Vikan - 19.11.1987, Blaðsíða 62

Clint er
góður
töffari.
Heartbreak Ridge
'k'k'k
Aðalhl. Clint
Eastwood,
Glenda Jackson.
Leikstj.
Clint sjálfur.
Oftar en ekki hefur Clint gamli leikið hina
harðsviruðustu töffara í eftir því harðsoðnum
myndum en sennilega aldrei sem nú. Persóna
hans er samansett úr þvílíkum ofskammti af
sóðakjafti, karlrembu, ruddamennsku, þrjósku
og öðru þvílíku sem sannan karlmann má
prýða að við hljótum að gera hann umsvifa-
laust að uppáhaldshetjunni okkar.
Clint leikur blúsaðan liðþjálfa sem fær það
verkefni að koma skikkan á vægast sagt
óhrjálega hersveit og kenna henni eins og eitt
eða tvö brögð sem hann hefur lært á sínum
langa og þyrnum stráða hermannsferli.
Glenda leikur fyrrverandi konu hans og vill
ekkert með hann hafa, sem hann botnar nátt-
úrlega ekkert í, þrátt fyrir að hafa notað hana
sem gólfmottu þann tíma sem þau voru
saman. í nafni frelsis og lýðræðis er sveit
Clints send til Grenada í eina broslegustu
hernaðarför síðari tíma og þar gengur allt eftir
á svo ótrúlegan gamaldags og hallærislegan
máta að unun er á að horfa. Óskammfeilni
Clints er með ólíkindum, hann kann ekki að
skammast sín og hvetur landa slna til að gera
slíkt hið sama. Afgangurinn af heiminum veit
svo varla hvort hann á að hlæja eða gráta...
Stanley Kubrick
á heiðurinn af
myndunum
sem hér er
fjallað um.
Grant hylltur
Talk of the Town
kkk
Aðalhl. Cary
Grant, Jean
Arthur, Ronald
Colman. Leikstj.
George Stevens.
Við kvikmyndafagurkerar sjáum gjarnan
fjórða og fimmta áratuginn í Ijúfsárum hilling-
um og teljum fólki trú um að þá hafi vestur-
heimsk kvikmyndagerð risið hvað hæst. Það
má líklega til sanns vegar færa og víst er að
þessi ár eru viðmiðunin þegar fólk segir
„Svona myndir eru ekki gerðar lengur."
Holdgervingur þessa tímabils er Cary
Grant, umfram aðra. Hann er nú nýlátinn og
það er því vel til fundið hjá Skífunni að setja á
markað nokkrar mynda hans undir samheitinu
„Tribute to Cary Grant". í þeim flokki er m.a.
að finna Talk of the Town frá 1942, fjögurra
stjörnu gamanmynd, skrifaða og unna af
kúnst þeirra sem kunna að skemmta öðrum
með því að skemmta sjálfum sér. Grant leikur
saklausan mann á flótta undan réttvísinni og
leitar skjóls í húsi gamallar vinkonu sem er
u.þ.b. að leigja það til virts lögfræðings. Upp-
hefst þá hinn spaugilegasti feluleikur þar sem
Grant reynir ákaft að fá lögfræðinginn sér til að-
stoðar og benda honum á að lögin séu meira
en dauður bókstafur. Notalegur húmor og
þægilega gamaldags.
Ég bíð spenntur eftir fleiri myndum í þess-
um flokki og vona að á boðstólum verði innan
tíðar myndir eins og Money Busines, Bring-
ing up Baby, His Girl Friday og umfram allt
The Philadelphia Story.
Á valdi
Kubricks
A Clockwork
Orange
kkkk
Aðalhl. Malcolm
McDonald. Leikstj.
Stanley Kubrick.
