Vikan - 04.11.1993, Qupperneq 12

Draumaráðningabækur eru heldur ekki til neinna nota
þar sem sama táknið getur haft mismunandi merkingu
eftir því hver það er sem dreymir. Að dreyma vatn mun
vera einkar jákvætt fyrir þann sem hefur unun af að
synda eða róa báti í frístundum. Fyrir þann sem er
vatnshræddur mun þetta vera mjög óþægileg reynsla.
Við getum ekki lært draumamálið á sama hátt og við
lærum ensku eða þýsku því að við höfum öll, hvert og
eitt, okkar sérstaka draumamál sem byggist á okkar eig-
in lífsreynslu.
Vegna þess að öll erum við manneskjur eru viss
grundvallaratriði sem koma fram öðru hverju í draumum
langflestra. Þau virðast þýða það sama fyrir okkur öll þar
sem þetta eru myndræn tákn fyrir sameiginlega tilfinn-
ingu eða reynslu. En jafnvel þessar sameiginlegu grund-
vallar draumahugsanir geta í raun og veru ekki kallast
altækar myndir eða líkingar því að þótt þær vísi til líkra
tilfinninga eða aðstæðna hafa þær mismunandi þýðingu
fyrir einstaklinginn - algjörlega háða aðstæðum viðkom-
andi.
10