Vikan - 01.01.1987, Blaðsíða 39

að, eins og hún nefnist í
íslenskri þýðingu, og Ken
Follett varð milljónamæring-
ur aðeins tuttugu og níu ára
gamall. Bókin seldist í yfir
tuttugu milljón eintökum.
Sagan var kvikmynduð með
Donald Sutherland í aðal-
hlutverki og hlaut hin viður-
kenndu Edgar (Wallace)
verðlaun. Kvikmyndin var
sýnd hér nýlega á Stöð tvö. Á
eftir fylgdi hver metsölubókin
á fætur annarri. Lykillinn að
Rebekku, Þrenningin og
Maðurinn frá St. Pétursborg
eru meðal þeirra þekktustu
og hafa komið út í íslenskri
þýðingu.
Hann tekur skriftirnar sem
hverja aðra níu til fimm
vinnu, segist eiga sína góðu
og slæmu daga og vera misvel
upplagður eins og allir aðrir.
Þetta komi ekki eins og ein-
hver hugljómun að ofan. Ken
Follett er giftur í annað sinn.
Kona hans, Barbara, er sex
árum eldri og er frá Suður-
Afríku. Lífhennarþar var
vægast sagt ævintýralegt,
einna helst í Iíkingu við
spennusögu Kens Follett.
Hún vann mikið að málefn-
um svartra kvenna, var gift
og átti tvö börn. Kvöld nokk-
urt, þegar maður hennar var
inni í barnaherberginu með
börnunum, var hann skotinn
til bana í augsýn þeirra. Þessi
atburður varð til þess að Bar-
bara taldi sér ekki lengur
vært í Suður-Afríku og flutti
til Bretlands með börnin.
Hún er mjög athafnasöm
kona og hellti sér út í pólitík
og gerir sér vonir um að kom-
ast á þing eftir næstu kosning-
ar fyrir Verkamannaflokkinn.
Það var reyndar pólitíkin sem
kom þeim hjónum saman.
Þau hittust á fundi þar sem
Barbara talaði. Á fremsta
bekk sat maður sem mót-
mælti öllu sem hún sagði. Það
var upphafið. í dag búa þau
hjónin í stóru gömlu húsi með
útsýni yfir Thames og eru
með annað hús í byggingu í
Suður-Frakklandi. Saman-
lagt eiga þau fimm börn á
aldrinum ellefu til tuttugu og
eins. Þau hafa komið sér upp
vinnuaðstöðu hvort í sínum
endanum á herbergi sem er á
stærð við meðaldanssal. Þar
hefur Follett nóg pláss til að
ganga um gólf sem er vani
hans þegar hugmyndirnar
láta á sér standa. Barbara
nemur hagfræði og í samein-
ingu halda þau námskeið þar
sem þau kenna stjórnmála-
mönnum að koma fram í
sjónvarpi, hvernig þeir eigi að
tala í ræðustól, klæða sig og
koma fram almennt. Það er
sem sagt ekki mikið um fri-
stundir hjá þeim hjónum.
Sjálf segja þau það skipta
mestu máli að geta alltaf ve-
rið saman.
Hamingjan í einkalífmu
hefur gert það að verkum að
nú vill Ken Follett skrifa
meira um ástina en áður.
Hann segist hafa uppgötvað
að það sé skemmtilegra að
skrifa þegar aðalsöguhetjan
er kona sem lendir í alls kyns
hættum heldur en þegar hún
er karlmaður.
Nýjasta bók Kens Follett
heitir Lífsháski í Ljónadal og
gerist að mestu leyti í Afgan-
istan. Sjálfur hefur hann
aldrei komið til Afganistan
en segist vera heillaður af
landinu úr íjarlægð og hafa
lesið allt sem hann hefur get-
að fundið um landið. Bar-
bara, kona hans, er óbeint
fyrirmyndin að aðalkven-
söguhetjunni.
Áður en Ken Follett fer af
stað með bók leggur hann
inikla vinnu í undirbúning.
Öll smáatriði í bókum hans
eru prófuð og sannreynd áður
en hann ákveður að nota þau.
Oftast tekur hann ekki minna
en sex mánuði í þessa undir-
búningsvinnu. Þegar hann
sest niður við skriftirnar er
hann þegar búinn að leggja
skýr drög að öllum persónum
ogatburðarásinni. Hann
gengur ekki með neinar fals-
hugmyndir um það hvernig
sé að vera njósnari i dag. „Líf
njósnara í dag er ósköp
óspennandi,“ segir hann,
„þeir gætu allt eins verið af-
greiðslumenn í banka.“
Til lesenda
Vikan vill gjarnan brydda sem oftast upp á nýjungum.
Um áramót þykir heppilegt að staldra við og líta yfir
farinn veg um leið og skyggnst er fram á við. Á rit-
stjórn Vikunnar var litið yfir efni síðasta árs og þar
söknuðum við efnis frá lesendum, það er að segja fasts
þáttar sem lesendum stæði opinn með lífsreynslusögur,
afrek hvers konar eða hugleiðingar. Því viljum við gera
bragarbót á nú á þessum tímamótum. Við viljum gera
tilraun með fastan þátt með efni frá lesendum sem
spannað gæti yfir eina til tvær síður í blaðinu, til að
byrja með. Við höfum helst í huga að lesendur setjist
•niður og skrifi frásögn af einhverjum viðburði eða hug-
leiðingar sem sækja á. Við munum greiða þrjú þúsund
og fimm hundruð krónur fyrir efni sem birtist í Vikunni.
Við hvetjum lesendur Vikunnar til að setjast niður og
skrifa okkur. Heimilisfangið er:
Vikan
Ritstjórn
Þverholti 11
105 Reykjavík
&STILLING
S13 ÍOO HÁTÚNI 2a
1. TBL VIKAN 39