Vikan - 26.04.1979, Blaðsíða 62

PÓSTURIM
Tískuteiknun
Kæri Póstur!
Hvers vegna hafið þið ekki
meira af hljómsveitum í
Vikunni? Getur þú birt
heimilisfang hjá einhverju
færeysku blaði? Er tísku-
teiknun kennd á íslandi? Ef
svo er, hvar þá? Hvernig er
skriftin og stafsetningin? s.Ó.
Tískuteiknun er ekki hægt að
læra að fullu á íslandi, en
forskólinn hjá Myndlista- og
handíðaskólanum er talinn
nokkuð góð undirbúnings-
menntun fyrir frekara nám á því
sviði. Reyndu að skrifa færeyska
blaðinu Dimmalætting,
Tórshavn, Foroyar og Mynda-
blaðin NÚ, Tórshavn, Foroyar.
Það er svo sannarlega erfitt að
gera öllum til hæfis hvað varðar
efnisval í blaðinu, en sumum
mun nú þykja orðið nóg um
skrif um popp og annað því
skylt. En við reynum eins og
áður að uppfylla óskir flestra
sem kostur er hverju sinni.
Skriftin og stafsetningin mætti
batna nokkuð enn.
Hann var hvorki
með flís né
flugu
Hæ, elsku Póstur!
Við höfum skrifað þér einu
sinni áður, og það birtist í einu
janúarblaðinu undir dulnefninu
„tvœr fáfróðar". Við þökkum
þér að sjálfsögðu kœrlega fyrir
birtinguna. Við áttum alls ekki
von á því, að þú mundir svara,
því þegar við lásum bréfið á
prenti, fannst okkur þetta alveg
einstaklega heimskulegt bréf.
(Enda var svarið frá þér eftir
því).
En ástæðan fyrir því, að við
erum að skrifa þér aftur, er sú,
að þú misskildir spurninguna í
bréfinu svo hræðilega, að við
erum alveg miður okkar síðan
við lásum svarið. Við spurðum,
hvað það þýddi að blikka.
Það er nefnilega þannig, að
strákurinn, eða „veslings
maðurinn ”, eins og þú kallaðir
hann, var alls ekki með fís eða
flugu í auganu. Hann bað aðra
okkar að blikka til sín og
blikkaði svo sjálfur á móti.
Getur þú sagt okkur, hvað
hann meinti með þessu?
Jæja, við vonum bara, að þú
svarir þessu, úr því að þú varst
svo elskulegur að svara hinu,
Og svo í lokin biðjum við þig
að lesa úr skrift beggja, ef þú
vildir vera svo góður.
Kveðja.
Tvær fáfróðar.
Það er þetta sígilda — einn
heimskingi getur spurt meira en
tíu vitringar geta svarað. Annars
fannst Póstinum bréfið ykkar
ekkert heimskulegra en margt
annað, sem fyrir hans gömlu og
þreyttu augu hefur borið. Mikið
er annars gleðilegt að öðlast
fullvissu um að hvorki hafi verið
flís eða fluga í auganu. Þá hlýtur
þarna að vara um ein-
hverja mun þægilegri skýringu
að ræða, til dæmis að þessi glað-
lyndi ungi maður hafi þarna
reynt að gefa i skyn ólæknandi
ást á viðkomandi kvenveru, eða
jafnvel að hann hafi verið að
æfa sig fyrir árás á sína einu
sönnu. Pósturinn leggur til að
þið spyrjið manninn bara
sjálfan, hvað hann hafi átt við
með þessu blikki, því alltaf er
best að öðlast vitneskju frá
fyrstu hendi.
Þó ekki væri
nema
smámóðgun!
Kæri Póstur!
Mig langar bara að biðja þig
að birta þessa mynd fyrir mig I
tilefni af Travolta-œðinu.
Reyndar er þessi mynd ekkert
sérstök, því að ég teiknaði hana
sjálf. Ég hef tvisvar skrifað þér,
og fékk ég svar við öðru
bréfinu, en ekki hinu, en það
skrifaði ég fyrir stuttu. Og mig
langar að fá þína skoðun á
myndinni, þó það væri ekki
nema smámóðguh. Bæ, bæ,
Ein með Travolta-æði.
Skoðun Póstsins á myndinni—
ja, Póstinum finnst hún bara
alveg sérlega lík Travolta.
Tókstu hana nokkuð í gegn?
Var þetta annars nægileg smá-
móðgun?
Hvar er meyjarhaftið?
Kæri Póstur!
Þetta er í fyrsta sinn, sem ég skrifa þér. Ég er mjög
fáfróð sveitastelpa. Ég er orðin 14 ára og ekki einu sinni
byrjuð að fá blæðingar. Er það óeðlilegt? Svo er það annað,
sem ég hef svo mikla minnimáttarkennd út af. Ég er ekki
með nein brjóst. Stelpur, sem eru ári yngri en ég, eru með
stærðar brjóst. Hvað er meyjarhaft, og hvar er það? Er
nauðsynlegt að láta fjarlægja meyjarhaftið? Hvað er hægt að
gera til þess að losna við hár undan höndunum? Verður
ekki rætt um blæðingar og notkun getnaðarvarna og fleira,
sem viðvíkur táningum, íþættinum Börnin og við, sem erf
Vikunni? Ef svo er ekki, er þá ekki hægt að hafa einhvern
þátt um þetta, því að ég veit, að það eru mjög margir
unglingar, sem óska eftirsvona þætti I Vikuna. Elsku góði
Póstur, birtu þetta bréf eins fljótt og hægt er, því ég bíð
eftir svari.
Fáfróð sveitastelpa.
Það er alls ekkert óeðlilegt við það að þú skulir ekki vera farin
að hafa blæðingar ennþá, og sama má segja um brjóstastærð-
ina. Yfirleitt fylgist þetta tvennt nokkuð að og þú ert ef til vill
eitthvað seinni í líkamlegum þroska en vinkonur þínar. Þú
getur alveg verið róleg í tvö ár í viðbót. Það er svolítið erfitt
að útskýra hvað meyjarhaftið er í bréfadálki, en allt má reyna.
Það er einskonar þunn himna, sem lokar legopinu að mestu
leyti hjá konum, sem ekki hafa haft samfarir. Meyjarhaftið
hverfur við fyrstu samfarir og það er sárasjaldgæft að leita
þurfi hjálpar læknis til að fjarlægja það. Hár undir höndunum
getur þú fjarlægt með háreyðingarkremi, en þú ættir að
forðast að raka það af. Það er nú einmitt til athugunar að hafa
um þennan aldur einhverja fróðleiksmola í þættinum Börnin
og við og vonum við að það verði þér að einhverju gagni. Því
var haldið fram við Póstinn hér um árið að það þyrfti einungis
að fræða borgarbörn um þessi mál, því börn í sveit lærðu
þetta allt af sjálfu sér af daglegri umgengni við dýr, en þú
virðist einmitt lifandi dæmi um hið gagnstæða.
bZ Vikan 17-tbl.