Vikan - 14.11.1991, Side 80

an sig upp, flutti yfir götuna og
inn í nýja húsiö. Þar með varö
Sacherhótelið til - framtíðar-
heimili Sachertertunnar.
Enn liðu fjögur ár en þá
kvæntist Eduard Önnu Fuchs.
Sjálfur veiktist hann af ólækn-
andi sjúkdómi sem leiddi hann
fljótlega til dauða. Það kom því
í hlut Önnu að treysta framtíð
Sacherhótelsins. Hótelið varð
vinsælt meðal heldra fólks og
aðalsins í Vín og margur
þekktur maðurinn átti eftir að
njóta veitinga í Chambres
Separées - sérherbergjunum.
í byrjun var veitingastaðurinn
þar sem nú er aðalinngangur
hótelsins en sérherbergin tólf,
sem voru svo vinsæl, voru þar
sem veitingastaðurinn er nú.
RÆKTAÐI HUNDA
Anna Sacher hafði mörg
áhugamál. Hún ræktaði meðal
annars hunda - litla bolabíta,
safnaði styttum, árituðum
myndum, matseðlum og
mörgu öðru sem minnti á þá
frægu gesti sem sóttu hótelið
og veitingastaðinn. Hún aflaði
sér líka vinsælda meðal gest-
anna þótt hún gætti þess vel
að þeir yrðu ekki of vinsamleg-
ir og sýndu henni ævinlega til-
hlýðilega virðingu. Þannig
varð jafnvel erkihertogi að
kyssa lotningarfullur á hönd
hennar þegar hann heilsaði
henni. Hún vissi líka hvað hún
söng þegar hún leyfði hinum
svokölluðu Sacherdrengjum -
16-17 ára gömlum piltum af
aðalsættum, sem sóttu veit-
ingastaðinn - að vera „í reikn-
ingi“. Þeir höfðu ekki alltaf ráð
á að fá sér hressingu og
greiða fyrir hana en Anna vissi
sem var, að sú stund myndi
renna upp að þeir hefðu
gnægð fjár undir höndum og
þá yrði gott að hafa þá meðal
gesta Sacherhótelsins.
SKRIFUÐU NÖFN SÍN Á
BORÐDÚKINN
Margt átíi eftir að breytast í
kjölfar fyrri heimsstyrjaldarinn-
ar, þegar keisarinn var rekinn
frá völdum, aðdáun fólks á
aðlinum minnkaði og fjármunir
aðalsmanna sömuleiöis. Anna
Sacher var orðin öldruð. Hún
fylgdist ekki lengur með eins
og áður og vegur hótelsins
minnkaði þótt það ætti aftur
eftir að rísa upp á stjörnuhimin
hótelanna. Anna dó í febrúar
árið 1930.
í Sachersafninu er enn
margt til sem minnir á daga
Önnu og þar er ýmislegt af því
sem hún safnaði til sýnis fyrir
gesti. Eitt af því er damask-
Matseöill
Sacher-
hótelsins.
borðdúkur með fjöldamörgum
nöfnum. Forsagan er sú að
dag einn, þegar erkihertoginn
sat að snæðingi í einu af
Chambres Separées, skipaði
Anna yfirþjóninum Wagner að
sækja vandaðan damaskdúk,
leggja hann fyrir framan erki-
hertogann og biðja hann að
rita á hann nafn sitt. Erkiher-
toginn Franz-Ferdinand fitjaði
upp á nefið og neitaði. Anna
lét það ekki á sig fá og þegar
Ottó bróðir hans kom nokkru
síðar skrifaði hann nafn sitt
fúslega á hvítan dúkinn. Marg-
ir áttu eftir að fylgja fordæmi
hans, konungar, prinsar, lista-
menn og yfirstéttarfólk og dúk-
urinn góði er meðal helstu dýr-
gripa hótelsins. (Það var al-
gengur siður hér á landi í eina
tíð að láta gesti og gangandi
skrifa nöfn sína á dúka.
Heimasæta eða húsmóðir
saumaði síðan nöfnin með
kontórsting. Vel getur verið að
við höfum lært þennan sið af
Önnu Sacher.)
NÝIR EIGENDUR -
GAMLIR SIÐIR
Hótelið varð gjaldþrota arið
1933 og þá keyptu Anna og
Josef Siller það í félagi við
Hans og Poldi Gurtler en öll
vildu þau bjarga hinu fræga
Sacherhóteli. Árið 1938 var
Þaö fer ekki
fram hjá
neinum að
hér má fá
sér Sacher-
tertu.
Austurríki innlimað í Þýska-
land og skömmu síðar hófst
síðari heimsstyrjöldin. Margir
fyrrum viðskiptavinir hótelsins
skipuðu sér í andstæðar sveit-
ir - vinir urðu óvinir. Árið 1945
héldu herir Sovétmanna inn í
Vín og hestar hernámsliðsins
stóðu nú í marmarasalnum
þar sem fínasta fólk heims
hafði áður setið aö snæðingi.
