Vikan - 29.11.1979, Page 20

I
Marta og Karvel fyrir framan hús »ltt I
Bohmgarvik.
Karvel kennir handmennt við grunnsköla
Bolungarvíkur. Hér sjáum við skútu sem hann
hefur hannað og smíðað.
Karvel Pálmason, fyrrv.
alþingismaður, sóttur heim í
Bolungarvík
Jónfna Jöelsdóttir, möðir Karvels, ösamt Helga Geir, yngsta bamabami Karvels og Mörtu.
Einfari í íslenskum
stjómmálum
Það var augljóst að nú skyldi til tíðinda draga í íslensku þjóðlífi er
blaðamaður Vikunnar kom á Reykjavíkurflugvöll dumbungsdag nokkurn
í október. Ábúðarmiklir landsfeður á þönum til að vitja sauða sinna í
dreifbýlinu. Kosningar fyrir dyrum, prófkjör: Bentu á þann sem að þér
þykir bestur.
Er við berjum að dyrum hjá Karveli Pálmasyni, fyrrv. alþingismanni í
Bolungarvík, er hann hins vegar farinn til höfuðborgarinnar til að ganga
frá framboði sínu fyrir Alþýðuflokkinn. Sem þótti nokkrum tíðindum
sæta þar sem Karvel hefur hingað til kosið leið einfarans í íslenskum
stjórnmálum.
Eiginkona Karvels, Marta Sveinbjörnsdóttir, tekur innrás blaðamanns
af ljúfmennsku enda sjóuð í hlutverki eiginkonu stjórnmálamannsins.
Segir að það sé í raun og veru ekki svo ólíkt hlutverki sjómannsins
Karvels: Hvort tveggja hefur í för með sér að lítill tími gefst til
fjölskyldulífs . . .
Það er ekki fyrr en þremur vikum seinna að Karvel gefur sér tíma til
að ræða við blaðamann: Um skoðanir sem mótuðust af hrjóstrugu
umhverfi og harðri lífsbaráttu. Skoðanir sem hann er þrátt fyrir allt ekki
tilbúinn til að fórna á altari neins stjórnmálaflokks.