Vikan - 15.01.1987, Page 47

Hún er hin ókrýnda drottning poppsins.
Plötur hennar hafa selst í tugum milljóna ein-
taka. Hún hneykslaði allan almenning með
útliti sínu og hegðun. Foreldrar voru miður
sín yfir að börn þeirra hlustuðu á berorða
texta eins og „like a virgin touched for the
very first time“. Kvennahreyfingin í Banda-
ríkjunum var æf og sagði hana hafa eyðilagt
á stuttum tima árangurinn af margra ára bar-
áttu. Madonna dró aldrei dul á að hún liti á
sjálfa sig sem kyntákn og undirstrikaði þá
staðreynd með klæðaburði sínum og sviðs-
framkomu. Þegar hún svo giftist leikaranum
skapmikla, Sean Penn, söðlaði hún um og
skipti gjörsamlega uin útlit. Hin nýja Ma-
donna er kvenleg og siðprúð enda stefnir hún
nú að því að ná sarna eða meiri árangri sem
kvikmyndaleikkona og sem söngkona.
Þau voru mörg, karlmannshjörtun sem
brustu daginn sem Madonna giftist Sean
Penn. Hann er hetjan mín og minn besti
vinur, sagði hún þá. Ég er hamingjusamari
en nokkru sinni fyrr. Þó hjónabandið hafi
ekki staðið lengi er þegar farið að hrikta all-
hraustlega í því. Þau hjónin sjást með nýjum
félögum og skilnaðarorðrómurinn flýgur (jöll-
unum hærra. Það er því alls óvíst hvernig þau
mál kunna að þróast eins og gengur hjá þeim
þarna í Hollywood.
Madonna Louise Veronica Ciccione, eins
og hún heitir, er tuttugu og sjö ára gömul.
Hún er ættuð frá Michigan og kernur úr
stórri fjölskyldu. Foreldrar hennar voru alla
tíð rnjög strangir við börn sín og Madonna
var þar engin undantekning. Strax sem barn
fór hún að hegða sér öðruvísi en önnur börn.
Hún var í stöðugri uppreisn við umhverfi sitt
og átti erfitt með að fella sig að viðteknu
hegðunarmynstri. Þetta gerði það að verkum
að hún var oft einmana og leið illa. Mesta
mótþróaskeiðið var, eins og oft vill verða,
unglingsárin. Eitt sumar fór hún að heiman
og fór til ömmu sinnar sem ekki var eins
ströng og foreldrar hennar. Þar söng hún í
rokkhljómsveit sem frændur hennar höfðu
stofnað. Þetta sumar fór hún að hegða sér
svipað og aðdáendur hennar muna hana í
Desperately Seeking Susan. í fyrsta sinn gat
hún gengið í níðþröngum gallabuxum og
reykt, málað sig og gert það sem hún vildi
sjálf. Þegar hún kom heim aftur var hún rek-
in úr gallabuxunum og skipað að þvo sér í
framan. Sjálfstraustið, sem hún hafði byggt
upp þetta sumar, var brotið niður á skömmum
tíma og það öðlaðist hún ekki aftur fyrr en
frægðin tók að blasa við henni.
Það var ekki fyrr en hún fór að leggja stund
á dans að hún fór að verða öruggari með
sjálfa sig. Hún byrjaði að semja og syngja
eigin lög. í fyrstu var Madonna óþekkt andlit
í Bandaríkjunum þó rödd hennar yrði vel
þekkt í útvarpi. En það stóð ekki lengi. Hún
ákvað að ná athygli fólks og það tókst henni
með óvenjulegum klæðaburði og villtri fram-
komu. Leiðin til frægðar er sjaldnast dans á
rósum og svo var einnig hjá Madonnu. A
þeim árum, sem hún var að brjótast áfram
til frægðar og frama, sat hún fyrir á nektar-
myndum hjá Playboy tímaritinu. Blaðamenn
voru fijótir að grafa upp þennan draug úr
fortíð hennar. En Madonna yptir bara öxlum
og segist ekki skammast sín fyrir neitt sem
hún hafi gert. Það sama gildir um reiði „hins
siðsama meirihluta" sem segir að ósiðlegir
textar og framkoma hennar hafi slæm áhrif á
ungdóminn, henni er alveg sama.
Þetta er sú hlið sem snýr að áhorfendum
og áheyrendum Madonnu. En að bak býr
allt önnur kona, sú dáir Picasso, les Shake-
speare, Henry James, James Joyce og
Hemingway. Söngkonur eins og Sarah Vaug-
han, Ella Fitzgerald, Debby Harry og Crissie
Hynde hafa haft mikil áhrif á hana, sömuleið-
is leikkonurnar Judy Holliday og Carole
Lombard.
í dag stefnir Madonna á frama í kvikmynd-
um og segist vona að þegar fram líði stundir
muni fólk hana sem leikkonuna Madonnu.
3. TBL VIKAN 47