Vikan - 27.02.1986, Blaðsíða 39

í*1'
TIIGlIFðlII
þín eru engum öðrum lík
Hefur þú einhvern tíma
horft á leynilögregluþætti
í sjónvarpinu eða lesið
leynilögreglusögur? Þá
veistu líka að ein af aðferðum lög-
reglunnar til að leysa gátuna
hverju sinni er sú að finna fingra-
förin sem glæpamaðurinn hefur
skilið eftir sig.
Segj um sem svo að það hafi verið
brotist inn í hús að nóttu til. Lög-
reglan kemur á staðinn til að
rannsaka málið og finnur greinileg
fingraför á borðstofuborðinu. Lög-
reglan notar sérstakt púður og
ýmsan annan útbúnað til að búa
til nákvæma eftirlíkingu af fingra-
förunum. Síðan getur hún borið
þessi fingraför saman við eftirlík-
ingar ijölda annarra fingrafara sem
geymd eru inni í tölvu. Segjum að
fingraförin, sem fundust í húsinu,
séu nákvæmlega eins og ein þeirra
fingrafara sem geymd eru í minni
tölvunnar. Glæpamaðurinn hefur
þá áður komist í kast við lögregl-
una og þá hefur verið tekin ,,mynd“
af fingraförum hans. Og nú veit
lögreglan að hverj um hún leitar.
Þessa aðferð er hægt að nota því
fingraför hvers og eins eru einstök.
Engin tvenn fingraför eru eins.
Engar tvær manneskjur hafa sama
munstur lína og boga á fingurgóm-
unum. Meira að segja eineggja
tvíburar hafa ólík fingraför.
Um það bil fimm eða sex mánuð-
um áður en þú fæðist er fingrafara-
munstrið komið á sinn stað. Það
helst síðan eins og breytist ekkert
meðan þú lifir. Jafnvel þó að þú
brennir þig á fingrunum vex nýtt
skinn á fingurgómana og fingraför-
in eru þau sömu og fyrir slysið.
Þegar þú ert lítið fóstur í móður-
kviði og ert að vaxa og þroskast fer
sá vöxtur og þroski eftir sérstakri
„forskrift“ sem er í frumum þínum.
Þessa forskrift hefur þú fengið frá
foreldrum þínum eða réttara sagt
frá þeim hluta frumna þeirra sem
nefnast gen og litningar. Genin og
litningarnir ákveða til dæmis
hvernig hárið á þér verður á litinn,
hvernig eyrun á þér verða í laginu
og hvort þú verður strákur eða
stelpa. Þau ákveða líka munstrið í
fingraförum þínum.
Þegar þú ert í maganum á
mömmu þinni hefur umhverfið líka
áhrif á það hvernig þú þroskast.
Kannski varð breyting á blóð-
streyminu til þín eða þú ýttir þér
utan í vegginn á litla húsinu þínu
í þann mund sem fingraförin voru
að myndast. Þessar breytingar
gætu hafa orðið til þess að línurnar
í fingraförunum bognuðu lítið eitt
meira til vinstri. Allar þessar smá-
breytingar nægja til þess að gera
fingraför þín sérstök og auðþekkj-
anleg.
Veistu af hverju við skiljum alltaf
eftir fingraför á þeim hlutum sem
við snertum, jafnvel þó að hendurn-
ar séu alveg hreinar? Það er vegna
þess að í fingurgómunum eru
örsmáir svitakirtlar sem framleiða
stöðugt svita eða raka. Rakinn
nægir til þess að skilja eftir fingra-
för á öllu sem við tökum á. Pabbi
þinn og mamma eru kannski oft
ekkert hrifin af að sjá fingraför á
nýþveginni ísskápshurðinni, ég
tala nú ekki um ef það eru klístruð
sultufingraför eða blekfingraför, en
það getur stundum verið okkur í
hag að fingraförin okkar eru ein-
stök og auðþekkt frá fingraförum
annarra. Detta þér í hug einhver
tilvik þegar það getur komið sér
vel, já, eða illa fyrir þig að hægt hm
er að þekkj a þig á fingraförunum? ■
Vikan 9. tbl. 39