Vikan - 01.01.1987, Blaðsíða 51
V K / M P Ó S T U R
PABBIOG
MAMMA
FARAÍ
TAUGARNAR
ÁMÉR
Kæri Póstur.
Ég les alltaf Póstinn í Vikunni og líkar
vel. En mitt vandamál er að pabbi og mamma
fara alveg ferlega í taugarnar á mér. Ég er á
fyrsta ári í fjölbrautaskóla og mig langar
mikið til að fara í eitthvert framhaldsnám.
Þess vegna vil ég ekki velja hvaða braut sem
er. En hún mamma, sko, ég þoli það ekki.
Hún er alltaf að draga úr mér og segja að
lífið sé ekki bara lærdómur heldur eigi mað-
ur að njóta þess að vera ungur og lifa lífinu.
Hún er svo ferlega gamaldags. Hún segir
að ég eigi eftir að giftast og því komi ég
ekki til með að hafa not fyrir það nám sem
ég er í, kvenna bíði ekkert annað en barna-
uppeldi og heimilisstörf. Ég verð alveg
snælduóð þegar hún segir þetta því þó ég
sé stelpa sé ég ekki að það eigi að bitna á
mér og ég þurfi að verða heimavinnandi
húsmóðir, það er einhvern veginn það hall-
ærislegasta sem ég veit.
Ef það kemur fyrir að einhver strákur býð-
ur mér í bíó þá fer mamma alltaf að hlæja
og spyr hvort þetta sé tilvonandi tengdason-
ur. Þá verð ég enn skapverri og það liggur
við að ég sitji heima til að sýna henni að ég
sé ekki upp á karlkynið komin. Kannski æsi
ég mig óþarflega yfir þessu, ég vil fá álit þitt
á því. Á bara fyrir mér að liggja að verða
húsmóðir og ekkert annað? Er ekki sjálfsagt
að maður hafi einhvern metnað þó maður
sé stelpa? Með von um svar.
Dísa.
Ef til vi'II finnst henni móður þinni afskap-
lega gaman að striða þér. Þú lætur hana
kannski æsa þig einum of mikið upp. hver
veit. Alltént tekur þú þetta óstinnt upp. En
án gamans hefur hún ef til vill mjög gaman
af sjálfstæði þinu. En inn i það getur bland-
ast hræðsla við að nýjum straumum i
má/efnum kvenna geti fylgt einhverjir van-
kantar engu siður en öðrum nýjungum.
Hennar líf hefur án efa grundvallast á öðrum
þáttum en nú þykja raunhæfir. í huga Pósts-
ins er enginn munur á andlegri getu stráka
og stelpna. Því telur hann að kvenfólk hafi
til að bera hæfileika og metnað til jafns við
hitt kynið. En þú skalt reyna að setja þig í
spor móðurþinnar og jafnframt gefa þér tima
til að útskýra fyrir henni þin sjónarm/ð I bróð-
erni. Það gæti komið þér þægilega á óvart
að innst inni væri hún þér sammála i stórum
dráttum. Um fram allt skaltu temja þér að
hafa stjórn á skapiþínu. það vinnst nefnilega
lítið með offorsi og látum.
KENNARAAST
Blessaður, póstmeistari.
Við erum þrjár stelpur sem eigum heima
austur á fjörðum og við erum æðislega hrifn-
ar af kennaranum okkar. Hann er fimm árum
eldri en við og æðislega sætur. Hann hefur
þrisvar boðið okkur í partí og við höfum
farið en engri okkar hefur tekist að klófesta
hann. Getur verið að hann viti ekki hverja
okkar hann eigi að velja. Okkur dreymir hann
á hverri nóttu og við tölum um hann allan
daginn. Okkur finnst við líta alveg þokkalega
út svo ekki ætti það að draga úr áhuga hans
á okkur. Hvað eigum við að gera til að ná
í hann? Um daginn fréttum við að hann
hefði verið með einni skólasystur okkar sem
er ári yngri en við svo ekki ætti aldurinn á
okkur að skipta neinu máli.
Með kveðjum.
Austfjarðadísir.
