Menntamál - 01.09.1941, Blaðsíða 32

78
MENNTAMÁL
fegurð meyjarinnar heldur er það fegurð mærinnar, sem
hrífur hann. Menn bera ekki einhverju við, þegar þeir vilja
afsaka sig, þeir berja einhverju við, þegar svo stendur á
og barði því við“!).
Hér skal nú látið staðar numið, þótt margt sé enn ótaliö
af ýmiss konar málvillum. Svo mun eiga að heita, að bókin
sé rituð samkvæmt gildandi stafsetningu, en mikið skortir
á, að þar sé rétt með farið. Rituð er z, þar sem henni er of-
aukið (hæztur), en víða sleppt, þar sem rita ber z og nær
aldrei höfð i miðmynd sagna. Sama gildir um tvöfaldan
samhljóð. Þar er ýmist of eða van, og hirði ég ekki að nefna
dæmi um það, en þau eru til og frá um alla bókina. Viður-
nefni eru öll rituð með stórum staf, en það er ekki réttur
ritháttur. Hvergi rakst ég á orsakartenginguna því að. í
stað hennar er jafnan haft því, og þykir það þó ekki sæma
í ritmáli. Notkun greinarmerkja, sérstaklega kommusetn-
ing, er fjarri réttu lagi og mjög ruglingsleg. Ýmsar mein-
legar prentvillur aðrar eru í bókinni, þótt ekki sé þeirra
hér getið, enda mun nóg komiö af svo góðu.
Ég hefi nú hér að framan lýst að nokkru málinu á einni
barnabók. Tilviljun ein réð því, að hún var valin. Það hefði
eins vel mátt taka ýmsar aðrar barnabækur, því að fleiri
eru til af svipuðu tagi eða litlu betri, en tími minn leyfir
ekki, að það sé gert. Þessi hefir þó einn kost fram yfir
margar aðrar. Hún er snotur að ytri frágangi og gengur
í augu við fyrstu sýn. Hér er það þó vafasamur kostur. Og
grálega eru þeir foreldrar leiknir, sem gleðja vilja börn
sín með bókagjöfum, að þeir skuli á þennan hátt ginntir
til að fá börnum sínum í hendur bækur á þvílíku hrogna-
máli.
Hvaða áhrif hefur svo lestur bóka eins og þessarar á
börnin? Við vitum það ekki gjörla. En engra góðra áhrifa er
þaðan að vænta. Og ef gert er ráð fyrir, að börnin læri
hreint og rökrétt mál af vel rituðum bókum — og ég tel
það engum vafa bundið — þá verður einnig að gera ráð