Vorið - 01.03.1963, Page 47

HEIMSMEISTARI í SKÍÐASTÖKKI
Norðmenn eru miklir skíðamenn. Oft
hafa þeir átt marga skíðakappa. Enda
er skíðaiðkun almenn í Noregi.
I heimsmeistarakeppninni í Zakopane
á síðastliðnu ári varð 25 ára gamall
Norðmaður heimsmeistari í skíðastökki.
Þessi ágæti íþróttamaður var Toralf
Engan úr Þrændalögum.
Var þetta tilviljun? Hafði hann nokk-
uð lagt á sig til að vinna þennan sigur?
Geta þeir sigrað í íþróttum, sem latir
eru að æfa sig?
Fyrsta sigur sinn vann hann 13 ára
gamall. Svo hélt hann áfram að æfa í
skíðabrautinni í heimahyggð sinni með
öðrum norskum drengjum. Síðar bætt-
ust fleiri sigrar við. Hann varð þriðji
í sænsku skíðakeppninni 1960 og ann-
ar á Holmenkollenmótinu sama ár. En
á árinu 1961 vann hann hvern sigurinn
af öðrum, unz hann enti með hinum
mikla sigri 1962.
Það er sagt, að Toralf Engan æfi tvær
til þrjár stundir daglega. Þegar hann
getur ekki æft sig á skíðum á sumrin,
þá hefur liann líkamsæfingar. íþrótta-
maðurinn þarf að hafa stæltan og sterk-
an líkama. Skíðastökkið fer eftir hyrjun-
inni. Þá veltur það á broti úr sekúndu,
hve fljótt og vel hann getur spyrnt sér
af stað. Þess vegna þarf hann alltaf að
vera í þjálfun.
Pétur langaði mikið til að eignast litla
systur. En liann liafði auðvitað enga hug-
mynd um, hvernig hægt væri að eignast
hana. Hann hafði þó einhverja óljósa hug-
mynd um, að Guð myndi á einhvern hátt
sjá fyrir því, og dag einn, þegar hann var
á gangi með móður sinni, lá leið þeirra
fram hjá kirkju einni. Það hittist einmitt
svo á, að í sama hili kom ung móðir út úr
kirkjunni með lítið barn í fanginu, sem
hún hafði verið að láta skíra.
Pétri varð starsýnt á barnið og segir við
móður sína:
„Ættum við ekki að ganga inn og fá
einn svona?“
VORIÐ 43