Vikan - 07.02.1985, Blaðsíða 29

Jesper Sörensen og Merete
Hachman vöktu svo sannarlega
hrifningu þeirra sem mættu á jóla-
böllum Dansskóla Hermanns
Ragnars um síöustu jól. Þau voru
eins og smækkuö útgáfa af dans-
pari í heimsmeistarakeppni í sam-
kvæmisdönsum — eins og eitt af
pörunum sem viö sjáum af og til
í íslenska sjónvarpinu nema hvað
Jesper er þrettán ára og Merete
aöeins tíu. Þrátt fyrir þennan
unga aldur fóru Jesper og Merete
létt með að svífa inn á gólfiö á
Hótel Sögu.
Þau eru frá Kaupmannahöfn,
byrjuöu í barnadönsum þriggja
ára gömul og hafa unnið til
margra verðlauna. Þau keppa í
unglingaflokki, 11—13 ára, og uröu
Kaupmannahafnarmeistarar í
suöur-amerískum dönsum stuttu
áður en þau komu hingað til aö
skemmta nemendum dansskól-
ans. I Evrópukeppni unglinga,
sem haldin var í Stokkhólmi fyrir
skömmu, lentu þau í fimmta sæti
þrátt fyrir að þau væru að keppa
þar í fyrsta sinn og Merete þar að
aukí yngsti keppandinn.
En það voru ekki aðeins þaul-
æfðir dansar sem dansparið bauð
upp á. Um kvöldið, þegar eldri
nemendur skólans mættu, var
boðið upp á litla uppákomu. Með-
limir Mezzoforte, sem voru á
staðnum, eru í miklu uppáhaldi
hjá þeim og fengu smáþakklætis-
vott þegar parið skellti sér í dans
undir einu laganna af nýjustu plöt-
unni þeirra — án þess aö hafa
heyrt lagið áður. Engin furöa þótt
litlu nemendumir um daginn, sem
voru frá þriggja ára, heyrðust
segja: Ég vil vera svona eins og
þessi.
6. tbl. Vlkan 29