Eina ráðið ykkur til handa. sem Pósturinn
kann, er að þið látið ykkur nægja að dreyma
um manninn á nóttunni og ef þið eigið erf-
itt með svefn ættuð þið að nota tímann til
heimalærdóms. þá er a/drei að vita nema
Óli lokbrá læðist inn.
Hvort sem kennarinn ykkar hefur sýnt
einni ykkar eða öllum kynferðislegan áhuga
ættuð þið að reyna að forðast allt slíkt. Slíkt
getur haft i för með sér leiðinlegar afleiðing-
ar fyrir alla aði/a. Þið ættuð að velta því fyrir
ykkur hvort maðurinn sé ekki alltof gamall
fyrir ykkur. Póstinum finnst allt benda til
þess að hið eina sem hann hafi áhuga á sé
að nota ykkur sem stundargaman og það
er tæpast það sem þið hafið áhuga á, eða
hvað? Annars er erfitt að dæma um sök
kennarans I þessu máli því þið virðist ekki
hafa neitt á móti þessum imyndaða eða ekki
imyndaða áhuga hans á ykkur. Hvort hann
hefur verið með skólasystur ykkar, sem gæti
allt eins verið kjaftasaga, kemur þessu máli
ekkert við. Reynið að vera eðlilegar i fram-
komu við kennarann. hvorki of aðtaðandi
né of fráhrindandi, til þess að eyðileggja
ekki eðlilegt samband kennara og nemenda.
Ef þið eruð jafnmiklar þokkadísir og þið
viljið vera láta ætti ykkur ekki að vera skota-
skuld úr þvi að ná ykkur í stráka á ykkar aldri
- og þá helst einn fyrir hverja svo að málin
verði ekki óþarflega flókin. Svo vonar Póst-
urinn einungis að þið séuð læknaðar af
þessari kennaraást þegar þið lesið þetta svar.
PENNAVINIR
Jeffrey A Scott
4 McMillan Court
Girvan KA 26 9HP
Ayrshire
Scotland
Jeffrey er 27 ára gamall. Áhugamál hans eru
margvísleg, þó aðallega tónlist, lestur,
tungumál og dýravermd. Jeffrey vill skrifast
á við karl eða konu á aldirnum 20-27 ára.
Hann skrifar á dönsku og norsku auk ensku.
Anette Carlsson
Prástgárdsvágan 1A
663 00 Skoghall
Sverige
Anette er 24 ára gömul. Hana langar að eign-
ast íslenskan pennavin á svipuðum aldri.
Hún skrifar á ensku og sænsku.
Kaki Mohamed
Hassi Bah Bah
(w) Djelfa
Algeria
Kaki er 21 árs kennari sem langar til að skrif-
ast á við Islendinga. Hann skrifar á ensku.
Jon Spencer
USCGC Courageous (WMEC-622)
Key West
FL 3040- 6695
USA
Jon er amerískur sjómaður frá Flórída, að
eigin sögn myndarlegur 31 árs karlmaður,
bláeygður. Hann langar til að skrifast á við
íslenska konu með vináttu eða hjónaband i
huga. Áhugamál hans eru siglingar, tennis,
skíði, kvikmyndir og tónlist.
George Fultz
Box 1 30-F
Newport
Kentucky 41071
USA
George er 31 árs, bandarískur ríkisborgari.
Hæðin er 1 80 cm og þyngdin 73 kíló. Hann
er bláeygður, með Ijóst hár. Áhugamálin eru
vinir, saga, bókmenntir. kvikmyndir, leikhús,
Ijósmyndun, langir göngutúrar og siglingar.
Hann vill skrifast á við konu um þrítugt sem
reykir ekki, með hjónaband í huga.
Beatrix Wylesich
Anton Fischer Ring 28
Postdam
1500
DDR
Beatrix er tæplega sautján ára. Áhugamál
hennar eru popptónlist. uppáhaldshljóm-
sveitirnar eru Wham og A-HA. Hún safnar
póstkortum og finnst gaman að fylgjast með
tennis. Beatrix skrifar bæði á ensku og
þýsku.
1. TBL VIKAN 51