Vikan - 07.02.1985, Blaðsíða 58

11 Slúður
Tískudrottningin
Kvikmyndun frestað
vegna óláta í bömunum!
Schyle dóttir Sissy Spacek er hinn
mesti fjörkálfur.
Ástralski leikarinn Mel Gibson er talinn
ein skærasta stjarna framtíðarinnar.
Patti Reagan
Til skamms tíma vildi Patti, dóttir Nancy
og Ronalds Reagan, sem minnst vita af
hinum frægu foreldrum sínum. En eftir að
hún giftist jógakennaranum sínum er eins
og hún hafi skipt um skoðun. Nú birtist
hún gjarnan á myndum með foreldrum
sínum og þá stendur eiginmaðurinn auð-
vitað við hlið hennar. — Hún hefur líka
fengið aukinn áhuga á tískunni. Nú er svo
komið að hún stundar fyrirsætustörf fyrir
hin ýmsu tískuhús og hér sést hún vera að
máta einn kjólinn sem hún sýndi á dögun-
um.
Nú er búið að frumsýna nýjustu kvikmynd Sissy Spacek, The River, og virð-
ist hún ætla að fá ágæta dóma. Aðalhlutverkið á móti Sissy Spacek leikur ástr-
alski leikarinn Mel Gibson sem lenti í fyrsta sæti er amerískar konur voru
spurðar að því hvaða karlmann þær vildu helst kyssai Hann sigraði Harrison
Ford sem var í fyrsta sæti í fyrra.
Það gekk á ýmsu meðan á kvikmyndun The River stóð. Sissy Spacek hafði
Schyle dóttur sína með sór og Mel Gibson mætti einnig á upptökustað með
börnin sín þrjú. Varð úr hinn mesti hamagangur og skemmtu börnin sér
konunglega. Fresta varð kvikmyndun um mánuð á meðan leikararnir komu
börnum sínum í pössun.
Richard Attenborough
kvikmyndar A Chorus Line
Þegar menn eru spuröir að því hver þeim finnist vera lélegasta leikkonan í
Dallas svara þeir yfirleitt Charlene Tilton (Lucy) og Audrey Landers (Afton
Cooper). En víst er að Richard Attenborough er ekki sammála. Hann valdi
Audrey Landers til að fara með eitt af aðalhlutverkunum í söngleiknum A
Chorus Line sem hann er nú að kvikmynda á Broadway.
Attenborough valdi 17 dansara úr hópi 3 þúsund umsækjenda og er sann-
færður um að þar fari bestu dansarar sem uppi eru. Þessi mynd hefur lengi
verið á dagskrá hjá þessum fræga leikstjóra eða alveg síðan hann gerði Oh!
What A Lovely War (0, þetta er indælt stríð) árið 1969. Hann frestaði henni þó
og ákvað að gera stórmyndina Gandhi á undan. Attenborough heldur því fram
að það hafi verið bamaleikur að leikstýra Gandhi miðað við að segja bak-
tjaldasögu Broadway. „Á Indlandi hafði ég töglin og hagldimar en hér get ég
engu breytt. Hér er ég að kljást við leikhúsið sjálft! ”
Það kom einnig á óvart að Attenborough skyldi velja leikarann Michael
Douglas og Nicole Fosse, dóttur leikstjórans Bob Fosse. Hún hefur aldrei áður
leikið í kvikmynd en önnur leikkona lék hana sjálfa í kvikmyndinni All That
Jazz sem Fosse gerði sjálfur og var byggð á ævisögu hans.
\
SSVlkan 6.tbl.