann
sagði sjálfur.
María guðsmóðir heldur á Kristi
eftir að hann hefur verið tekinn af
krossinum. Nikodemus styður við
og stendur fast í báða fætur, og
önnur María kemur til hjálpar
þegar hún sér, að móðurina
brestur afl og að hún getur ekki
lengur haldið á líkinu, yfirbuguð af
sorg.
Takið eftir, hve líkamf Krists er
frábærlega unninn. Daúðari líkami
en þessi fyrirfinnst varla, hann
sígur niður í máttlausum stelling-
um. Hugsið ykkur, þó er þetta
verk unnið í marmara.
Fegurðin og tilfinningin, sem
birtist í sársaukafullum svip allra
persónanna, og þó einkum hinnar
sorgmæddu móður, er stórkostleg
— fegurð mannlegrar samúðar í
einstöku listaverki.
Michelangelo var fæddur í
Florens 6. mars 1475 og dó árið
1564 þann 18. febrúar. Hann lauk
aldrei til fulls því listaverki, sem
hér um ræðir. Hann braut það
niður, því slíkar kröfur gerði hann
til listaverka sinna, að hann var
aldrei ánægður með þau. Annar
listamaður frá Flórens skeytti
verkið saman og endurnýjaði
einhverja hluta þess, en því varð
þó aldrei lokið til fulls.
Eigandi þessa verks er dóm-
kirkjan í Flórens.
Vorb/ær
■HBHBMnDnBnUBBMI
Mynd af stúlku og baldursbrám
minnir okkur á vorið, sem er í
nánd. Trén munu springa út og
blómin stinga kollunum upp úr
jörðinni svona rétt til að kanna,
hvort þeirra tími sé kominn, og
vorblær andar að vanga.