Vikan - 27.02.1986, Blaðsíða 51

ALLTAF
VERIÐ AÐ
STRÍÐA MÉR
Elsku Póstur!
Ég er alveg í vandræðum. Ég er 1 5 ára
strákur og vantar félagsskap. Þú ert mín
eina von.
Það er þannig að ég er i skátum og þar
eru allir svo leiðinlegir við mig. Allir eru
þar að stríða mér, krakkar á aldrinum
12-20 ára. Þeir sem eru á aldur við mig
eru kannski að hringja í mig á kvöldin og
biðja mig að koma og eru svo einhvers
staðar í felum þegar ég kem svo ég fer
alltaf fýluferðir. Svo hringja þeir og segja
kannski: Komdu strax upp i heimili. Við
erum búnir að ná X (einhverri leiðinlegri
manneskju) og ætlum að dýfa henni. Svo
er mér dýft þegar ég kem. Ég er með bólur
og ömurlega Ijótur. í skólanum eru krakk-
arnir að stríða mér á því hvernig ég tala
fyrir framan alia. Mér er alltaf strítt i útileg-
um og laminn. Ég var málaður um daginn
til að líta aðeins betur út og svo fór ég
upp í skátaheimili og þá fóru krakkarnir
að stríða mér. Svo eru þau að hringja heim
og segja kannski við pabba og mömmu:
Segðu N (ég) að hann sé orðinn pabbi.
Alltafaðgera at.
Elsku Póstur, hvað á ég að gera? Hjálp-
aðu mér. Ég verðaðfá hjálp. £
P.S. Svo stríða þau mér á hvaða tónlist-
armann ég held upp á þó margir haldi upp
á hann.
P.S.S. Svo eru þau alltaf að segja að
ég sé með svo mikla stæla.
I.jótt er að heyraI Frásögn þín af hegðun
félaganna er ekki beint í samræmi við þær
hugmyndir sem Pósturinn og fleiri hafa
gert sér af skátum. Það er illt til þess að
vita að ungt fólk, sem á að hafa hugsjónir
skátahreyfingarinnar um hjálpsemi við
náungann að leiðarljósi, skuli haga sér
svona.
Stríðni er raunar vandamál sem er þvi
miður nokkuð algengt. Þeir sem stríða
öðrum gera það oft í hreinu hugsunarleysi
og gera sér ekki grein fyrir því hvaða þján-
ingum þeir geta valdið fórnarlömbum sín-
um. Þeir sem ofsækja aðra með stríðni eru
óþroskaðir einstaklingar sem oft á tíðum
eiga sjálfir við vandamál að etja. Eins og
til að fela sinn eigin vanda ofsækja þeir
aðra. Striðni er því ekki síður vandi þeirra
sem stríða en hinna.
En hvað getur þú gert? Því er ekki
auðvelt að svara. í fyrsta lagi skalt þú ekki
vera með i þvi að hrekkja aðra. Þú segir í
bréfinu að krakkarnir hringi í þig og biðji
þig að koma þegar á að fara að taka ein-
hvern fyrir og þegar til komi þá sért það
þú sjálfur sem átt að fá fyrir ferðina. Þú
ættir alls ekki að sinna svona hringingum.
Þú ert ekkert meiri maður eða betur settur
með því að taka þátt i að stríða öðrum og
skaltþví alveg láta afþví.
Þú segir að krakkarnir segi að þú sért
með mikla stæla. Er eitthvað til I þvi?
Krökkum, sem erstritt eða hafa minnimátt-
arkennd, hættir oft til að breiða yfir það
með stælum. Með stælunum eru þeir að
reyna að sýnast eitthvað meiri og merki-
legri en félagarnir hafa haldið þá vera.
Venjulega verða áhrifin þveröfug og þvi
er mikiivægt að þú reynir að hætta stælun -
um og verðir bara eðlilegur, eins og þú
áttað þér.
fíeyndu að taka striðnina ekki of alvar-
lega. Þú veist sjáifur að þú ert ekki á
nokkurn hátt verri en þessir krakkar. Þú
ert kannski bólóttur en það eru nú svo
margir á þessum aldri. Hins vegar er sjálf-
sagt hjá þér að reyna að fá einhverja bót
þará. Húðsjúkdómalæknar og snyrtistofur
geta veitt fólki mikla hjálp við bólum
núorðið og sjálfsagt að notfæra sér það.
Málning gerir ekkert gagn í þinu tilviki
eins og þú hefur sjálfsagt komist að raun
um.
Þú getur snúið baki við þessum leið-
indakrökkum en það leysir í sjálfu sér
engan vanda. Hefur þú eitthvað reynt að
tala um þetta við til dæmis skátaforingjann
eða kennarann? Þetta er mál sem þyrfti
að ræða um í bekknum eða hópnum með
hjálp einhvers eldri eða fullorðins. Óþrosk-
aðir krakkarnir gera sér áreiðanlega ekki
grein fyrir hvaða hræðiiegu áhrif ertni
þeirra og uppátæki geta haft en sé þeim
bent á málið og þetta rætt af skynsemi og
í góðu þá er eins liklegt að þeir fari að
hugsa málið og hætti að láta svona.
Ef þú viit fá itarlegri ráðleggingar fólks,
sem þekkir þennan vanda mjög vel. gætir
þú haft samband við Sálfræðideild skóla
(sja simaskrá) eða Unglingaráðgjöfina
(sjá simaskrá).
AÐDAENDA-
KLÚBBAR
Halló kæri Póstur!
Við erum tvær sem erum að sálast en
réttara sagt vantar okkur aðdáendaklúbba
Nenu, Bonny Tyler, Tinu Turner, Frankie
Goes to Hollywood og Big Country og
U2. Vonandi verður þetta birt sem fyrst.
Helga og Rakel.
Frankie Goes to Hollywood
PO Box 5
Billericay
Essex
England
U2
PO Box 48
London N6 5RU
England
BonnieTyler
PO Box 308
London E6 1 EP
England
Tina Turner
Capitol Records
1 370 Avenue of the Americans
NewYork, NY10019
U.S.A.
Nena
Fabrik Rakete
Segitzdam 2
1000 Berlin 61
Deutchland
HVAR FÆ
ÉG TEXTA?
Kæri Póstur!
Ég hef skrifað þér áður ýmissa erinda
en að þessu sinni eru þau tónlistarleg.
Fyrst langar mig að vita hvar ég get
fengið texta hljómsveitarinnar Alpaville,
sérstaklega þó við Big in Japan, Forever
Young og Victory of Love. Ég veit að þú
birtir ekki texta svo að það þýðir ekki að
biðja þig en þú gætir kannski bent mér á
einhvern stað þar sem svona texta er að fá.
Svo þætti mér vænt um ef þú gætir sagt
mér hvenær Jakob Magnússon og Eiríkur
Hauksson eru fæddir.
Kveðja, Inga.
Til þess að fá texta þessara laga er að
líkindum best að skrifa plötuútgáfunni
beint. Ef þú átt plötuna ætti utanáskrift
útgáfunnar að standa á umslaginu. Efekki
getur þú haft samband við plötuverslun
og beðið einhvern að finna það fyrir þig.
Skrifaðu síðan útgáfunni og rektu erindi
þitt. Settú alþjóðleg svarmerki með i
umslagið og umslag þar sem þú ert búin
að vélrita þitt eigið nafn og fullt heimilis-
fang.
Jakob Magnússon er fæddur 4. mai
1953og Eiríkur Hauksson 4. júlí 1959.
Vikan 9. tbl. 51