Vorið - 01.03.1953, Page 44

40
V O R I Ð
GAMAN OG ALVARA
Bjarni kaupmaður átti von á gest-
um. Hann gægðist áhyggjufullur út um
gluggann, því að það var farið að rigna.
Honum sýndist einhver vera að koma,
opnaði dyrnar og gekk út, en þar var
þá enginn.
Þegar hann gekk út á tröppurnar
hafði hann ekki gætt þess, að hurðin
féll aftur, og vegna þess, að hann hafði
ekki smekkláslykill fneð sér, varð hann
að standa þarna nokkrar mínútur,
þangað til einhver heyrði, að hann var
að banka og opnaði dyrnar.
Þarna hafði hann ekkert þak yfir
höfuðið, og auðvitað hafði hann ekki
verið svo forsjáll að hafa með sér regn-
hlíf. En þrátt fyrir þetta var ekki eitt
einasta hár á höfði hans vott, þegar
hann fór inn aftur. Hvemig stóð á því?
Kennarinn: Hvað er tuttugu frá tutt-
ugu?
Nemandinn þegir.
Kennarinn: Ef þú hefur tuttugu aura
í vasanum og týnir þeim. Hvað er þá
eftir í vasanum?
Nemandinn: Gat.
Vertu nú þægur, Pési minn, þá skal
ég teikna eitthvað fyrir þig.
— Geturðu teiknað, mamma?
, — Já, hvað sem þú vilt, drengur
minn.
— Viltu þá teikna fyrir mig mjólk?
— Hver hefur skapað heiminn, Pét-
ur?
— Guð.
— Og hver hefur skapað þig?
— Það hefur guð einnig gert, en
hann skapaði mig bara pínulítinn. Hitt
hef ég gert sjálfur.
VORIÐ
Timarit fyrir böm og unglinga.
• Kemur út í 4 heftum á ári, minnst
40 sfður hvert hefti. Argangurinn
kostar kr. 15.00 og greiðist fyrir 1. maí.
Útgefendur og ritstjórar:
Hannes J. Magnússon, Páls Briems-
götu 20, Akureyri, og
Eiríkur Sigurðsson, Hrafnagilsstræti
12, Akureyri.
Prentverk Odds Björnssonar h.f.
DÆGRADVÖL
1. Hver af sonum Egils Skallagríms-
sonar drukknaði?
2. Á hvaða bæ var nunnuklaustur á
Norðurlandi?
3. Hver hefur símanúmerið 1182 a
Akureyri?
4. Hvað hét kona Þorvarðar Loftssonai'
á Möðruvöllum?
5. Hvaða jökull er vestan við Kalda-
dal?
6. Við hvem sagði Ófeigur í Skörðum:
„Hversu mikill þyki þér hnefi sá?“
7. Hver varð hér ráðherra árið 1909?
8. Hvaða fyrirtæki framleiðir heimilis-
tækið „Þvegillinn11?
9. Hvað heitir ævisaga Benedikts
Gröndal?
10. Eftir hvaða skáld er þessi vísa:
Ferskeytlan er Frónbúans
fyrsta barnaglingur.
En verður seinna í höndum hans
hvöss sem byssustingur.
11. Inn í hvaða fjörð kom Naddoður á
Austfjörðum?
Fyrstu stafirnir í svörunum við þesS'
um spurningum mynda bókaheiti-
Hver eru svörin og hvað heitir bókin ?
Verið dugleg og sendið margar ráðn'
ingar. Bókaverðlaun verða veitt.