Vorið - 01.06.1966, Blaðsíða 46

ÁHRIF TÓBAKS Á BÖRNIN
Þar eð nikotinið herpir saman slag-
æðarnar, verkar það einnig á æðar legs-
ins og dregur þær saman, svo að næring
fóstursins minnkar. Þetta getur haft
mjög alvarlegar afleiðingar á afkvæmið,
svo að það nær ekki þeim þroska, sem
það gæti annars fengið í móðurkviði.
Enn er órannsakað, hve mikinn skaða
það getur gert barninu, ef móð.irin reyk-
ir á meðan hún gengur með það, en
býsna mikinn. T. d. geti börnin orðið
greindarminni, sljórri og frekar hætta á,
að þau fæðist vansköpuð á einhvern
hátt.
Engin kona, sem vill eiga ejnilegt
barn, œtti að reykja meðan liún gengur
með það.
HVERNIG GETA MENN VANIB SIG
AF REYKINGUM?
Þeir, sem reykt hafa árum saman og
reykja mikið, eiga oft erfitt með að
venja sig af þeim sið. Erfiðast virðist
það vera fyrir þá, sem reykja mikið af
sígaretlum, að venja sig af þeim, eink-
um konur, sem reykja ofan í lungun.
En sú tóbaksnautn er hættulegust og því
mest aðkallandi fyrir slíkt fólk að hætta
að reykja.
Yfirleitt er það tilgangslaust að segja
þeim, sem mikið reykir, að minnka við
sig reykingarnar, fara t. d. úr einum
pakka í hálfan pakka á dag. Með því
móti kveljast menn stöðugt, því að þá
langar alltaf í jafnmargar sígarettur og
þeir eru vanir að reykja. Það er hœgara
og áhrifaríkara að hœtta alveg. Það er
margreynt, að sjúklingar, sem þola ekki
að reykja, taka miklu meira mark á þeim
lækni, sem hannar þeim algjörlega að
reykja, en á hinum, sem ræður þeim til
að minnka við sig reykingarnar.
Sumum finnst í svo mikið ráðizt að
hætta að reykja, að þair treysta sér alls
ekki til þess. Þeir þykjast vita það fyrir
fram, að þeir verði svo ómögulegir og
illa lyntir, ef þeir fá enga sígarettu, að
hvorki þeir né aðrir geti haldið það út.
Slíku fólki má oft hjálpa með því að
gefa því 2—3 töflur af amfetamíni fyrstu
vikuna meðan það er að komast yfir
verstu erfiðleikana.
Amfetamin hækkar blóðþrýstinginn,
svo að manninum líður betur, og segja
margir, sem þetta hafa reynt, að það
liafi hjálpað þeim algjörlega til að kom-
ast yfir versta kaflann. Enginn ætti samt
að gefa meira amfetamín en svo, að
hann taki tvær töflur á dag í tvær vikur.
Annars geta menn vanizt á það, og tekur
þá ekki betra við.
En ef amfetamín er skynsamlega not-
að getur það orðið að miklu gagni við
að venja menn af reykingum.
Ollum, sem hafa reykt mikið og síðan
hætt því, kemur saman um, að þeim líði
miklu betur, eftir að þeir eru hættir.
Þeir verða hreinir í hálsi og lungum.
Þeir losna við sífellda ertingu, sem þeir
hafa í hálsi, og þeir verða þrekmeiri
til vinnu.
Þeir sjá fyrst, eftir að þeir eru hættir,
hve mikinn skaða tóbakið hefur gert
þeim, ekki aðeins fjárhagslega, heldur
einnig heilsu þeirra og vinnuþreki.
RÁÐNING Á GÁTU Á BLS. 80.
Silfur.
92 VORIÐ