Vikan - 24.05.1979, Blaðsíða 24

Vikan prófar léttu vínin
21. grein
Fjórtán bestu
rauðvínin
Átta af fjórtán bestu rauðvínum
Áfengis- og tóbaksverslunar ríkisins eru
frönsk, enda eru Frakkar bestu
rauðvínsgerðarmenn heims, eins og
Þjóðverjar eru bestu hvítvínsgerðar-
mennirnir. Sex af tólf bestu hvítvínum
Ríkisins eru þýsk, eins og áður hefur
komið fram i greinum þessum.
Þessi fjórtán rauðvin fengu annað-
hvort sjö eða átta í einkunn í gæða-
prófunum Vikunnar, sem lýst hefur
verið í undanfömum tölublöðum. Átta
er einkunn, sem gefin hefur verið mjög
góðum vínum, og sjö er einkunn góðra
vína, sem gætu sómt sér vel sem ódýr
„vín hússins” á veitingahúsum.
Góð vín ekki dýrari en vond
Sem betur fer eru þessi vín yfirleitt
ekki dýrari en hin 36, sem ekki komust
gegnum nálaraugað. Meðalverð rauð-
vína Ríkisins er 2.200 krónur þriggja
pela flaskan. Og meðalverð tólf af
hinum fjórtán góðu rauðvínum er
einmitt líka 2.200 krónur.
Það gildir því sama um rauðvínin og
hvítvínin, að menn þurfa ekki að borga
meira fyrir góð vín en léleg, ef þeir vita,
hvað þeir eiga að kaupa. Og markmið
þessa greinaflokks er einmitt að útbreiða
slíka þekkingu.
Kaup á rauðvínum eru að því leyti
betri en kaup á hvítvínum í Rikinu, að
sjö stiga rauðvín er hægt að fá á 1.450
krónur fiöskuna. Fyrir jafngott hvítvín
verða menn að borga 1.850 krónur.
Hins vegar eru kaup á hvítvínum að
því leyti betri, að átta stiga hvítvín er
unnt að fá á 2.200 krónur. Jafngott
rauðvin kostar aftur á móti minnst
3.050 krónur flaskan.
Því miður er ekkert frábært eða níu
stiga rauðvín til i Ríkinu. Þar er hins
vegar til eitt níu stiga hvítvín, sem
kostar þó ekki nema 2.800 krónur.
Af 50 rauðvínum Ríkisins fengu þrjú
átta í einkunn og ellefu fengu sjö.
Þrettán vín fengu sex í einkunn og
teljast frambærileg. Tíu fengu fimm og
teljast drykkjarhæf, en léleg. Átta fengu
fjóra i einkunn og eru vond. Loks fengu
fimm vín þrjá eða minna i einkunn og
eru ekki drykkjarhæf.
Þetta er skárri dreifing en i hvít-
vínunum. Þar voru fiest vinin með fjóra
í einkunn, en hér eru þó fiest vínin með
sex í einkunn. Samt verður að telja, að
rauðvínsinnkaup Ríkisins séu óþarflega
léleg og að fá megi mun betri vín fyrir
sama verð.
Öll átta stiga rauðvínin eru frönsk,
eitt frá Rhone, eitt frá Búrgund og eitt
frá Bordeaux. Sjö stiga frönsku rauð-
vinin eru eitt frá Bordeaux, eitt frá Búr-
gund, eitt frá Beaujolais, eitt frá Corbier-
es og eitt óstaðfært. Hin sjö stiga rauð-
vínin eru tvö frá Ítalíu, tvö frá Spáni,
eitt frá Búlgaríu og eitt frá Ungverja-
landi.
1. Hospices de Beaune
í efsta sæti átta stiga rauðvínanna
varð HOSPICES DE BEAUNE,
POMMARD. CUVÉE BILLARDET,
af árgangi 1969. Það var rauðbrúnt og
litdjúpt, hafði aðlaðandi blómailm, var
mjúkt og hressandi á bragðið og fram-
lengdist í munninum, en var tæpast
nógu persónulegt. Verðið er allt of hátt,
6.250 krónur fiaskan. Vín þetta þarf að
opna tveim timum fyrir notkun.
2. Chateauneuf-du-Pape
Næst, einnig með átta stig, kom LES
CEDRES, CHATEAUNEUF-DU-
PAPE, af árgangi 1976. Það er að vísu
enn ekki orðið nógu gamalt og ætti að
vera orðið betra eftir um það bil tvö ár í
góðri geymslu. Þetta var dimmt vín og
purpurarautt sem saft, hafði aðlaðandi
blómailm, en bragðið var full herpt og
skarpt vegna ungs aldurs. En þetta var
persónulegt og ákveðið vín, upplagt fyrir
vínkjallarann. Verðið er 3.050 krónur.
3. Chateau Paveil de Luze
Þriðja og síðasta vínið með átta stig
var CHATEAU PAVEIL DE LUZE,
Haut-Medoc búgarðsvín af árgangi
1974. Ilmur þess var i góðu jafnvægi, en
I nœstu Viku
bragðið var fremur þunnt, miðað við
iim. Þetta var ljúft vin og lipurt, en
skorti dálítið á kjölfestuna. Verðið er
3.100 krónur.
