Vikan - 23.01.1992, Qupperneq 27

sólarlag. Þú nærir anda þinn hvenær sem þú
upplifir samræmi - í litum, hljóðum, orðum en
einnig meðal fólks. Þér er eðlislægt að reyna
að koma á sambandi við aðra, gera tilraunir til
að skapa tengsl og skilning. Sál þín er sendi-
herra- eða ráðgjafasál. Samkennd - hæfileik-
inn til að standa í sporum annarra - er einn
helsti styrkur þinn. Gættu þín samt á þeim
hæfileika þínum að skapa ímynd samræmis
þegar það er ekki til staðar. í einu orði sagt er
þér dulin hætta búin í hræsni - ekki þeirri
hræsni sem stafar af illkvittni heldur þeirri hvöt
að vilja engan móðga. Erfiðustu tilfinninga-
lexíur þínar eru þegar þú gerir þér grein fyrir
því að þegar blíðu og skilningi er ofgert getur
það leitt til ómannúðlegustu tegundar árekstra:
þeirra sem frestað hefur verið of lengi.
Til þess að þér líði vel þarftu þó að um-
kringja þig fólki sem hefur næmi á náð og dýrð
lífsins, fólki sem þú getur fagnað lífinu með.
Með Vog rísandi geislar af þér þokkinn og
vinsemdin. Fólki líður ósjálfrátt vel nálægt þér
- sem lýsir upp aðalatriðið í framkomustíl
þínum: kurteisi. í þessu samhengi þýðir kurt-
eisi ekki að vera pínlega prúður við öll tæki-
færi; þess í stað bendir það til leikni í að stuðla
að því að fólk sé eðlilegt og finnist það velkom-
ið. Þann hæfileika hefur þú í ríkum mæli. Þú
ert í bestu jafnvægi þegar þú skapar sátt og
samræmi. Að hvetja vini til að slaka á er hluti af
því. Þú getur einnig skapað samræmi milli lita,
forma og hljóða. Við köllum það „list“ og það
er mjög jákvætt fyrir þig að tjá þig á listrænan
hátt. Á svipaðan hátt geturðu skapað innra
samræmi með því að láta fegurð hellast yfir
skilningarvit þín eða með því að sitja einfald-
lega hljóður á fáguðum stað.
HIÐ ÞUNNA LOFT SANNRAR
EINSTAKLINGSHYGGJU
Með sól í Vatnsbera er sá reynsluheimur sem
nærir sólarorku þína mest heimur sem flestum
öðrum finnst furðulegur. Það erenginn andleg-
ur dauði falinn í „venjulegheitum", það vill að-
eins svo til að þú ert kominn á stig á ferðalagi
sálarinnar þar sem leiðin liggur í gegnum
menningarlegan og þjóðfélagslegan jaðar.
Láttu það ekki halda aftur af þér! Vertu þú
sjálfur, jafnvel þó það fari í taugarnar á öllum
valdsmönnum í nágrenninu.
Þjóðfélagið mun reyna að knýja þig til að lifa
lífi sem er borgaralegra en þér hentar. Það
mun múta, hóta, skjalla og kúga þig. Eins og
það sé ekki nóg mun það senda njósnara inn í
virkið þitt: fólk sem þykir vænt um þig og segir:
„Gerðu málamiðlun í þessu, gerðu það! Mér
finnst hryllilegt að hugsa til þess hvað gerist ef
þú ekki gerir það!" Fólkið er einlægt en láttu
það ekki hagga þér. Vertu þú sjálfur. Þú siglir í
hinu þunna lofti sannrar einstaklingshyggju.
Ein afleiðingin af því er sú að þú þarft því mið-
ur að særa suma til að halda því áfram.
Með tungl í Vatnsbera starfa tilfinningar þín-
ar „ekki rétt“ - eða það verður niðurstaða
þinna sjálfskipuðu sálfræðinga, ráðningarráð-
gjafa og ýmissa lærimeistara. Á stundum verð-
ur á þér mikill þrýstingur að vera hamingju-
samur - en þú verður dapur. Á öðrum stundum
á að þvinga þig til að syrgja - og þú munt finna
til léttis. Eða finna til afbrýði - og þú finnur til
öryggis. Eða reiði - og þú finnur til samþykkis.
Þetta nægir til að gera hvern mann vitlausan.
Forðastu það líka; það er ekkert annað en enn
eitt þjóðfélagshandritið sem þú ert að læra að
brjótast út úr. Þú ert að reyna að vera trúr því
Teikning frá miðöldum af stjörnuspekingi að taka
sem eðlishvöt þín segir að sé að gerast innra
með þér - og að forðast það sem fyrir þig væri
deyfandi tómleiki borgaralegs „eðlileika".
Fólkið sem þér líður best með eru utan-
garðsmenn, fólk sem ekki er auðvelt að setja í
visst þjóðfélagsmót. Verðu tíma með því; það
nærir anda þinn.