Tveimur mánuðum síðar kom
breski herinn og Bretar gerðu
hótelið að liðsforingjaklúbbi og
hélst það svo fram til ársins
1951.
Þegar hér var komið sögu
þurfti hótelið svo sannarlega á
andlitslyftingu að halda. Að-
eins átján herbergi voru með
baði en fljótlega var sú tala
komin í fjörutíu. Stöðugar
breytingar og endurbætur hafa
staðið yfir síðan. Gurtler var
mikill listaverkasafnari og í
hverju einasta herbergi hótels-
ins er að finna máiverk eftir
þekktan listamann. Árið 1971
tók Peter Gurtler við hótel-
stjórninni aðeins tuttugu og
fimm ára gamall og hefur hann
stjórnaði því síðan.
Gúrtler hefur viðhaldið
gömlum siðum og bætt við nýj-
um í hótelrekstrinum. Sacher-
tertan lifir enn góðu lífi og vin-
sældirnar eru meiri en nokkru
sinni fyrr. Hundruð terta eru
sendar úr landi á hverjum degi
fyrir utan allan þann fjölda sem
borðaður er á Sacherhótelinu
sjálfu. Þangað koma menn þó
ekki sé nema bara til þess að
fá sér Sachertertu og kaffi-
bolla.
Tertan og hótelið hafa verið
gerð ódauðleg því söngvar
eru sungnir um Sacher. Má
þar nefna „Yðar hátign, þér
hafið þekkt Frau Sacher per-
sónulega", „Smásneið af
Sachertertu er smásneið af
Vín“ og Peter Kreuders samdi
valsinn „Sacher Torte" og
Rudi Gfaller óperettuna
„Sacher Pepi“. Til er ballett
sem nefnist „Hotel Sacher" og
leikrit sem heitir „Morðið á
Sacher".
SACHERTERTAN
Um sjötíu þúsund tertur,
rúmlega helmingur þess sem
bakað er, eru á hverju ári seld-
ar úr landi. Um jólaleytið, þeg-
ar eftirspurnin er hvað mest,
hafa menn ekki undan við
baksturinn, þótt hægt sé að
baka fimmtán hundruð tertur á
dag. í þau nær 160 ársem lið-
in eru frá því fyrsta Sachertert-
an var bökuð hafa verið
bakaðar milljónir terta í fjórum
aðalstærðum. Og hvað skyldi
svo fara mikið í ársfram-
leiðsluna af Original Sacher-
torte samkvæmt upplýsingum
framleiöendanna sjálfra?
Ótrúlega mikið - 600 þúsund
egg, 40 tonn af súkkulaði og
30 tonn af sykri auk annars.
Stærsta Sachertertan, sem
bökuð hefur verið, var í
fimmtán lögum og ætluð fimm
hundruð manns.
UPPSKRIFTIN
Uppskrift Sachertertunnar hef-
ur ævinleg verið algjört hern-
aðarleyndarmál. Hvað sem
því líður hafa ýmsir talið sig
geta sagt til um úr hverju tert-
an er bökuð. Við birtum hér
uppskrift sem sögð er vera sú
rétta. Við ábyrgjumst það þó
engan veginn en vonum að
tertan smakkist engu að síður
vel. Þið getið því að minnsta
kosti haft íslenska Sachertorte
á borðum um þessi jól.
Tertubotn:
150 g ósalt smjör
150 g sykur
5 eggjarauður
150 g suðusúkkulaði
5 eggjahvítur
150 g hveiti
2 teskeiðar lyftiduft
í fyllinguna:
250 g smjör
1 eggjarauða
125 g sykur
100 g suðusúkkulaði
3 dl apríkósusulta
Kremið:
100 g suðusúkkulaði
60 g sykur
3/4 dl vatn
1 teskeið smjör
Hrærið smjörið og sykurinn
létt. Bætið út í einni eggja-
rauðu í einu og haldið áfram
að hræra. Bræðið suðusúkku-
laðið yfir vatni og hrærið það út
í. Þeytið hvíturnar. Hrærið
hveiti og lyftiduft út í og bætið
svo eggjahvítunum varlega
saman við. Hellið deiginu í vel
smurt mót. Bakið kökuna í 200
stiga heitum ofni í um það bil
35 mínútur. Látið kökuna
kólna dálítið áður en þið takið
hana úr mótinu. Skerið hana i
þrjá botna. Setjið apríkósu-
sultuna á botnana.
Fylling:
Hrærið smjörið, setjið eggja-
rauðu, sykur og bráðið súkku-
laði út í. Setjið nú tertuna sam-
an með þessari fyllingu milli
botnanna.
Krem:
Bræðið súkkulaðið. Sjóðið
vatn og sykur þar til sykurinn
myndar þræði ef hann er tek-
inn upp með skeið. Blandið
súkkulaði og smjöri út í.
Smyrjið kreminu yfir tertuna.
Berið hana fram með þeyttum
rjóma.
80 VIKAN 23. TBL.1991