Vikan - 05.02.1981, Blaðsíða 51

Draumar
Kindur, burður
og hrídir
Kæri draumráðandi!
Mig langar til að þú ráðir
fyrir mig draum. En hann er
svona:
Mér fannst ég vera ófrísk og
alveg komin að því að eiga
barnið. Fannst mér ég vera
með móður minni (J) og við
vorum að láta kindurnar inn í
fjárhúsin. Svo fannst mér
kindurnar vera svolítið óþjálar
og fóru þær hringinn í kringum
húsin og vildu með engu móti
fara inn. Þá fannst mér ég
verða veik því verkirnir voru
að byrja. 1 því sendi mamma
mig eftir kindunum og hljóp ég
eftir þeim á harðaspretti
þangað til að þær fóru inn. Er
kindurnar voru komnar inn
fórum við mamma inn á eftir.
Mikið tað var í húsunum og
mér fannst vera dálítið hey í
jötunum. Svo fannst mér ég
segja mömmu að hríðirnar
væru að byrja og hún trúði
mér. Við fórum að rabba um
það að það þyrfti að stinga
taðið út og játti ég því. 1 því
ágerðust hríðirnar og bað ég
hana að keyra mig til spítalans.
En hún vildi það ekki. Sagði
hún að þegar við kæmum inn í
íbúðarhús skyldi hún hringja til
föðurbræðra minna á næsta bæ
og biðja þá að skutla mér. En
það vildi ég með engu móti.
Mér fannst ég vera búin að
vera í einangrun heima og vildi
ekki láta nokkurn mann sjá
mig svona á mig komna.
Lagðist þetta tal svo niður í bili.
I því bar ein ærin tveim
lömbum, hrút og gimbur,
svörtum að lit. Fannst mér
skrítnast að ærin var ekki
mörkuð heimilinu. Fórum við
mæðgur að hlúa að kindinni.
Jukust þá enn hríðirnar svo um
munaði. Fannst mér ég sofna.
Eg vissi ekki af mér fyrr en ég
var lögst á sæng. Mér fannst
rúmfötin ogallt herbergið
vera mjallahvítt og mér leið
alveg dásamlega vel. En ekki
fannst mér ég vera búin að ala
barnið þegar ég vaknaði.
Draumurinn bendir til þess að
þú eigir í eða munir í náinni
framtíð lenda í smávægilegum
erfiðleikum. Bendir margt til
þess að samskipti þín og móður
þinnar verði svolítið stirð vegna
misskilnings eða einhvers deilu-
efnis sem erfitt er að útkljá. í
draumnum felst viðvörun til þín
um að hafa stjórn á skapi þínu
og gerðum. Síðari hluti
draumsins visar aftur á móti
fram á við. Framtíðin virðist
vera björt og bera í skauti sér
góða heilsu og hamingju.
Fyrirhuguð
minningarathöfn
Kæri draumráðandi.
Mig langar að biðja þig að
glugga í draum sem mig
dreymdi fyrir stuttu, en hann
var þannig:
Mér fannst ég alltaf vera að
hugsa um gröfina hans afa (en
hann dó síðastliðið sumar) og
það átti að vera minningar-
athöfn við gröfma. Bak við
húsið heima var búið að gera
stórt beð og fylla það af Ijós-
bláum stjúpum, þannig að
þetta var eins og blá breiða.
Mamma var alltaf að segja við
mig: „Þú nærð því að mæta
klukkan 1 á morgun. ” Þetta
endurtók hún í sífellu. Mér
fannst systir mömmu og
presturinn okkar vera þarna í
garðinum og var presturinn
með mikið hár (en er ekki í
veruleikanum með mikið hár
og það litla sem er er frekar
þunnt) sem hann greiddi aftur
á höfuðið. Eg fór að biðja
mömmu að segja mér hvað
ætti að gerast kl. I daginn
eftir. Þá dró hún mig afsíðis og
fór að segja mér frá afa og við
grétum mikið. Þá fannst mér
frændsystkini mín koma þarna
og vinur þeirra og fóru þau að
bjóða okkur sælgæti. . . ogþá
vaknaði ég.
Þessi draumur hafði mjög
mikil áhrif á mig, sérstaklega
bláu stjúpurnar, presturinn og
hvað við mamma grétum
mikið. Eg vona að þú getir
lesið eitthvað út úr þessu. Með
fvrirfram þökk og von um
birtingu.
Draumurinn er nokkuð óljós.
Fyrir koma tákn sem vita bæði
á gott og leitt. Draumurinn
stendur í einhverjum tengslum
við fjölskyldu þina. Blómin vita
á ró og hamingju, sömuleiðis
minningarathöfnin fyrirhugaða,
ættingjarnir, sælgætið og ekki
síst sorgin og gráturinn.
Presturinn og gröfin eru
fremur tákn um einhver
vonbrigði og leiðindi. Sennilega
ferðu bráðlega á sögulega
samkomu með fjölskyldu þinni
þar sem upp kunna að koma
gömul deilumál. En þrátt fyrir
misklíð er fjölskylda þín traust
og samhent og þú átt með
henni margar ánægjustundir.
XXX
Skop
6. tbl. Vikan §1