Vikan - 24.05.1979, Blaðsíða 31
Óskin
hans
Helga Pé
Plakatmyndin okkar er að þessu sinni
af Helga Péturssyni, söngvara og blaða-
manni, en fyrsta sólóplatan hans er nú
nýkomin á markað.
Helgi hóf söngferil sinn með Ríó-
tríóinu en þeir félagar hófu samstarf sitt
sem skemmtikraftar á skólaböllum.
Þar sannaðist heldur betur að mjór er
mikils vísir, þvi að ekki leið á löngu þar
til þeir höfðu unnið sér sess sem einir
vinsælustu skemmtikraftar þjóðarinnar.
Ríó-tríóið gaf út 13 plötur á ferli
sínum og vann til tveggja gullplatna
fyrir plöturnar „Eitt og annað smá-
vegis” og „Allt í gamni”.
Við spurðum Helga, hver hefði verið
kveikjan að þessari fyrstu sólóplötu
hans:
— Það má eiginlega segja, að hún
hafi verið tvenns konar. Vinur minn,
Gunnar Þórðarson, var lengi búinn að
ræða um þetta við mig, og eins hafði ég
um nokkurra ára skeið gengið með þá
hugmynd að taka fyrir hið fallega lag
Þórarins Guðrnundssonar, „Þú ert ”, en
þangað sæki ég heiti plötunnar. Það
varð þó aldrei neitt úr því fyrr en ég
lagði út í sólóplötu. Hvort hún var gefin
út eingöngu til að fullnægja þessari þrá-
hyggju minni? Ja, þvi ekki það?
Við spurðum Helga, hvort þessi plata
hans þýddi, að hann hygði á frekari
umsvif í skemmtanaiðnaðinum:
— Blaðamennskan er mitt aðalstarf,
og ég hef aldrei litið á sönginn nema sem
skemmtilegt aukastarf. En ætli ég haldi
ekki áfram í „bransanum”, meðan ein-
hver vill sjá mig og heyra.
Plötuumslagið skreytir, auk Helga,
tveggja ára dóttir hans, Bryndís, en
Helgi tileinkar henni einmitt eitt lagið á
plötunni, sem heitir „Skessan mín”.
Lögin eru öll útsett af Gunnari
Þórðarsyni, textar eru eftir Helga P.,
Jónas Friðrik og Jón Sigurðsson.
Hljómplötuútgáfan Ýmir gefur plötuna
út.
J.Þ.
21. tbl. Vikan 31