4. Chianti Classico
Fjórða í röðinni og fyrsta sjö stiga
vínið var CHIANTI CLASSICO, af
árgangi 1976 frá Antinori, italskt vín.
Það var föllitt, en þungt fijótandi, hafði
daufan en hreinlegan Chianti-ilm, mjúkt
en þó hæfilega súrt bragð. Þetta var
alveg gallalaust hversdagsvín. Verðið er
1.700 krónur.
5. Vina Pomal
í fimmta sæti með sjö stig var VINA
POMAL, af árgangi 1973, spánskt
Rioja-vín. Það var rauðbrúnt meðaðlað-
andi ilm, mjúkt og hressandi á bragðið,
en geymdist ekki vel. Það dugir ekki að
geyma af því afgang í fiösku. Verðið er
1.700 krónur.
6. Chateau de Saint-Laurent
1 sjötta sæti með sjö stig var
CHATEAU DE SAINT-LAURENT,
franskt Corbieres-vín af árgangi 1975.
Það var fallegt vín með aðlaðandi
blómailm, sem vakti vonir, er uppfyllt-
ust ekki fyllilega í bragði. Traust vín, en
ekki fínlegt. Verðiðer 1.800 krónur.
7. Pisse-Dru
1 sjöunda sæti með sjö stig kom
franskur Beaujolais, PISSE-DRU, af
árgangi 1977. Ilmurinn var örlítið sætur,
bragðið milt og þægilegt, mjúkt og hress-
andi, dæmigerður Beaujolais. Verðið er
2.150 krónur.
8. Chateau Talbot
1 áttunda sæti með sjö stig kom
búgarðsvínið CHATEAU TALBOT,
frægt Saint-Julien-vín af árgangi 1967.
Einkunnin var gefin með töluverðum
efasemdum, því að hvorki bragð né
einkum ilmur var í jafnvægi. Vínið hafði
mikilfenglega þætti, góðan efnivið, en
myndaði ekki samræmda heild. Það var
Rósavín
orðið rauðbrúnt og dimmt og mun ekki
batna með frekari aldri. Áhugavert vin
fyrir sérvitringa, en allt of dýrt, 4.700
krónur.
9. Trakia
1 niunda sæti með sjö stig varð
TRAKIA, búlgarskt vín án árgangs,
ódýrasta rauðvínið 1 Ríkinu. Það hafði
daufan, fremur sérkennilegan, en réttan
ilm, var hlutlaust og rétt gert hversdags-
vín. Verðið er 1.450 krónur, bestu kaup í
Ríkinu.
10. Chianti
1 tíunda sæti kom svo annað Chianti-
vín, i þetta sinn frá Ruffino. CHIANTI,
af árgangi 1976. Bragðið var eins og af
hinu Chianti-víninu, en bæði litur og
ilmur heldur daufari. Það er selt á hálfs
annars lítra fiöskum á 3.100 krónur, sem
samsvarar 1.550 krónum á þriggja pela
fiösku.
11. Sangre Brava
í ellefta sæti varð spánskt Penedés-
vín, SANGRE BRAVA, af árgangi
1974. Það var hlutlaust og ilmdauft vín,
hversdagslegt, en gallalaust, nógu
gamalt til að hafa öðlast mýkt og
geymdist vel til næsta dags. Verðið er
l.-700krónur.
12. Egri Bikaver
1 tólfta sæti, einnig með sjö stig, varð
ungverskt vín, EGRI BIKAVER, af
árgangi 1975. Það hafði fjólubláa tóna,
skarpan ilm og hressandi bragð.
Persónuleiki þess var ákveðinn, en ef til
vill ekki við allra smekk. Verðið er 1.850
krónur.
13. Geisweiler Grand Vin
1 þrettánda sæti kom franska
Búrgundarvinið GEISWEILER
GRAND VIN, án árgangs. Það var
purpurarautt, hafði góðan ilm, sem fór
batnandi i tvo tíma eftir opnun fiösk-
unnar, og mjúkt og hressandi bragð. Þvi
má ekki rugla saman við hið dýrara
Geisweiler Reserve, sem fékk sex í ein-
kunn. Geisweiler Grand Vin kostar
2.500 krónur og er því full dýrt.
14. Tervigny
Fjórtánda og síðasta vínið, sem fékk
sjö í einkunn, var TERVIGNY, franskt
vin án árgangs. Það var purpurarautt
vín með dálítilli sætulykt, mjúkt og
hressandi, en hlutlaust á bragðið. Verðið
er allt of hátt, 2.800 krónur.
Greinaflokkur þessi, sem þegar er
orðinn nokkuð langur, verður nú fram-
lengdur um eina eða tvær greinar um
rósavínin, sem Ríkið hefur á boðstólum.
Jónas Kristjánsson
24 Vikan 21. tbl.