Vikan - 29.05.1986, Qupperneq 11

Vissir þú að hingað til lands koma frá 3 og upp
í 18 þúsund útlendingar á mánuði hverjum? Þetta
fólk kemur ýmissa erinda, hingað koma ráðstefnu-
gestir, ferðamenn, sölumenn.
Síðastliðin tvö ár hefur Ríkisútvarpið haldið
uppi fréttaþjónustu á ensku. Umsjón fréttanna
og upplestur annast Keneva Kunz. Hún er kanad-
ísk að uppruna, borin og barnfædd í Winnipeg.
Hér hefur hún búið síðustu átta ár.
Keneva sagði að fréttir á ensku væru fluttar á
morgni hverjum, klukkan hálfníu. Þetta er fimm
mínútna pistill, nýjustu tíðindi og veðurfregnir.
Að sjálfsögðu er vægi fréttanna annað en í ís-
lenskum fréttapistlum. Höfuðáhersla er lögð á
. erlendar fréttir og innlend boð sem varða ferða-
menn beint. Það eru einkum fréttir af ófærð, töfum
á flugi og þess háttar.
Keneva segist vinna erlendu fréttirnar að mestu
upp úr fréttaskeytum, erfiðara sé að nálgast inn-
lenda viðburði. Oft verði misbrestur á að henni
berist ýmsar mikilvægar fréttatilkynningar. Hún
reynir þó að vera í stöðugu sambandi við ferða-
málaráð, vegaeftirlit og fleiri.
í vetur segist Keneva hafa lagt mesta áherslu á
erlendar fréttir en einnig skýrði hún frá við-
burðum á sviði innlends menningarlífs. Á sumrin
vega upplýsingar um veður og færð þyngst, svo
og ýmiss konar varúðartilkynningar sem nauð-
synlegt er að berist til ferðamanna. Keneva hefur
hugmyndir um breytingar á fréttunum. Gjarnan
vildi hún fá þær lengdar. Væri þá hægt að gera
ýmsum upplýsingum betri skil, til dæmis mætti
ræða við ýmsa kunnáttumenn í ferða- og menning-
armálum, listamenn og fleiri. Einnig minntist
Keneva á ferðamannaráðgjöf. Því miður er það
staðreynd að þeir eru ýmsir sem hingað koma án
þess að þekkja nokkuð til íslenskra aðstæðna.
Þá eru margir sem telja fréttirnar fluttar á nokk-
uð óhentugum tíma, telja að æskilegra væri að
flytja þær seinna að deginum, til dæmis í lok ís-
lenska fréttatímans. Þá er í bígerð að koma upp
símsvara sem mun koma til að starfa allan sólar-
hringinn. Að síðustu reifaði Keneva þá hugmynd
að einhvers konar „fréttamagasíni“ yrði útvarpað
einu sinni í viku, til dæmis á laugardagsmorgnum.
I slíkum þætti mætti fjalla í stuttu máli um at-
burði liðinnar viku, spjallað yrði við erlenda
ferðamenn og gefnar mikilvægar upplýsingar.
22. TBL VIKAN 11