Vikan - 01.03.1984, Blaðsíða 39
Vélin kostar kr. 5.994. Vegna breyttra vaxtakjara getum við nú boðið: útborgun
kr. 1.000 og afganginn á 5 mánuðum. Full kennsla innifalin, eftir þörfum hvers
og eins. Vélinni fylgja leiðbeiningar á íslensku.
Áhugasamar prjónakonur, sem
hafa fengið sér prjónavélar til þess
að auðvelda sér prjónaskapinn, hafa
oft kvartað undan því að ekki sé
hægt að prjóna úr íslenskum lopa í
prjónavélum. Nú er komin á
markaðinn hér á landi prjónavél
sem prjónar jafnt úr lopa sem finu
garni. Þetta er enska prjónavélin
Bond sem verslunin Allt í Fellagörð-
um í Breiðholti hefur umboð fyrir og
selur.
í enskum kynningarbæklingi er
meira að segja sérstaklega tekið
fram að hún geti prjónað úr íslensk-
um lopa, sem sé svo vinsæll um þess-
ar mundir!
Bond-prjónavélin er ekki mikil um
sig. Hún vegur tæp tvö kOó og er 95
cm löng og 15 cm breið. Hún er fram-
leidd úr efni sem nefnist acetal og
næloni og það þarf ekki að smyrja
hana. Nálarnar í vélinni eru úr
nikkelhúðuðu stáli og bili eitthvað er
auðvelt að fá alla nauðsynlega vara-
hluti.
Vélin prjónar eins metra breitt
stykki, og 100 lykkjur, en hægt er að
fá á hana viðbót eða framlengingu,
þannig að auka má við breiddina 30
lykkjum. Eins og fyrr segir prjónar
hún jafnt úr fínu garni, sem hæfir
prjónum nr. 2 1/2, og úr grófu garni
eða lopa. Vélin er þannig uppbyggð
að loðiö garn bælist ekki við prjóna-
skapinn heldur kemur jafnloðiö og
fallegt út úr vélinni eins og það er í
hespunni í búðarhillunni.
Mjög auðvelt er að koma vélinni
fyrir og hægt að festa hana á hvaða
borð sem er, meira að segja á strau-
brettið ef ekki er annar staður til
fyrir hana á heimilinu. Það þarf
ekkert að stilla vélina en eigi að
breyta um garngrófleika er sett í
hana plastplata sem merkt er með
númerum eins og venjulegir band-
prjónar.
Það tekur ekki uema hálftíma, í
mesta lagi klukkutíma, að læra að
nota þessa einföldu prjónavél og á
2—á klukkustundum geturðu
prjónað heila fullorðinspeysu í
henni. Þeir sem kaupa vélina geta
fengið að læra á hana í Allt í Fella-
görðum.
Það er hægt að prjóna fleira en
peysur í vélinni, og enginn ætti að
verða í vandræðum með að velja sér
verkefnin eftir að hann er búinn að
eignast prjónavél.
vi
Við veitum öllum 67 ára og eldri 10% afslátt af öllum vörum okkar.
Sendum í póstkröfu hvert á land sem er.
VERSLUNIN ALLT
Drafnarfelli 6 109 Reykjavík Sími 78255
9. tbl. Vikan 39