Vikan - 29.03.1979, Qupperneq 21

tímar á dag. Þetta leiðir óhjákvæmilega af
sér spurninguna: Hvar eru börnin á meðan
foreldrarnir vinna?
í skýrslu frá Sumargjöf kom í ljós að í
Reykjavík sá bæjarfélagið um gæslu 2869
barna (dagheimili, leikskóli, einkagæsla á
vegum borgarinnar). Á sama tíma var fjöldi
barna í Reykjavík á aldrinum 0-5 ára ca.
8.800.
Þannig kom fram að um 60% giftra
kvenna voru útivinnandi á meðan ca. 30%
barna fengu gæslu á vegum borgarinnar.
Hvar eru hin börnin?
Til að gefa smá vísbendingu um það var
birt skýrsla frá Kvennaársnefnd um gæslu
barna. Rannsóknin sýnir eftirfarandi tölur.
Heimaein 26,4%
Hj á dagmömmu 15,1%
Hjá ömmu 26,4%
Ádagheimili 3,8%
Áleikskóla 11,3%
Á leikskóla + hjá dagm. 9,4%
Annað 7,6%
Sérstök athygli var vakin á tölunni
26,4% sem náði yfir börn er voru ein
heima.
Hvaða afleiðingar hefur mikil
vinna foreldra fyrir börnin?
Nefndar voru ýmsar afleiðingar sem hin
mikla vinna á íslandi getur haft í för með
sér fyrir börn. Hafa ber í huga, að þessir
hlutir hafa ekki verið rannsakaðir hér á
landi, en það var hinsvegar álit þeirra er
sömdu greinina að vinna þeirra með
sálrænt sködduð börn færi í flestum
tilvikum fram á börnum foreldra sem ynnu
geysimikið.
Helstu afleiðingar: Þróunarmöguleikum
barna eru mikil takmörk sett.
Vanrækt börn.
Aukning á sálrænum sjúkdómum barna.
Árið 1961 sendu Sameinuðu þjóðirnar
frá sér umfangsmikla skýrslu sem fjallaði
m.a. um félagslegar afleiðingar vinnu for-
eldra og barna. Þar kemur fram að sálræn
vandamál barna eru álitin aukast með
aukinni vinnu foreldra.
Samfélagið þarf að koma til
móts við nýtt fjölskyldumynstur
Ein mesta breyting sem hefur átt sér stað
á undanförnum áratugum er aukin þátt-
taka kvenna í atvinnulífinu. Fyrir börnin
hefur þetta haft í för með sér að báðir
foreldrar eru í burtu frá heimilinu langan
tíma. Það hefur orðið til nýtt fjölskyldu-
mynstur. Þetta mynstur er æskilegt á
margan hátt m.a. vegna þess að það eykur
jafnrétti kynjanna. En nýtt fjölskyldu-
mynstur kallar á nýjar aðstæður og hefur í
för með sér auknar kröfur til samfélagsins
varðandi börn.
Það verður að sinna börnunum vel og
þau verða að fá verkefni við hæfi á meðan
foreldrarnir vinna. Þetta á við um lítil börn,
börn á forskólaaldri, skólabörn og ungl-
inga.
íslenskt samfélag hefur ekki komið til
móts við hið nýja fjölskyldumynstur og
það er langt á eftir í þeirri þróun miðað við
Norðurlönd. Á meðan svo er er samfélagið
fjandsamlegt börnum útivinnandi foreldra.
Foreldrar ættu ekki að taka því þegjandi að
samfélag sem krefst vinnu þeirra stefni
heilsu barna þeirra í voða.
IJ.tbl. Vlkanll