Með Vatnsbera rísandi geislar af þér sjálf-
stæði og einstaklingseðli. Fólki er fullljóst frá
því að það hittir þig að þú ætlar þér að vera þú
sjálfur. Þú kannt að meta það ef fólk viður-
kennir þig en þú verður ekki dansandi api til að
öðlast viðurkenningu. Þannig lítur það alla
vega út þegar þú ert heilbrigður. Það er önnur
hlið á málinu. Látir þú undan þjóðfélagsþrýst-
ingi og takir upp hefðbundnara hátterni en þér
er eðlilegt mun stíll þinn breytast: í staö dá-
samlegs fágætis gerist þú fálátur, eins og þú
haldir aftur af þér. Og vissulega ertu að því -
þú ert að halda sjálfum þér aftur.
Til þess að halda jafnvægi og gera þér skýra
grein fyrir sjálfum þér þarftu að næra þig á
reynslu sem liggur utan ríkjandi stefnu þjóð-
félagsins. Það þýðir í rauninni að ýmislegt sem
þér hentar vel virðist furðulegt í augum meðal-
jónsins.
SKRÆLNAR EF ALLT ER
FYRIRSJÁANLEGT
Með sól í Tvíbura hefurðu líkamlega og hug-
læga orku á háu stigi. Notaðu hana! Þú ert
kvikur, lifir í andartakinu. Fólk álítur þig líklega
yngri en þú ert. Innsta eðli þitt er knúið áfram af
einu afli öðrum fremur: forvitni. Þú ert ánægð-
astur þegar eitthvað óvænt hendir. Þú þrífst á
hinu óvænta. Og þú skrælnar standirðu frammi
fyrir því að allt sé fyrirsjáanlegt.
Andlega ertu að læra að halda huganum
galopnum. Nærðu lífsþróttinn með nýjum sam-
böndum - eða gömlum samböndum við fólk
sem alltaf er nýtt. Örvaðu sjálfan þig með þók-
um og ferðalögum. Líttu í stjörnukíki þegar þú
efast. Farðu á námskeið í sögu Etrúra! Gerðu
hvað það sem þú aldrei hefur gert áður.
á móti viðskiptavini.
Með tungl í Tvíbura er þér eðlislægt að vera
eirðarlaus og orkumikill, eins og þú sért á þús-
und snúningum á mínútu í heimi sem er á tíu.
f þér er djúp þörf fyrir fjölbreytni - og eigir þú
að vera hjarta þínu trúr verður þú að svala
þeirri þörf. Þegar það gerist álítur fólk þig
máski ósamkvæman sjálfum þér eða ábyrgð-
arlausan. í rauninni ertu aðeins að fylgja leið
sem hentar þínum innri manni. Þó er galli á
gjöf Njarðar: þú þarft að vera pínlega heiðar-
legur við sjálfan þig þegar þú hættir við eitt-
hvað sem enn er hægt að mjólka, einungis af
því að það er orðið erfitt. Ein hættan hjá þér er
sú að þú sökkvir þér aldrei niður í neitt en verð-
ir þess í stað eilífðarviðvaningur. Sérstaklega
er sú hætta áberandi í nánum samböndum. Til
að þér líði vel i þannig sambandi verður maki
þinn að vera áhugaverður, eiga auðvelt með
tjáskipti, forvitinn og með opinn huga. Það er
bjargföst undirstaða en þá þarft þú líka að
sýna trúfestu á óhjákvæmilegum erfiðum
stundum. Það er ekki auðvelt en tilraunarinnar
virði og ekki bara af heimspekilegum ástæð-
um: samband sem hlotið hefur eldskírn og
komist heilt út úr því verður líklega auðugra
fyrir bragðið.
Með Tvíbura rísandi er framkoma þín
snaggaraleg og vakandi. Þú hefur skarpa
greind og huga sem slær við hverri tölvu. Fólk
mun telja þig yngri en þú ert allt lífið á enda.
Ástæðan er sú að við tengjum forvitni og orku
yfirleitt við æsku! Þú hefur hvort tveggja í rík-
um mæli og það mun enn eiga við á 97 ára af-
mælinu þínu. Til að halda andlegu jafnvægi
þarftu að láta nýjar upplýsingar rigna yfir skiln-
ingarvit þín. Það geturðu gert með því að
ferðast, með því að lesa eða mennta þig. Ein
uppáhaldsaðferðin þín er sú að tala við áhuga-
vert fólk. Mundu bara eftir því að hlusta líka.
Ræktaðu með þér þolinmæði; heimurinn er
fullur af fólki sem er fullt af hrífandi innsæi og
reynslu en hjá flestum fer líf - og hugur - ívið
hægar en hjá þér. Þú verður að hægja aðeins
á þér til að upplýsingamiðlunin nái að eiga sér
stað.
2. TBL. 1992 VIKAN 27