Vikan - 14.06.1979, Page 10

Sigurflur á „fe'rtu" ðrunum, þá keyrfli hann vörubil.
að myndu passa á mig, en ég trúði því varla
og ætlaði aldrei að þora inn í búðina. En
inn fór ég og viti rnenn. — Buxurnar
pössuðu á mig. Ég hef sjaldan verið
ánægðari en einmitt þennan dag þegar ég
gekk heim á leið með fyrstu gallabuxurnar
mínar undir hendinni. Samt voru þær
ekkert smart.
— Ég bjóst aldrei við að mér myndi
takast að grenna mig svona mikið, segir
Ingibjörg. Ég var eiginlega búin að sætta
mig við að vera svona það sem eftir væri —
að lífið myndi líða einhvern veginn — en að
eitthvað skemmtilegt ætti eftir að henda
mig, nei það var af og frá. — 130 kg, þú
getur rétt ímyndað þér. Ég var alltaf að
einangrast meira og meira frá öðru fólki,
því maður var að mestu hættur að fara á
mannamót vegna þess hvernig útlitið var.
Það er fyrst núna að ég er farin að gera mér
grein fyrir hvernig ég í raun og veru leit út.
Ég er afskaplega þakklát Línunni fyrir
hvað hún hefur gert fyrir mig.
— Kemur ekki ýmislegt spaugilegt fyrir
feitt fólk?
— Jú, það gerir það, segja þau sem einn
maður, en manni fannst það ekkert spaugi-
legt á meðan maður var enn feitur.
Ingibjörg: — Ég var eitt sinn stödd inni í
Þórsmörk og var að falast eftir ferð yfir
eina ána hjá körlum sem voru þarna á
jeppa. Ég vatt mér að þeim og spurði hvort
ég gæti fengið far, en þá segir einn þeirra
við mig: — Væri ekki nær að við fengjum
að fljóta yfir á þér. Þú flýtur, er það ekki?
Og þarna stóð ég, 130 kg, og var að reyna að
fá far yfir ána. Mig langaði náttúrlega mest
til að fara að gráta en þess í stað hló ég bara
eins og fífl. Það er þess konar glaðværð sem
feitt fólk er sagt haldið. En slík gleði er verri
en engin.
Sigurður: — Mér finnst sumt fólk vera
með hálfskrítin viðhorf gagnvart okkur
sem grennumst svona mikið. Það er eins og
það sé að bíða eftir að við springum eins og
áfengissjúklingarnir. Þetta fólk fylgist með
hverjum bita sem við látum ofan i okkur og
bíður spennt eftir að eitthvað gerist.
— En við erum staðráðin í því að standa
okkur — það máttu bóka.
— Eitthvað að lokum?
— Skilaðu þakklæti til Línunnar og allra
annarra sem hafa hjálpað okkur, segja
Línukóngurinn og Línudrottningin og
spretta á fætur eins og unglömb í haga.
Þau eru eins og nýjar manneskjur og þeirra
bíður nýtt líf. EJ
10 Vikan 24* tbl.
Olivia
krossuð
Olivia Newton-John, sem allir
íslenskir unglingar þekkja, eða
að minnsta kosti þeir mörgu,
sem sáu „Grease”, hefur nú
verið sæmd orðu, eins og þeirri,
sem Bítlarnir fengu á sínum
tíma, nánar tiltekið árið 1965.
Elizabeth drottning nældi
orðunni eigin hendi í barm
Oliviu, sem hér sýnir okkur
gripinn, hreykin og ánægð.
SjOS
Village People voru nýlega á
hljómleikaferð í Þýskalandi.
Þessi hljómsveit, sem varð þekkt
fyrir búninga sína, spáir nú í það
að breyta svolítið til og Alexand-
er Briley kom þarna ekki fram
sem hermaður heldur sjómaður.
— Ég skipti um búning vegna
nýju plötunnar okkar, In The
Navy, sagði hann. — En ég kem
aftur fram sem hermaður í
laginu Y.M.C.A.