Vikan - 14.11.1991, Page 35

VIÐSKIPTAKORT LESENDA VIKUNNAR:
HUGARÓRAR HALLGERÐAR
ÞETTA ER EKKERT
EÐLILEG GRÆÐGI!
Lóa í næsta húsi kom
grenjandi til okkar í vik-
unni vegna þess aö
þessi fúla þera hefur verið aö
grenna sig í ár og er farin aö
kvaka eins og gæs meirihluta
sólarhringsins. Það lá við að
hún biti mig, svo reið var hún,
pælið í því. Málið er að síðan
Siggi maðurinn hennar komst
I feitt í fyrra og næstum flutti
að heiman með einni 17 ára er
þetta olíufat gjörsamlega af-
tengt og yfirruglað. Mamma
segir að Siggi sé stanslaust að
fara á bak við hana og skipti
um píur eins og aðrir um
þverslaufur. Þær eru búnar að
vera að þróa saman megrun-
arkúr í ár. Hann byggist upþ á
lauk sem aðalfæðu.
Ég aftur á móti reddaði
þessu snarlega fyrir þær fyrir
stuttu enda má segja að frið-
helgi heimilisins hafi verið ögr-
að gróflega, ef ekki bara allri
götunni líka, með laukátinu,
svo geðveikislega lyktuðu
þessar andfúlu rygsugur alla
daga. Fjölskyldan var að liðast
í sundur. Allir með lopaþeysu
fyrir vitunum þegar liðið var
vakandi, svo rosalegur var
fnykurinn. Ég varð því náttúr-
lega að benda þeim á að betra
væri að borða brauð í öll mál
og haframjöl á milli, ef innyflin
færu í kerfi. Ég er svo sem
ekkert hissa á því þó mann-
eskjan grennist ekki en sé far-
in að kvaka. Það heyrist svo
greinilega fjaðraþytur í kring-
um hana þegar hún vaggar
um enda er hún rólega að
breytast í gæs, það er á
hreinu.
Málið er að hún hefur greini-
lega misskilið kúrinn, þaö var
aldrei talað um að þær yrðu
einu manneskjurnar sem
versluðu í bakaríinu. Þetta er
ekkert eðlileg græðgi. Ég
meina, tólf brauð sagðist
Sigga hafa gleyþt einn daginn
og mamma sjö. Ég var að tala
um eins og fjórar brauðsneiðar
og nokkur korn af haframjöli,
eiginlega í mesta lagi
pakkann.
Pabbi er yfir sig þreyttur á
þessu kjaftæði um megrunar-
kúra enda ekkert skrítið því
þessi þykki en sæti títuprjónn,
sem stundum er eins og
blöðruselur, er sjálfur og alltaf
í grennslu. Tappinn fór um
daginn f gamalt lífstykki af
ömmu sem allir héldu að væri
týnt. Hann fann það og faldi
flóttalegur undir koddanum í
marga daga, á milli þess sem
hann tróð sér í það. Ég sá svo
greinilega til hans þegar hann
þurfti síðast að troða sér í
smókingfötin til að komast á
karlrembufund.
Maður fær velgju af þessu
liði. Það vanmetur gjörsam-
lega hæfileika manns. Ég veit
ekki betur en Jóa vinkona hafi
næstum liðast í sundur þegar
hún prófaði sama megrunar-
kúr og gat snarlega reddað
fimm vikna fríi í skólanum,
sem hún þurfti nauðsynlega
að fá enda manneskjan yfir sig
þreytt. Mamma hennar varð
svo ógeðslega hrædd þegar
hún bara eins og þynntist
snögglega öll og leit allt í einu
út eins og gróft karlmannshár
sem hafði vaxið óeðlilega og
teygst heldur betur á í falli frá
höfði að tá. Jóa fékk fríið með
það sama. Við megum bara
þakka fyrir ef hún kemst í skól-
ann næsta vetur vegna þess
að það gengur meiri háttar
hægt að fita bjölluna. Vonandi
verð ég upþgötvuð fljótlega.
Bjóðum förðunarnámskeið fyrir einstaklinga
og hópa. Ath.: Hagstætt verð.
SNYRTIFRÆÐINGUR KOLBRÚN KRISTJÁNSDÓTTIR
Hársnyrtistofa
Ármúla 17a S. 32790
Ragnheiður Guðjohnsen
hárgreiðslumeistari
Veitum 20% afslátt við
afhendingu þessa korts.
Gildir til mánaðamóta
nóv./des.
RAKARA- OG HÁRGREIÐSLUSTOFAN
GREIFIM
HRINGBRAUT 119 S 22077
HÁRSNYRTISTOFAN
GRANDAVEGI47 0 626162
Hársnyrting fyrir dömur og herra
OPIÐ A LAUGARDÓOUM
SÉRSTAKT VCRÐ PYRIR ELLILlPEYRISÞEQA
Hrafnhildur Konrádsdóttir hárgreiðslumeistari
Helena Hólm hárgreiðslumeistari
Ásgerður Felixdóttir hárgreiðslunemi
RAKARA- & HÁRqRmSlótmfA
HVERFISGÖTU 62-101 REYKJAVlK
23. TBL. 1991 VIKAN 35