Vikan - 27.02.1986, Blaðsíða 16

ISAMKEPPNIALAFOSS OG VIKUNNAR
Fyrir skömmu voru afhent verðlaun
í peysuhönnunarsamkeppni Ála-
foss og Vikunnar, „Peysulaus“.
Dóra Diego, verslunarstjóri í Ála-
fossbúðinni, afhenti vinningshöfunum
verðlaunin við hátíðlega athöfn í verslun-
inni.
Eftir mikið og vandasamt verk dóm-
nefndar féllu úrslit þannig að Marta'Árna-
dóttir hlaut fyrstu verðlaun, 15.000 krónur,
fyrir röndótta og mynstraða kvenpeysu,
og er mynd af henni og uppskrift hér aftar
í blaðinu. Önnur verðlaun, 10.000 krónur,
hlaut Guðný Ingimarsdóttir fyrir hvíta
stelpupeysu með slaufu, en uppskrift að
henni mun birtast í næsta blaði. Þriðju
verðlaun, 5000 krónur, komu í hlut Öldu
Sigurðardóttur fyrir svarta og mynstraða
kvenpeysu, en uppskrift að þeirri peysu
birtist væntanlega í blaðinu eftir hálfan
mánuð.
Sigurvegari keppninnar, MARTA
ÁRNADÓTTIR, er 22 ára viðskiptafræði-
nemi í Reykjavík. Marta er mikil prjóna-
kona og yfirleitt með eitthvað á prjónun-
um. Hún segist reyndar prjóna í skorpum
og taka sér frí á milli. Marta segist aldrei
prjóna eftir uppskrift og hannar yfirleitt
peysurnar sínar sjálf. Hún fylgist mikið
með tískunni, skoðar prjónablöð og fær oft
hugmyndir þaðan, en vinnur úr hugmynd-
unum og útfærir þær á eigin hátt.
GUÐNÝ INGIMARSDÓTTIR er 22 ára
og vinnur í Búnaðarbankanum í Reykja-
vík. Hún er vitanlega einnig mikil prjóna-
kona og prjónaði verðlaunapeysu sína
einungis fyrir keppnina. Hún hannar
sömuleiðis allar peysur sjálf sem hún
prjónar en fær líkt og Marta hugmyndir
víða að. Oft byrjar hún á peysu með óljósar
hugmyndir um hvernig hún eigi að vera
og prjónar bókstaflega af fmgrum fram.
Utkoman verður þá oft á tíðum allt önnur
en í upphafi var ætlað. En það er einmitt
það sem meðal annars gerir hönnun og
prjónaskap að svo spennandi tómstunda-
gamni.
ALDA SIGURÐARDÓTTIR er 26 ára
hjúkrunarfræðingur. Hún sendi upphaf-
lega inn til keppninnar mjög fallegar teikn-
ingar og kom í ljós að hún lærði tískuteikn-
un í eitt ár í Parísarborg. Alda lærði
prjónaskap af ömmu sinni og mömmu og
prjónaði fyrstu peysuna þegar hún var 4
ára. Það var lítil dúkkupeysa sem hún
geymir enn.
Að líkindum munu myndir og uppskriftir
að fleiri peysum_ úr keppninni birtast í
Vikunni síðar. Álafoss og Vikan þakka
öllum þeim sem þátt tóku í samkeppninni
kærlega fyrir þátttökuna.
16 Vikan 9. tbl.