Hnignandi siðferðisvitund hefur Kubrick kall-
inn haft á heilanum I byrjun áttunda áratugar-
ins og er sem fyrri daginn ekkert að tvínóna
við frásögn sína. Enginn kemst hjá því að
hrærast með eða á móti þessari mynd. Hún
þrengir sér uppá þig og kallar fram flestar til-
finningar. Sögusviðið er framtíðarþjóðfélag
hvar ofbeldi og miskunnarleysi mótiverar
þegnana til athafna. McDonald leikur sérlega
slæman strák, holdgerving kynslóðarinnar
sem brátt á að taka völdin og er óborganlegur
- og óforbetranlegur...
Líkt og í Dr. Strangelove notar Kubrick
gegndarlausa gamansemi á biksvörtum nót-
um til að koma sögu sinni á framfæri og hefur
áhorfendur algerlega á valdi sínu méð því að
byrja á að kynna fyrir þeim sérlega illa inn-
rætta aðalpersónu sem enga samúð á skilið
en breytir svo tilfinningunum í meðaumkun og
loks í fullan stuðning þegar séð er fram á að
slæmi strákurinn hefur snúið á kerfið og lofað
bót og betrun...
Tíma-
brandarar
meö tóma-
hljóði
Peggy Sue Got
Married
kk
Aðalhl. Kathleen
Turner, Nicholas
Cage. Leikstj.
Francis Ford
Coppola.
Líklega verða kröfurnar á hendur Coppola
alltaf frekar óraunhæfar eftir frábær byrjenda-
verk eins og Rain People og The Conversat-
ion og síðar myndirnar um Guðföðurinn. En
við megum ekki dæma hann of hart og hafa
jafnframt í huga að hann skuldar okkur ekki
neitt.
Enginn skyldi halda að þetta sé einhvers-
konar afsökunarformáli fyrir Peggy Sue Got
Married. Þetta er ágætis skemmtimynd og
boðskapurinn jafn eilífur og hann er þarfur:
Njótið augnabliksins, því það kemur aldrei
aftur. Kathleen Turner leikur konu af rokk-
kynslóðinni sem fær óvænt tækifæri til að
endurupplifa unglingsárin, með þroska og
reynslu helmingi eldri konu. Eftirsjáin svífur
yfir vötnum, stundum sætbeisk og stundum
bara beisk. Tímabrandarar fljúga en missa
marks að nokkru leyti vegna þess að þú ert
nýbúinn að sjá Back to the Future. Þó eru
undantekningar.
En allt um það, eitthvað tómahljóð er í
Peggy Sue og þá er ég ekki að tala um skort
á snilligáfu sem Coppola skildi eftir heima í
þetta skiptið.
Snilldarverk
Dr. Strangelove
kkk
Aðalhl. Peter
Sellers, George
C. Scott.
Leikstj. Stanley
Kubrick.
Þetta snilldarverk svartra gamansemi, sem
frumsýnt var 1964, hefur elst afskaplega vel
og skfrskotar enn þann dag í dag til atburða
líðandi stundar. [ þessari sögu rambar heim-
urinn á barmi kjarnorkustyrjaldar og í raun
keppast bæði mennskir menn og ómennskir
um að hrinda honum fram af. Tæplega heppi-
leg umgjörð utan um gamanmynd en Kubrick
lýsti því yfir á sýnum tíma að ætlun hans hefði
verið að gera alvarlega mynd. Hann sá þó
fljótt að slfkt hefði aldrei gengið upp því þá
hefði enginn tekið myndina alvarlega!
Leikurinn er frábær og þar er Peter Sellers
sérkapítuli. í þremur mismunandi hlutverkum
reynir hann að bjarga heiminum, steypa hon-
um f glötun eða bara láta sér standa alveg á
sama. Scott og Hayden fara sömuleiðis á
kostum. Húmorinn er sem fyrr segir alveg kol-
svartur og inniheldur þvílfk gullkorn og snið-
ugar uppákomur að þú hefur einfaldlega ekki
efni á að láta þessa mynd framhjá þér fara.
MYNDBÖND
Asgrímur Sverrisson
60 VIKAN