Vikan - 14.11.1991, Side 18

enn til sem aka utan vega og
eyðileggja landið. En gæslan
hérna er mjög góð og við
náum sem betur fer oft mynd-
um af þeim sem eru hér á ferð,
höfum stundum velt því fyrir
okkur hvort við ættum ekki að
birta myndir af þeim,“ segir
Sigurður.
- Þið farið frá einu menn-
ingarsetri til annars, eins og
forverar ykkar hér á staðnum,
séra Heimir og Dóra kona
hans. Eru þetta einhverörlög?
„Ég held að Skálholt sé
frábær staður til fjölbreytilegr-
ar þjálfunar," segir Sigurður. „í
Skálholt koma tugir þúsunda
ferðamanna og gesta og í
Skálholtsskóla koma um fjög-
ur þúsund manns á námskeið
og ráðstefnur á ári. Þar hafa
stjórnendur skólans þurft að
A „Mig
dreymdi
um að fá
hana, því
þetta er
sannkölluð
drauma-
staða fyrir
mig vegna
áhuga míns
á sögu, ís-
lenskri
menningu
og náttúr-
unni, en ég
var búin að
búa mig
undir að fá
hana ekki.“
taka á móti erlendum og inn-
lendum hópum, sinnt starfs-
mannastjórn, rekstri, áætlana-
gerð, fyrirlestrahaldi og fleiru.
Slík starfsreynsla er hagnýtur
undirbúningur fyrir starf á
Þingvöllum. Heimir og Dóra
nutu slíks undirbúnings og
blómstruðu hér. Það hefur
eflaust skipt máli þegar Þing-
vallanefnd varö sammála um
að ráða yngsta umsækjand-
ann, konu, til starfsins."
- Kom þessi stöðuveiting
þér á óvart, Hanna María?
„Mig dreymdi um að fá hana
því þetta er sannkölluð
draumastaða fyrir mig vegna
áhuga míns á sögu, íslenskri
menningu og náttúrunni, en ég
var búin að búa mig undir að
fá hana ekki.“
Þau Hanna María og Sig-
urður Árni kynntust í guðfræði-
deildinni. „Að námi loknu fór
Sigurður í framhaldsnám til
Bandaríkjanna en ég gerðist
prestur í Ásaprestakalli í
Skaftafellssýslu og var þar í
fjögur ár. Við giftum okkur
reyndar í Meðallandi, í Lang-
holtskirkju. Ég gleymi ekki
svipnum á sóknarbörnunum
þegar presturinn lét gifta sig
milli pistils og guðspjalls! Dr.
Einar Sigurbjörnsson messaði
en tilgangurinn með veru hans
þarna var þó að gifta prestinn!
Eftir það lá leið okkar svo í
Þingeyjarsýsluna og vorum við
með sitt hvort brauðið þar. Það
forðaði okkur frá því að verða
aðstoðarprestar hvors annars
sem ég held að hefði gengið
illa. Það var mikil samvinna hjá
okkur í sambandi við guðs-
þjónustur og barnastarf.
Prestaköllin liggja saman og
það var mikil samvinna milli
þeirra á mörgum sviðum. Við
hjónin urðum samferða í vinn-
una, fórum á tveimur bílum og
svo skildu leiðir við vegamótin,
við veifuðum hvort ööru og fór-
um í sitt hvora áttina. Það var
voða sætt!
Ég var í Hálsprestakalli í tvö
ár en Sigurður Árni var í tæpt
ár í Staðarfellsprestakalli eða
þar til hann fékk stöðu rektors
í Skálholti. Þar höfum við svo
verið undanfarin fimm ár. Ég
hlakka til að takast á við þetta
starf hérna, ég hef ekki þjónað
sem sóknarprestur í fimm ár
en hef starfað við Skálholts-
skóla og lesið þjóðfræði í tvö
ár. í Þingvallasókn er einn af
minnstu söfnuðum landsins,
hér eru aðeins um fimmtíu
manns. Hér er öll hefðbundin
prestsþjónusta en allt minna f
sniðum en annars staðar. Það
er þó töluvert um að hingað
komi fólk utan sóknar til að
láta gifta sig og skíra börn sín.
Ég skil það vel því staðurinn er
einstakur og kirkjan mjög
falleg.“
- Hvað varð til þess að þú
ákvaðst að verða prestur?
Fékkstu köllun?
„Nei, ég myndi segja að
þetta hefði verið mjög góð
handleiðsla. Þegar ég hóf nám
í guðfræðideildinni voru að-
eins fimm konur þar meðal
stúdentanna. Ég ákvað að
fara í guðfræðideildina þar
sem ég hafði mikinn áhuga á
bókmenntum, fornbókmennt-
um og hafði áhuga á að kynn-
ast kristnum átrúnaði sem
vestræn menning byggir á,
auk þess sem mig langaði að
kynnast öðrum trúarbrögðum.
Þetta er víðfeðm húmanistísk
menntun og ég tók ekki
ákvörðun um að taka vígslu
fyrr en sumarið eftir að ég út-
skrifaðist. Guðfræðinámið er
skemmtilegt nám, fjölbreytt og
verður skemmtilegra með
hverju árinu. Það gerir miklar
persónulegar kröfur til fólks og
er allt annars eðlis og gengur
meira á einstaklinginn en nám
í raunvísindum, þar sem per-
sónuleg túlkun skiptir miklu
máli. Fjöldi kvenna hefur farið
ört vaxandi innan prestastétt-
arinnar síðan við séra Agnes
tókum vígslu. Fram að þeim
tíma höfðu aðeins tvær konur
tekið vígslu, séra Auður Eir og
dóttir hennar, séra Dalla. Kon-
ur í prestastétt dreifast nú um
land allt og margar eru í sér-
þjónustu, þannig er ein prestur
heyrnleysingja og önnur í öldr-
unarþjónustu."
1 8 VIKAN 23. TBL. 1991